X
تبلیغات
بانک شعر آذري واطلاعات مفید

اوستاد نامه

استاد آشیقلارین طرفیندن سؤیله نیلیب،اخلاقی،تربیه وی،حکمت آمیز سجیه داشییان شعرلردئییلیر،استاد نامه لرده آشیق شعری نین قوشما،گرایلی، مخمس،مستزاد،دیوانی، تجنیس ودیگر شکیلریندن استفاده اولونور.

اوستادنامه آشیق صنعتی نین،آشیق شعری نین ان چوخ شهرتله نن نوعلاریندان دیر،او اؤز تاریخی اعتباری ایله ده کلاسیک وآشیقلاریمیزین یارادیجی لیغی ایله باغلی دیر.

اوستادنامه لرین ایلک نمونه لرینه«ده ده قورقود»ون آغیللی کلاملاریندا، حیاتین اؤزوندن آلدیغی نصیحت آمیز فیکیرلرینده راستلاشیریق.

 

خسته قاسیمدان بیرنئچه اوستاد نامه:

 

ده لی کؤنلوم نه دیوانه گزیرسن

بیوفا دلبردنسنه یار اولماز!

دوزچیخماز ایلقاری عهدی پیمانی

هرجایی دا ناموس غیرت عار اولماز!

 

اؤز وئرمه نادانا ،سیر وئرمه پیسه

آخیر قلبین یا اینجی یه یا کوسه

اوت بیته ر کؤک اوسته اصلی نه ایسه

یووشان بسله مکله چمنزار اولماز!

 

وفالی یا امک چکسن ایتیرمز

بد اصیل نصیحت،اؤیود گؤتورمز

قاباق تاغی تر شاماما بیتیرمز

گؤی سؤیودده هیوااولماز،نار اولماز!

 

تکلیف اولونمامیش بیریئره وارما

نر اولماز میداندا هربیغی بورما

سیراغیب،آداما سن یاخین دورما

خائن چیخار،اوندا دوزایلقار اولماز!

 

خسته قاسیم گؤنو کئچمیش قوجادیر

گه لن بزیرگاندی،گئدن خوجادیر

سرو آغاجی هر آغاجدان اوجادیر

اصلی قیتدی،بوداغیندا بار اولماز!

اوستادلار اوستاد نامه نی بیردئمز،ایکی دئیه ر،بیزده دئیه ک ایکی اولسون دوشمنلر گؤزو کور اولسون.

 

 ده لی کؤنول مندن سنه امانت

دئمه بو دونیادا قالیم یاخشیدی

بیرگون اولارقوهوم-قارداش یاد اولار

دئمه اولسوم وار،ائلیم یاخشیدی.

 

بیر یئره گئدنده اؤزونو اؤیمه

شیطانا باج وئریب،کیمسه یه سؤیمه

اگر گوجلو ایسه ن فقیری دؤیمه

دئمه کی زورلویام،قولوم یاخشیدی.

 

قوچاقدان اولوبسان،قوچاق اول گینن

قادادان بلادان قاچاق اول گینن

عاشیق اول جومرد اول،آلچاق اول گینن

دئمه واریم چوخدور،پولوم یاخشیدی!

 

خسته قاسیم کیمه قیلسین دادینی

جانی چیخسین ،اؤزو چکسین اودینی

یاخشی ایگید یامان ائتمز آدینی

چونکو یامان آددان اولوم یاخشیدی.

 

اوستادلار اوستاد نامه نی ایکی یوخ، اوچ دئیه ر، بیزده دئیه ک اوچ اولسون،یاغینین عومرو پوچ اولسون.

 

آی عاریفلر هئچ کس یالنیز اولماسین

یالنیز ایسه داشدان دیوار دئیه ر لر

بزیرگانسان،آچ متاعین،خیرد ائله

آرارلار،یوکونده نه وار دئیه ر لر

 

بیگلر اله آلار آلیئجی قوشی

صرافلار تانییار قیمتلی داشی

بیر اوغول آتادان آرتیرسا ایشی

ائل ایچینده اونا تاوار دئیه رلر.

 

قیزیل گؤلو دسته-دسته ده ر گینن

ده ریبسنده پینهانلارا سرگینن

هرنه وئرسن اؤز الینه وئریگینن

یوز قادانی باشدان سووار دئیه ر لر.

 

نئیله رم باغچانی،باری اولماسا

نئیله رم هیوانی، ناری اولماسا

بیر ایگیدین دونیا واری اولماسا

یئلکنسیز اوخ کیمی چووار دئیه رلر.

 

اسکندر آتلاندی چیخدی ظولماتدان

قاسیم،خضر ایچدی آب حیاتدان

سؤزو دوشدو ایگیددن،قیلینجدان،آتدان

سفره نی هامیدان کبار دئیه رلر.


موضوعات مرتبط: استاد نامه

تاريخ : سه شنبه پانزدهم اسفند 1391 | 2:23 | نویسنده : موسی |

آنا یوردوم منه شان و شرفدیر،

فخر ائده رم دوغما وطن ایرانا.

: "باقر خان"لار، "ستارخان"لار اوغلویام،

جان دئمیشم قوربان آذربایجانا.

 

بو توپراقدان سوموک ـ ایلیک ، جوهریم،

هر قاریشی ظولمه قارشی سنگریم،

"حُبّ الوطن" ازل گوندن ازبریم،

گووه نه رم بو ایلقارا ـ ایمانا.

 

من قارتالام، زیروه لردن دوشمه نم،

دارلیق سئوه ن بایقوشلارا دوشمنم،

باشدان کئچیب وطنیمدن کئچمه نم،

باش اگمه رم اجنبی یه ـ دوشمانا.

 

آند ایچمیشیک گؤیدن گلن قورآنا،

خطر چاغی قان سوووراق میدانا،

سگگیز ایل دایاندیق مرد ـ مردانا،

ظفر چالدیق عجب بؤیوک شیطانا!

 

"جعفری"یم سؤز بحرینده اوزه رم،

اینجی تاپیب "ساری تئل"ه دوزه رم،

مضراب اولوب تئل اوستونده گزه رم،

اهل ایسته رم سؤز قاندیرا، سؤز قانا

 

 

دونیا   
گل بیر سندن خبر آلیم
سلیماندان قالان دونیا
ازلی گؤل کیمی آچیب
آخیریندا سولان دونیا
***
دئی گؤروم نه یه طالیبسان
درسینی کیمدن آلیبسان
نئچه مین یول بوشالیبسان
نئچه مین یول دولان دونیا.
***
بو دونیا فانی دیر فانی
بو دونیادا قالان هانی
داوود اوغلو سلیمانی
تاج و تختدن سالان دونیا.
***
خسته قاسیم قالیب ناچار
بوسرّی بس کیملر آچار!
گلن قونار، قونان اوچار
هئی سالارسان تالان دونیا.
(خسته قاسیم)

 

اولمگه آماده منم

عاشق اولدوم کی دییم عالمه دیوانه منم

                                    عشق اوینده یاشایان عاشق دردانه منم

حیف اولا عاشقین عمری سونا گلدی تزراخ

                                    ایندی بو عشق اوینه نوکر بیگانه منم

گئجه گوندوز چالیشان تاکی ائده یارینی شاد

                                    ایندی بی غیرت آدی آنّدا دلداده منم

مستیدیم باده عشقیله وصالین وقتی

                                    ایندی مخمور خراباتم و بی باده منم

یار و اغیارین الینن توتانیدیم بیرگون

                                    ایندی یوخدور کمگیم اولمگه آماده منم

 

 

لای لای

لای لای ملگیم لای لای

                  گولوم چیچگیم لای لای

سن سن گوزوم ایشیغی

                  آرزوم دیلگیم لای لای

لای لای چالدیم آدینا

                  آغیز دویمور دادینا

آلله الین نن توتسون

                  چاتدیر سین مرادینا

لای گولوم لای لای گولوم

                  سنبلیم نارین گولوم

پروانه گئجه گوندوز

                  آغلار هارایلار گولوم

لای لای وارلیغیم لای لای

                  گونوم ایشیغیم لای لای

گئجه دن صبحه کیمین

                  سنه یازدیغیم لای لای

لای لای گولوم چیچگیم

                  منیم آرزوم دیلگیم

آلله سنی قوروسون

                  تکجه بودور دیلگیم

 


موضوعات مرتبط: شعر آذری و شعر آیریلیق

تاريخ : سه شنبه پانزدهم اسفند 1391 | 2:21 | نویسنده : موسی |

 

آشيق شمشير دده

 

 

آذربايجانين بويوک و داهي صنعتکارلاريندان سايلان دده شمشير ۱۸۹۳ - نجي ايلده کلبجر رايونونون

داميرچيدام کندينده دونيايا گوز اچيب.آتالاري اوزليکله آشيقين اوز آتاسي قوربان ،کيمي شعره و آزادليقا ان کيچيک

چوخ ظلمه و تعديه معروز قالميش بير شاعير و آشيق سايلير.

خالق ادبياتنين و شفاهي ياراديجليقين ان اونده سايلان صنعتکارلاريندان" دده شمشير" ايگيرمي نجي عصيرده

آذربايجان و آشيق پئوميزنين اينکشافيندا بويوک رولو اولان شاعيرلردن سايلر.قاباقجاداندا دئديگميز کيمي عومور

بويي بير چوخ ظلمه و يوردونا و مسکنينه تعروزه معروز قالان شاعير يارادجيليقيندادا آيدينجا بوني ديله گتيرميش و

بوتون ياراتديقلاري سوزلو-سازلي شعرلرينده گوزه چارپيدماقدادير.بئله کي شاعيرين بو اوز به اوز ياشايشيندا بئله

اوز گوستريب و ان سونوندا ۱۹۹۲ نجي ايللرده داشناق ائرمنيلر کلبجرين ايشغالي زماني شاعيرين ان ديرلي و

اونملي ديواني بير چوخ باشقا يازيلا بيرليکده و حتا آتاسنين قوربانين يازيلاريدا يانديرليب آرادان آپارلميش.

۲۰۰۴ نجي ايل شاعيرين ۱۱۰ نجي دوغوم گونلريله راستلاشناسي دولايي بوشاعيرين و آشيق اوستادنين شعر

ديوانين حوظورلارنيزا سونولور.

 

 

باياتيلار

 

چاغير سن گئجه ياري

باختيندان کئچه ياري

يوخودا ياري گوردوم

اويناديم گئجه ياري

***

گئيميسن، آ خارا

دوشموسن درين آخارا

بولبول باخار گول آغلار

گولوستاندا او خارا

***

دورما بيزيم درده سن

دئمه اولور درد آسان

ظاليم سني درده دوش

سالدين مني درده سن

***

سمندر اودوم آلدي

اودومدان او دم آلدي

صرافسان ياقوت آختار

تاپارسان او دا مالدي

***

ديمه يارام تئز قانار

آنلا ناموس،تئز قان آر

عاريفه بير ايشاره

قاش- گوزده ن تئز قانار

***

من آشيق آدام چالار

يارمچليق آدام چالار

آدامي شاه مار قويوب

سوخولجان آدام چالار

***

من آشيقام ،او سارا

من گئديرم اوسارا

تولک ترلان ورملر

اگر چاتسا او سارا.

***

من آشيق ،يارا سالار

غم جانا يارا سالار

گئجه دئير:-لاچينام

گون گورمز ياراسالار

***

من آشيقام ،من قانا

عاريف مطلب مين قانا

بيرجه اورک ياخاسان

اوز اولار مين قانا

***

 

گرايليلار

 

 

داغلارين

 

يازدا به زه نر،قالي تک

ياشيلي ،آلي داغلارين

قوزو مه لر يايلاقيندا

خوش کئچر حالي داغلارين

وار نرگيسي ،بنوشه سي

اتگينده گول مئشه سي

اولور اويناماق پئشه سي

ائللي ،اوبالي داغلارين

بولاق اوسته گلير نازلا

قيز سنکله ،آشيق سازلا

بولبول اوخور آوازلا

گوزل صفالي داغلارين

آباد اولور يايلاقلاري

خوبانلارين اويناقلاري

چوخدي سولو بولاقلاري

سرين هاوالي داغلارين

قايالاردا ککليک سئکر

بولود قالخار ياغيش توکر

سينه سينه دومان چوکر

گوللي لاله لي داغلارين

ساري يئره خاچ بولاغي

اوبا گ.چر يايلاماغي

آرانلاردان بيزيم داغي

گولر مئشه لي داغلارين

چوبانلارين چالير توته ک

گوي تپه لر ،گوزه ل گويچه ک

گورنده چالخانير اوره ک

چايي سونالي داغلارين

کئچير يازي گلير يايي

شيريلتييلا آخير چايي

صييادينا چاتير پايي

حلال مايالي داغلارين

يارپاقا شئه دوشر سحر

هر بوجاغي بهشت تهر

بينالاري اولوب شهر

آرتيق جلالي داغلارين

پاييز چوله دوشوب قيروو

قوشقار کپيز،چيليز ،ميروو

شمشيري گزه ر کوکسونده اوو

هوندور قايالي داغلارين

 

 

يالوارا –يالوارا

 

بير ناصفا –بي ايلقارا

گلديم يالوارا-يالوارا...

قاپيسينا گئجه گوندوز

گلديم يالووارا-يالوارا...

گاهي گلم ،بويو شاهباز

فصل باهار،سينه سي ياز

من يانينجادا،اوائتدي ناز

اؤلدؤم يالووارا-يالوارا...

ايديم اييلمز باشيمي

هئچ دويمادي تلاشيمي

سئل تک آخان گوز ياشيمي

سيلديم يالووارا-يالوارا...

شمشيريم بئله زحمتله

جانا گلديم بو موحنتله

بيرجه بوسه مينتله

آلديم يالووارا-يالوارا...

 

قوشمالار

 

 

داغلارا

 

هئچ باخميرسان چيچکلردن بري سن

گل باخ چمنگاهلي بيزيم داغلارا

دوور-صدف کسم گليم شعريدن

رسام اولوم گوي من ديزيم داغلارا

منده مهارته،ظفره بير باخ

بينادان گرکدي ماياق-تمتراق

سورو اوتارميشام اليمده چوماق

يايلميش قويونوم،قوزوم داغلارا

سانسيز،سايسيز تجنيس،تخنيس ورمدي

بير يوللار ازلدن خبرييم واردي

بير نئچه کيتاب ياديگاردي

شعردن دوشوب اوزوم داغلارا

فسونکاردير بو بندئيي-کمينه

شوکور يارادانيين اؤز کرمينه

پروانه اولموشام آران زمينه

اوشاق کن اورنيب اؤزؤم داغلارا

داشقين چايلار کيمي آخسام دااگر

ساوالان سويونو چيخارسام دااگر

مغريبدن مشريقه باخسام دااگر

جسرت قالاريئنه گوزوم داغلارا

داغلاراعاشيقم،هم پاسيبانام

حنالي داغلاردا قالير نيشانام

آتام دلينداغدير،ايستيسي آنام

نوه اولوب اوغلوم؛قيزيم داغلارا

شمشير اوپوب زيرونهي قوجاقلار

او قدر يازميشام،دولوب واراقلار

افسوندور صحبتيم،سوزوم داغلارا

 

 

بيلدي

 

يادينداساخلاکي،کوچدوگوم يوردون

قدرين چوخو دوشنده بيلر

کوخالارين زميسينده سونبولو

باش-اياق ييغاندا کوشنده بيلر

کوسمه،گيليلنمه،انا وطنه

توپراق قارقيش ائلر،اينجيه ر سنه

سوروش،اورن،اهديندن بيلنه

هرکس دردي بورنو شهرينده بيلدي

سويو شربت،سوددن آغ بولاغلاري

شلاله لر آخار باغ بولاغلاري

يادينا دوشنده داغ بولاغلاري

آراندا دوداغي بيشنده بيلر

اوزوندن ميتيلدي ،ميسترقاديني

شمشيري نئجه چکسين آديني

ياناغيندادير پاليد،ولس اودوني

قاراتيکان کولي ائشنده بيلر

 

 

 گل

 

عسگر اوغلان ،مکتبيني اوخوردوم

عسگرليگين سن بورجونو قوتير گل

تعليم اوره ن ،بو يئرلره شاد قاييت

قولوقونو باشا چاتدير ،يئتير گل

هوسله دور کئشيگينده وطنين

قاتي پولادداندي وطن قوده نين

خاطيرين،حورمتين،تفنگين سنين

قوي اوجالسين ،بوباروتي قوتور گل

فهمي فراستي بيلن باجاران

تربيه دوشونه ر سؤز قانان اينسان

جسور ترپه ن،مهارتلي آد قازان

او تعليمي اوزون ايله گتير گل

درس آل کومانداندان کاميل،متلبلر

متلبه چاتارسان اونوتماسان اگر

عملين اولاجاق بير محکم-انبر

قوخلاناجاق نفسيندن عطير گل

سورورسان حاليمي گوزلدير بيزيم

اومودوار گوزلير يولون گوزوم

منيم ايگيد اوغلوم،جانيم ،عزيزيم

شمشير بابان مورادينا چاتير گل

 

 

بنوشه

 

باهار چاتيب بزه يري داغلاري

آچيليرمي سيزين يئرده بنوشه؟

قيميشيرمي دوداغلاري نرگيزين

تازا-ترمي گونيلرده بنوشه.

آشيق قوربانيدان قاليب نيشانا

تورپاقدا بيزده ،اونادا انا

بوينونو پريشان ايمسين يانا

سالماميسان قلبيمي درده بنوشه

ندندي لاله نين باغريندا قارا

بو لطيف چيچگه کيم ووروب يارا

قيزيل گول قلبيني يئديرير خارا

حيف کي تئز سولور بيرده بنوشه

اونا جان يئتيشر ياز نفسيندن

اويانير يوخودان بولبول سسيندن

جنت چلنگينين دوشوب دسيندن

توتماسين اوزون پرده بنوشه

ياپراقين ظريفدير ياراشيقي وار

چمنه ،چيچگه سارماشيقي وار

قوجا شمشير کيمي بير عاشقين وار

سويلر سؤزون دوشون يئرده بنوشه

 

 

 

عاشيقم

 

محببته ،صداقته،ايلقارا

بير چوره يه،بيرده دوزا عاشيقم

بير قوجا ياريم وار ؛مين قيزا دير

نه گلينه،نه ده قيزا عاشيقم

مرده لازيم اولسا کئچرم جاندان

تربيه آلميشام عاريف اينساندان

زهلم گئده ر حيله فيتنه يالاندان

آچيق قاليب دوغرو سوزه عاشيقم

جان داائله سينه او قدر بيله

اورينهدن کيمي کدري سيله

هر آن کومک دير اوبايا ائله

محببته باخان گؤزه عاشيقم

حلال زحمت آلديم صنعت بازاري

يول آلديم حاقق اولان دؤز يولا ساري

نييمه لازيم دي دونيانين واري

اريريدن قاچقينام،دوزه عاشيقم

مردده سخي گوردوم،اؤزونده هونر

مرديلر اولکسينده فيرلانان ايستر

معرفت دوشونر صاحبي دفتر

عاليملر،عاريفلر،سؤزه عاشيقم

اونا قاچيرام ناخلفدن،خطادان

باراتيمي پاک آلميشام بيتادان

ثنعتيمه اورنميشم آتادان

شعرده سالديغي ايزه عاشيقم

شمشيري يئتيريب تاله بو ياشا

کونولو همدميديمله گزه ريم قوشا

هانسي بير ديل ائل نظريم دانيشا

اهل-ديل ،نورلو اؤزه عاشيقم

 

 

ده ير

 

تعنلي چوره گين،مينتله دونون

قيمتي چوروموش َقزيله ده ير

بيردن يئره،اليف قددين آدامين

درد چکيب بوره يي نزيله ده ير

اينسان دئمه بئکمال،بي هوشا

او يولداشدي ويرانده بايقوشا

نانجيبي آلان اولماز قوروشا

آدام وار بيراتک قيزلا ده ير

ده ير بو مضمون عارف،اهل-ديل

منفه تي،محببتي ياخشي بيل

شمشيره هيجراندي بيلذذت يوز ايل

دردي چکر اوره يي نه زله ده ير

 

گوزلرين

 

گور نئجه اوخشاردي يوخوسوزلارا

سنين بو اوزولوب ياخان گوزلرين

گاه بيهوش ائيليسن آز قالدي منيم

ايلديريم سرعتيله چاخان گوزلرين

گلن چوخدور بو وسفينه سسينه

گوزللر نه دئسينلر بس سنه؟

اؤزي عاشيق اولدورور بير گلسه نه

هردن خومارلانيب باخان گوزلرين

قاتيبسان لبينه شکر،قندي

کيملر اويرتميشدي سنه بو فندي

داغيتدي آتلادي اوباني کندي

داغديب ائويم ييخان گوزلرين

واريب يئره سردن گلديگيم يئرده

شمشيري آغلادين گولدوگم يئرده

سينه مه اوخ ووردون اولدويوم يئرده

مني نوکر ائتدي او خان گوزلرين

***

گئنه نغمه کيتابيني اوخودوم

حيران اولدوم هر ايشينه شاعرين

ترلان کيمي قانادآچديم هاوادا

چاتان وارمي يئريشينه شاعيرين

سنه حلال اولسون بو قايبل صنعت

بو عاغيل بو کمال فهم-فراصت

عاريف ده عاليم ده وئرجک قيمت

يئريشينه –دوروشونه شاعيرين

گليشينه بيزيم ائللر سئوينر

چمنلر بزه نيب گوللر سوئينر

شمشير ائله گوروشونه شاعرين

 

 

 

دئميشلر

 

عبادتدي، زييارتدي گوروشمک

يوخسوللوق ،آيرليق نعسدي دئميشلر

جان ساغليقي عومور اوچون بهادير

قوجاليق خسته ليق پيسدي دئميشلر

بختين کسه،سؤزون داشا ايشليه

هامي سندن جان ايسيه ،جان دئيه

بوندان سونرا واري اختاريم نيه

طاماحسيز اينسانا بسدي دئميشلر

دونيا مالي بو دونيادا قالاندي

چوخلاريندان تاختي-تاجي تالاندي

دوغرولوقدان غئيري نه وار يالاندي

محببتدن وفالي دوستدي دئميشلر

يولوم دوشه گوره م اهل-ديللري

زيارت ائيليم گوزه ل ائللري

ائله بيل اوزومه صبا يئللري

جننتين-بئهشتيدن اسدي دئميشلر

گل شمشيرين طالعينه باخ ايندي

ماهيرمين مئيلي منه ياخيندي

سحر تئزدن بير مکتوبونو اوخوندي

آغريم-جانيم تمام کسدي دئميشلر

 

 

 

دئسم اولماز

 

آلاغا قرنفيل،يووشانا ريحان

تيکانلي قانقالا گول دئسم اولماز

دميره صاف قيزيل،سويوده صاندال

تاپيلان هر داشا لعل دئسم اولماز

آري شيره چکير يازدا چيچکدن

نه چيخار بوش يئره يالان دئمکدن

بير فايدا آختارما مگس-ميلچکدن

شانيندا تاپيلار بال دئسم اولماز

نامردين واري وار،اوره گي يوخدي

بير اينسان اوغلونا گره يي يوخدي

سخاسي،صفاسي،چوره گي يوخدي

يوخسولا وئرجگ پول دئسم اولماز

ايگيد يئري دوشن يئرده ياخشيدي

ياخشييا ياخشيليق بير ده ياخشيدي

مرد اولان خئيرده ،شرده ياخشيدي

بي وفا آرخايا گه ل دئسم اولماز

شمشير،ده سؤزلرين ،ساخلاما لنگه

اصلي آسلان اولان لايقدير جنگه

پيشيک تاب گتيرمز شيره،پلنگه

دوشانا هنرينه فيل دئسم اولماز

 

 

ياراشماز

 

نامرده يالوارماق اينصافدان دگيل

دوشمنه يالتاقليق مرده ياراشماز

اؤيؤنوب دئسه ده مين يول ناکيشي

منم قهرمان دا نرده ياراشماز

هر کس قيرتين دوشونسون ازه ل

گول اولماز سويوددن،توکولن خزه ل

آبير حيا ،حورمت بيلمين گوزه ل

چکسه ده اوزنه پرده ياراشماز

قاتيلده اوزونه دئمز جلادام

اونون ايشينه دوشمين ،يادام

خالقين احوالينا يانمايان آدام

دئسه ده شريکم درده ياراشماز

هميسه کم هونر،سئللنه ر داشار

دويوشه گيرمه ميش قاينايار جوشار

يئرده ايش باجارماز،گويدن دانيشار

اونا گزمک هئچ دوز يئرده ياراشماز

شمشير مقصدينه چاتا ياخشيدي

گووهري صرراف ساتا ياخشيدي

ياخشي اوغول،ياخشي آتا ياخشيدي

بئوجسه،خئيرده شرده ياراشماز

 

 

دئمک اولماز

 

قضا قدرلنيب اوز وئرنده درد

کمنده دوشمين قاچ دئمک اولماز

ناکس کولگسينده سيغيناندا مرد

کئچر ايلي،آيي خوش دئمک اولماز

ابليسيين دوستلوقي غمدي قهردي

گيردال آشناليق دا چوخ بيتهردي

نامرد پيلووني يئمک زهردي

آغي دي لذذتي ،آش دئمک اولماز

آِاق باسما شيطان-ابليس ايزينه

لعنت بيچين ايريسينه دوزونه

هرکيم باخسا ساتديقي آرواد سوزونه

ساماندي کله سي،باش دئمک اولماز

چتيندي بي ايمان آدام اينانا

نه ديلله دئيم کي،آنلايا قاتا؟

نا نجيبه ،بي ايلقارا،اينانا

اعتبار ائيليب،ايش دئمک اولماز

شمشير دئير خايين اوره ک گيزلنمز

خويرات سوزو جانا اوخدو ،دوزولمز

ترلان يوواسيندان سوموک اوزولمز

ايگيد توفنگيندن بوش دئمک اولماز

 

 

گورموشم

 

اوغول ايندي عدالت وار ايمان وار

من ده خيلي دوورانلاري گورموشم

دوولت قيده قالير گزير اختارير

آزاد اولان اينسانلاري گورموشم

باشا دويوب،ائللره قان ايچيردن

اوبالاري تالان ائديب کوچوردن

الينه لوم آليب ائولر اوچوردان

قاچانلاري ،گووانلاري گورموشم

قارانلي گئجه لر تئز سحر اولدي

ظاليم کارين بالي غم،قهر اولدي

قولدورلارين آخير بئله تهر اولدي

خراباني،ويرانالاري گورموشم

نااينصاف،کرمسيز،موروتسيزآغا

پير آدامين آدي دوشدي اوزاقا

ايلدي،بوکولدي ،چوکدي آياقا

خلقه کوتک وورانلاري گورموشم

قويون اوچون وارمي اينصافي کورکون

قيرار وطنيندن سالار ديديرگين

تمام يئرتيجيلار اولدولار سورگون

شمشيريم ،او زمانلاري گورموشم

 

ده يمز

 

ايکي اؤزلؤ،يالتاق اولان کيشيلر

عصمتيني ساتان قادينا ده يمز

آدام وار کي سسي توتوب هريئري

اختارسان شهرتي آدينا ده يمز

خائين ،خبيسي چکيلمز دردي

اونلار کي اولومدن داها بتردي

يئمه نامردين آشين ،زهردي

طعمي تورش آيرانين دادينا ده يمز

ياحشيليقي کوتون گوتورمز باشي

اولنده دونيادان گئدجک ناشي

ساتديقين ياغ-بالي،لذذتلي آشي

مرد ايگيدي ياوان جادينا ده يمز

شمشير دوستلوق دئدي،بير ده حقيقت

خبيس،خاين ،ابليسه لعنت

سنه بي حيانين ائتديگي حورمت

دئشده چوروموش اودونا ده يمز

 

 

آز دانيش

 

اهل-حال يانيندا آز دانيش ،آز گول

بير کلمه ن دريادان اولماسا ده رين

ايگيدلر ايچينده ار کيمي دولان

ناموس تاجين اولسون،اولماسا ارين

دوز دولان،اوجالسين اوز باشين،آ يار

قانميرسا وور داشا اوز باشيني،يار

آرواد دولاناز اوز باشينا،يار

باشسيز آخان سولار اولماز هر ده رين

گور نلر يارانميش بو داغدا بير باغ

او دره بو باغدير،بو داغ دا بير داغ

شمشيريم،سالميشام بو داغدا بير داغ

ديميشي قيسمتيم اولماسا،ده رين

 

 

دورا بيلمز

 

سرر آچان نامرد،سوز دئمه پيسه

نامردين قلبينده سوز دورا بيلمز

يولداش اولما آلچاق اولان ناکسه

دانيشار ايلقاردان تئز دورا بيلمز

مرد ايله اولفت قيل زحمته قاتلان

سلامت باش ساخلا هر ائحتياتدان

بدني حفظ ائله پيسدن ،بدزاتدان

حرام دوغرو يولدا دوز دورا بيلمز

چاغيرما ظاليمي،يئتيشمز دادا

شمشير چوخ ايمتحان ائديب دونيادا

کارسيز قوهوم يامان گونده آرخادا

سن چوخ ارزيلاما آز دورا بيلمز

 

 

ياديما دوشدو

 

سحر آچيلاندا اوجا داغلارا

گول دوشونده آنام ياديما دوشدو

قولاغيما حزين بير لايلا سسي

ياتيشاندا ،آنام ياديما دوشدو

سهميمده جانلاندي آنامين اونو

دومان کيمي آلدي يولار اوستونو

باجي –قاداشيلا گوروشن گونو

سئويننه آنام ياديما دوشدو

آنالار اوغلون سئور قوجاقلار

گولور خياليما همين بو چاغلار

دويوشوب دئيشير دجيل اوشاقلار

ديلي شيرين آنام ياديما دوشدو

گوزلريم گورنده چمني گولو

آنيرام يايلاقدا شئهلي سونبولو

يازين قارانقوش ،بير ده بولبولو

اوتوشنده آنام ياديما دوشدو

بالا چاغيراندا مئشه ده عليک

قوحا شمشير دينلر الينده چليک

قوشولوب قارتالا قايادا ککليک

سسلشنده آنام ياديما دوشدو

 

 

کيمي

نامرد سنين قولوقوندا قول اولار

اوز ايشي دوزليب بيتن کيمي

اورشه-اورشه اوزونه گوله ر

الب بير طرفه چاتان کيمي

دوستو تانيماز نادان ،سرسري

بو ائله سوزدور نه ناواختدان بري

گوي سئللر آپارسين نانجيبلري

باخ،دالينجا گوزده ن ايته ن کيمي

خوريانين اوخ سوزو قالميش ديدي

بوکوب قامتين،قديمي ايدي

بيلديرچين ده بيرآي پاييزدا بيردي

داري سونبولنه يئتيرن کيمي

شمشير،گوره ک مرداوجاقين قالسين

هرکس چکر اوز ديلينين بلاسين

گوي سني شئر يئسين،شئر پاچالاسين

تولکو کولگسينده ياتان کيمي

 

جئيران

امان اوچي دوزده قورما تلني

حيفدير،دوشمسين اوززاقا جئيران

گه ل آتما گوله نن قانا بولانسين

دوشر بالاسيندان اوزاق جئيران

اينسان اوغلو وورما بو قلم قاشي

اونو يوخودورمي ياري يولداشي؟

آخار،سئله دونه ر گوزونون ياشي

هر دونوب باخاندا ياراقا جئيران

بو گوزه ل پرييه گتيرمه زوال

گوزه لدير ،عزيزله،قايقيسينا قال

بسدي انصاف ائله آز نيشان آل

سوسويوب گلنده بولاقا جئيران

ديکسينر،سکسينرفقانسيز اينساندان

رحم ائله ال گوتور او ظريف جاندان

آغلايا-آغلايا گئدير موغاندان

وورغون گزمه يه قازاقا جئيران

شاعرين خاطيري شمشيريده بارات

توراجي ائللره وئريب امانت

داها طبيعت اولماز خيانات

بزنميشسن قريب قوناقا جئيران

 

 

گوزلرين

 

ياناقين گويچک دير گولدن لاله دن

سنين نه گوزه للدي رقارا گوزلرين

مني حيفظ ائلسين،مروته گلسن

وورموسان جانيما يارا گوزلرين

عشقين خسته سينه چکديرمه جفا

رحم ائله ،آ ظاليم گل بير اينصافا

سندن اولا بلکي منه بير شفا

ائله يه درديمه چارا گوزلرين

داغلارين ککلييي آلا گوز نيگار

شمشير بو وصفينه يورولماز يازار

قوجالميشام آشيقام گورمه گنهکار

قويما چکير مني دارا گوزلرين

 

 

اوظاليم گوزه ل

ندن اوزون دوندو،ياد اولدون مندن

من سنه نيلديم ،آ ظاليم گوزه ل

دوشگون اولدوم سنين درد- غمينه

قويمادين دردينن آز آليم گوزه ل

نامرد کوسورون ،ال يانديريرسان

آشيقلار آغزيندان ديل يانديريرسان

شاهيد اولسون اوبا ائل يانديريرسان

دوراجاق اوزونه ماحاليم ،گوزه ل

2داش يانير آتشه توپراق دا يانير

پيلته کيمي دونور،چيراغ دا يانير

چکيرسن سومويه بيچاق دايانير

سنه خوش گليرمي بو حاليم گوزه ل

لاله يدين،بو باغدا قالماديم گئتدين

اونوتدون يادينا سالمادين گئتدين

مني هيجر اليندن المادين گئتدين

گه ل سنين قادان من آليم گوزه ل

سن يازيق شمشيرين قسدينه دوردون

اوزدون بو جانيمي درد ايله يوردون

گناهسيز محبوس ،محکمه قوردون

توکنمدن سورقو –سووالين ،گوزه ل
موضوعات مرتبط: آشيق شمشير دده

تاريخ : سه شنبه پانزدهم اسفند 1391 | 2:20 | نویسنده : موسی |
 آتالار سؤزو

 

Ø .آللاهدان اوزولمییه نه اؤلوم یوخدور

Ø .آللاه قازاناننان آلار وئرهر بئجهرهنه

Ø .آللاه بوینووا قویسون

Ø .آللاه بیلهسین قرغه ییبدي

Ø .آللاه دغهله مات وئرمهسین

Ø .آت آلمامیشآخیر چکیر

Ø .آت اولان گونو آت، آري اولان گونو آري

Ø .ات قوتولاندان سورا باتمان آلان چوخ اولار

Ø .آتامین اؤلمه گیننهن قورخمیرام، قورخیرام عزرائیل قاپیمی تانییا

Ø .آتدان دوشور؛ یهه ردهن دوشمور

Ø .آج تویوق یاتار یوخودا داري گؤره ر

Ø .آدام باشینا کول اله سه ده اوجا یئردهن الییه

Ø .آدام دئییر ائششه گین قولاغینا یاسین اوخویورسان

Ø .آدام دئییر آغزین پیشیریب له ر

Ø .آدام دئییر تکائششه گلی خلوه ره دونور

Ø .آدام دئییر مئیمون یییه سینین اوزونه باخیر

Ø .آدام کی سووو کوزه ده گؤردي، گونو باجادا هئچ ایشاوسته گئدمه ز

Ø .آداملیق باجاسیندان باخماییب

Ø .آدامنان ایتقاتیغی ایسته ییر

Ø .آدامنان آغیز ایسته ییر

Ø .آدامین آغزیندان سؤز آلیر

Ø .آدون ندي رشید آغیر دئ، آغیر ائشید

Ø .آدون ندي رشید بیرین دئ، بیرین ائشید

Ø .آرادا مئیدان سولئییر

Ø .آرالیق ایتین اوتاریر

Ø .ارخ ایشته مه میشسو بوشلاسون داغیلار گئدر

Ø .آرواد وار آرپا اونوننان آشائله ر، آرواددا وار کرتیکباشین یاش ائله ر

Ø .آز دانیشناز دانیش

Ø .آسلانین ائرکهك دیشی سی اولماز

Ø .آغ اولسون، داغ اولسون

Ø .آغاج بار گتدیقجه باشایهر

Ø آغاجی ایچیندن قورد یئیهر

Ø .آغاجین بارین یئییب قابیغین سویمازلار

Ø .آغریمییان باشا سققیز یاپیشدیرمازلار

Ø .آغریمییهن باشا دسمال باغلامازلار

Ø .آغرییان دیشی چکه للر

Ø .آغزووو ووردون حاراما؛ چومچه نی توت قالاما

Ø .آغزیندا دادي قالیب

Ø .آغیز دییهر گؤت یییه ر

Ø .آلتداکی اوسته کینین اوزونه توپورور

Ø .آلچاقدا یاتانی سئل آپارار، اوجادا یاتانی یئل

Ø .ال الی یووار الده قاییدیب اوزو یووار

Ø .( ال ایاغا قالدي. ( ال هایا قالدي

Ø .ائرکه جده نده سوت ساغیر

Ø .ائرکهكائششهك قودوخ دولاندیرماز

Ø .اؤزگه اؤزگه نین نمازین اوستورا- اوستورا قیله ر

Ø .ائششه گه دئدیلهر دوغدون یوکون یونگول له شدي، دئدي: هاچان بیر آزدا چوخالدي

Ø .ائششه گه گوجو چاتمیر پالانی سؤکور

Ø .ائششه گیمیز اؤلوب باشی قیزیلده ندي

Ø .ائششهك آنقیرار یاز کئچه ر

Ø .ائششهكباشی اولوب

Ø .ائششهك ساتان کوششهك آلا بیلمه ز

Ø .ائل گوجو؛ سئل گوجو

Ø .ائله بیل آیی یا ده ییرمانچی دئدون

Ø .ائله قاچیر آدام دئییر ناخیرچی الیندهن قودوخ قورتولوب

Ø .ائله قورخور جین دمیردهن قورخان کیمین

Ø .اؤرتولو بازار دوستلوغو پوزار

Ø .اؤلو ائششهكگزیر نالین چکه

Ø .اؤلور بیلیر بیر ایشگؤرمیر

Ø .اؤلوسو اؤلهن اوووندو، شیوه نه گئدهن اووونمادي

Ø .اوت قیشه سامان قیرخ بئشه

Ø .اوتدوغوموز یئرده ایشه قالدیک

Ø .اود اولسا هارانی یاندیرار

Ø .اوز وئردیکآستار ایسته دي

Ø .اوزده آشیغام دالدادا آغلییه ن

Ø .اوزون آدامین آغلی توپوغوندا اولار

Ø .اوستو اؤرتولو دانیشیر

Ø .اوشاق سیچدي بیر یئره گلین یاخدي مین یئره

Ø .اوغرو اؤزو ائو اولماز ائو صاحابین ائولیقدهن سالار

Ø .اولان نه جانوننان قورویوبسان

Ø .اولان نه جانووا ال قاتیبسان

Ø .اولوبدور گؤت یاراسی

Ø .اوندان کور پیشیکده خئییر گورمه ز

Ø .اونون قیریمین بیلیر

Ø .ایاغینین آلتین ائشهن وار

Ø .ایاق اوسته اوتوروب

Ø .ایت آشینا دونوب

Ø .ایت هورهر کاروان کئچه ر

Ø .ایت کیمین آداما گلیر

Ø .ایت کیمین کوللیکله ري سوله نیر

Ø .ایتده نده بیر تیکه چؤرهكبورجلودور

Ø .ایتین قودوران یئرینه گئدیب چیخیب

Ø .ایتینهن قورد دوزه لیشسه واي چوبانین حالینا

Ø .ایتینهن قوردونان یولداشاولوب

Ø .ایششهك آنقیرار یاز کئچه ر

Ø .ایگنه ایله گور ائشیر

Ø .ایلان یارپیزدان قاچار

Ø .ایلان کیمی آدامی پؤشله ییر

Ø .اینسانین اؤزون گؤرمیشیا دا کر کثافه تین

Ø .اللري آغاجدي

Ø .الی آغزینا چاتمیر

Ø .الیم ایاغیم ده یمه میشدور اکیل

Ø .الینین دالین داغلاییب

Ø .الیوي آلتدان گتیر

Ø .بئشبارماغین بئشیده بیر اولماز

Ø .بئلینه ال چالان وار

Ø .باشباغلی دي ائله دي

Ø .باشین بیتله دي

Ø .باشینا بیر اویون گتدي کی توي دا اوستورانین باشینا گلمئییب

Ø .باشیننان بولاغ آچیلیب

Ø .باغا یول گئده نمیر بیرینده بئلینه چاتیر

Ø .باغدا اریکواریدي سلام علیکواریدي. باغدان اریکقوتولدو سلام علیکقوتولدو

Ø .بالام بالامین بالاسی یاریسی بالامین پاراسی یاریسی ایلانین پاراسی

Ø .بو یونون سحري ده وار

Ø .بورنو جیریلمئییب

Ø (بورنونا یئل وئریر.( بورنو یئللی دیر

Ø .بورنوننان توتسان جانی چیخه ر

Ø بوغاز باشا بلادي اولماسا کربلادي

Ø .بولاغ گرهك اؤزوننهن بولاغ اولا سو تؤکمه غینهن بولاغ اوماز

Ø .بوینونا بیچیلیب

Ø .بیر آتیم باریتی وار

Ø .بیر ائوین بیر آدامیدي

Ø .بیر الینهن مین قارپیز توتوب

Ø .بیر باشی وار مین سئوداسی

Ø .بیر تیکه چورهگی اووسانایا دوشوب

Ø .بیر کوتوگون اوستونده مینده نه شویور دوغرانار

                          

                                                  


موضوعات مرتبط: آتالار سوزو

تاريخ : سه شنبه پانزدهم اسفند 1391 | 2:18 | نویسنده : موسی |
 

آشيق پري

 

آشيق پري خانيم آذربايجان يوردونون پارلاق اولدوزلاريندان ؛ائل صنعتنين آشيق ياراديجلقنين

اونجوسي سايلان بويوك قادين زياليلاريندان سايلير.بو گون اونون آدينا گوزئي آذربايجاندا قادين

آشيق صنعت كارلارنين پوتلولوقلاريندا يوز اليدن چوخ قادين آشيقين ايشتيراكي واردي كي بو

گوركملي شاعيره ني ن آديني ديري ساخلاماق اوچون چاليشماكداديرلار.........

پري خانمين ياشايشينا

گوره چوخ از شكيلده بيلگي واردي بونا راغمًا آيدينجا بولونركي پري خانيم اوز زمانسنين بدلسيز و

تايسيز آشيقلاريندان سايليرميش .دوغوم يئري قاراباغ كندلرن ين بيرسينده اولوب گئنجليك

دونمينده "شوشا"شهرينه گئدرك ،اورادا اولان بير چوخ او زماندا ياشايان شاعيرلرين اوسته سيندن

گلرك اونلاري قيفل بنده سالميش . نيسه كي گئنج چاغلاريندا اجل اونا داها ارتيق فورسند

وئرمييب ،بو دونيادان كوچميه مجبور قيلميش .اولوم ايلي ۱۸۳۳ م قيد اولوب

گيرالي

 

ائيلدين

ظاليم هيجر ، داد اليندن

سن هر ناحق قان ائيلدين!

ظولوملي كونلوم شهريني

گور نئجه ويران ائيلدين!

سايمادين سولطاني ،خاني

ايليبسن ناحق قاني

بادام كيمي نوجواني

يئر ايله يكسان ائيلدين!

هيجره گويدون گوليستانا

پونهان كئچن ايقرارينا

سالدين يوللار كنارينا

دورد يانين ال قان ائيلدين!

پرينين دردي طوغياندي

ساكين يئري مارال ياندي

گولون غنچه سيدنه ياندي

بولبوللر افغان ائيلدين!

قوشمالار

 

 

آغلار

چانقچي مولكوندن سفر ائيلديم

منه قديم اولدي يوللار،آغلارام

سجر گلدي ،ووردي ،شيكار ائيلدي

توكر ديدلردن سئللر،آغلارام

ناز اشينادان دوشدوم بئله درده من

نئجه چكيم عشق اوزونه پرده من

گوزياشيلي گلديم تاقاويده من

پريشان اولوبدي تئللر آغلارام

بير شاه انداز شوخ نيگاريم گليبدي

كسيليبدي ايخياريم ،گليبدي

كويسونه داغلي بير تاواريم گليبدي

گوريوب،لال اولوب ديللر،آغلارام

بير ديلبر پرييه پري قان آغلار

چكيليب سينه مه دويونلي داغلار

اولوبدي بولبولوم،لال اولوب باغلار

ساراليب ،سولوب گوللر،آغلار

 

 

نئيلدين

دونيا، سنين اعتبارين يوخ يميش

بير خبر وئر ،ميرزا جاني نئيلدين؟!

نئچه بيلرله،نئچه خانيله

گوفتاري خوش ،اهل جاني نئيلدين؟!

نئچه شهر ايسته جنگ ائديب ساواش

جاري اولوب يئل يئريه قانلي ياش

فلك ،ائتدين تاج تختين تاراش

نوكر،نايب ،خانيماني نئيلدين؟!

پوچ دونيا،سنده بير يارايان هاني؟

گون به گون آرتيردي شوكتي،شاني

تيفليسين ساغ الي ،سردارين جاني

ويران قويوب داغيستاني ،نئيلدين؟!

او فلكدن ،دويون يئرين داغلايان

ازلي شاد اولوب ،سونرا آغلايان

سينه سيندن شعر ،كيتاب باغلايان

صاحيب هوش،گوهركاني نئيلدين؟!

 

 

سئوديم

روشن گئجه سينده،خوش بير ساعتده

نامه گلدي بو صحرايا ،سئوديم

ياخشليق يازيلسا يامان دفتره

نه دئيرسن بو بينايا،سئوديم.

هر گول اوزيئرنين بونيادي اولي

اوخويان كسلرين سوادي اولي

دردلينين فلكدن امادي اولي

مينت ائلر بو دونيايا ،سئوديم

ارض تولاندي ،بو موختصري

چوخلاي عشقدن اولوب سرسري

انلايئب اهل ديل اولاندان بري

عمر باقي گئتدي زايا ،سئوديم

ائي پري،موختصر بير جواب ايله,

شايستدن رجوع ائدن آغيله

رقيبلر دانيشير اينقلاب ايله

قوشولمارام من هر جايه،سئوديم

 

 

ديله سن

ائشيدميشديم قولوقونا يئتيشديم

گوردك كي،دوشوبسن ديلدن-ديله سن

اونوتماييب موسلومانليق شرطيني

ماتم دئييب بير اينصافه گليسن

بو ايشدن قدرين واردير خوب رايي

هر يئتن كسيلر دئير سئودايي

آراليقا دوشوب محرم آيي

لايق دئييل اوندا دئييب گولسن

ياخشي يئتر ايمامين فريادينا

بئله ايشي لذتي نه،دادي نا؟

آدام بيلديك ،بيز ده گلديك آدينا

آدامليقي قانمايبسان هله سن.

ائي پري،تعجيل ائت سواليندا سن

نوقصان يئتيريبسن كماليندا سن

ايندي زيرنا چالماق خياليندا سن

اوني گرك آخيرتده چالاسان

 

 

گليب

ميرزاجان آقادان ،دست - سخادان

تيفليس اولكسينده ن بير نهان گليب

انعام ائديب كليساني اوستونه

اعجاز معجزات ،زرافشان گليب

گورن به به دئدي شوكتيني - شانا

بيز ده مايل اولدوق قاشي كمانا

آلو آلو شعله ساليب هر يانا

سانسان كي ،لعل- بدخشان گليب

نامي جاردي،اولدوز كيمي سيريدي

يئددي چوراق جار طرفين بورودي

گورمسينه قيز گلين لر يئريدي

نئچه نئچه زولف پريشان گليب

ائشتياق گوروندي ،شمع لر آليندي

تويلار توتولوب ان ،شنليك اولوندي

پاك ناماز قيلينيب،سوفره ساليندي

چار طرفين كسدي ؛مهميان گليب

پرييم ،دردي پنهانين ايچينده

خال دولانير زونخدانيندان اچينده

سن بولورسن كليسانين ايچنده

عمرومي دوعاچي يوز مين جان گليب

 

 

سنه

بي تقسيرم ،يوخدي منيم گوناهيم

ايندي بئله قاليب ايختيار سنه

سن رقيبين جمعيتي تفليسده

قالديم هر طرفدن بير اغيار سنه

من فقيري بسلم سيزارادا

دادرسيم بونجا يئتيشسين دادا

وصفينه سويلرم هردن زيادا

هيچ اسكيك اولماسين ملك،تبار سنه

هيچ اولماسين رقيب ،گلمسين اغيار

گئچر گون دوزلي چكرم اه - زار

تاپماميشام هله ياري- وفادار

واختيكن ائيلرم خبردار سنه

قاصيد گلجك دردي ديلين بيلميشم

موحنتله ديدم ياشين سيلميشم

وارا- وارا چاراقچيدان گلميشم

من نئجه باغلايم اعتبار سنه

جان ايچينده من بو جاني نئيلرم

لعل-يمن،بدخشاني نئيلرم

خاني،بي،من پاشاني نئيلرم

پرييم ،ائيلرم دوعالار سنه

 

 

اويناشي

كاتبلرين شاهي،دفتر ايچينده

قلم ايله نازك اللر اويناشي

فيتنلي ،فعليسن،ناز - غمزلي

دهانيندان شيرين ديللر اويناشي

عشقينين اليندن گئدرم بادا

درديم اولوب گوني-گوندن زيادا

شيوئي رفتارين دوشنده يادا

باغريمين باشيندان ميللر اويناشي

دا د ائيلرم؛هاراي ناشي اليندن

يانيندا جيير عشق آتشي اليندن

من نه دئييم گوزوم ياشي اليندن

اوزوشور سونرالار،گوللر اويناشي

آدام وار دولانير مكرين ايچينده

آدام وار دولانير ذيكرين ايچينده

سنسن كماليندا فيكرين ايچينده

عجاييب- غراييب حاللار اويناشي

پرييم ،خالقيلارا اولموشام باجي

كيمسنين كيمسيه نه احتياجي

،بوخارانين ،هاندان خراجي

زنخداندان سياه خاللر اويناشي

 

 

سنين

نه ياتيبسان لحاف ،بستر ايچينده؟

بيمارميسان،ندن بس حالين سنين؟

عشقين مريضيني من نه طبيبيم

بيان ايله منه احوالين سنين

ايسمي شريفيندن دادا يئتيرسين

مطلب اليب هر مورادا يئتيرسين

خاليق اوزي بو ايمدادا يئتيرسين

حيفظ يدنده ساخلاسين زوالين سنين

بار ايلاهي گولزارينا گويماسين

خسته اولان بيمارينا قيميسان

شيرين-شيرين گوفتاريندا قيماسين

باغ ايشلسين قاشي هلالين سنين

بير مثلدير،باغبان اولان بار چكر

اندليبين هم مئيلي گولزار گچر

اللاهه نابنده اه زار چكر

غم چكمه،كاميلدي كمالين سنين

من پري يم،عشق زارام ،نئيلييم

دردي- ديلدن خبردارام نئيلييم

بوردان اورا اينتظارام نئيلييم

شفالانسين نوري-وصالين سنين


موضوعات مرتبط: آشیق پری خانیم

تاريخ : سه شنبه پانزدهم اسفند 1391 | 2:16 | نویسنده : موسی |

آشیق علعسگر

 

 

بؤیوک ائل نغمه کاری آشیق علعسگر گؤیجه ماحالین آق کیلسه کندینده تخمینا 1821 اینجی ایل مارسین  22 سینده  آنادان اولموشدور.یئری دوسشنده اؤزو دئیرمیش:«نوروزدا دنیایا گامیشم،ئوزوده آدیمی بایرام،نوروز،یادا علی قویماق ایستتیبلر»آتاسی آق کیلسه کندینین ساییلان ،حرمتلی آداملاریندان ایمیش.اساس مشغولیتی اکینچیلیک اولان آل ممدین الیندن،دؤگلرلیک ده گلیرمیش.ساز چالماقی باجارماسادا،الهاملی شاعر کیمی تانیارمیش.

ائلیمیزین سئویملی نغمه کاری 1926 اینجی ایل مارس آیینین 7 سینده دنیاسی بئله جه دئیشدی.آشیق علعسگرین آق کیلسه کندینین غربینده کی کهنه قبرستانلیقیندا دفن ائدیلمیش دیر.آشیق علعسگرین آدی «علی اصغریمیش»کی محلی تلفظده العسگر اوخونور».

 

 

 

 

 

گرایلی لار:

بیلمیره م

 

گوسمه آبیمروت گؤزه ل

دردیم چوخ دؤزه بیلمیره م

اوز بویوروب قاچما مندن

من سنسیز گزه بیلمیره م.

 

سالمیر سان اوستومه سایا

جاوان عومروم گئدیر زایا

غواص تکدوشوب دریایا

چالخالانیب اؤزه بیلمیره م.

 

علعسگرین ملول چاغی

کؤنلو اولوب غم دوستاغی

سینه مین دوخسان دی داغی

یئتیشیر یوزه بیلمیره م.

 

یایلاق

 

گؤزه للر سئیرانگاهی سان

گؤروم سنی وار اؤل یایلاق

آچیلسین گول نرگیزین

تزه مرغزار اؤل یایلاق.

 

گؤزوم قالدی سیاه تئل ده

بولبول اؤلدو مئیل گؤل ده

کیمسه م یوخدو غربت ائل ده

سن منه غم خوار اؤل یایلاق.

 

من سنی گؤره ندن بری

سینم اؤلودو غم دفتری

یازیق آشیق علعسگری

اؤلدور گؤناهکار اؤل یایلاق.

 

 

گلمه دی

 

 

یارالاندیم یار الیندن

گؤزلریم یاری گؤرمه دی

مخمر کؤینک،قیزیل کمر

هیچ بیزه ساری گلمه دی.

 

من یازیق چکدیم جفانی

مخنث سؤردو صفانی

گؤرورسنمی بیوفانی

کسدی ایلقاری گلمه دی.

 

علعسگرم من نئیله دیم

دوستا مدام،جان سؤیله دیم

یولوندا قوربان ائیله دیم

بو کلّ واری گلمه دی.

 

 

اؤلدوره جک بو غم منی

 

آلا گؤزلو تئلی جیئران

اؤلدوره جک بو غم منی!

حسرتیندن اؤلدوم خسته

اؤلدوره جک بو غم منی!

 

طبیبیم سن یئتیش دادا

پروانه یم یاندیم اؤدا

سن آتلی سان من پیادا

اؤلدوره جک بو غم منی!

علعسگردی منیم آدیم

عالمی یاندیردی اؤدوم

هئچ یئردن یوخدو ایمدادیم

اؤلدوره جک بو غم منی!

 

 

اوزون من دن نییه دوندو

 

گل ای مهر محبتیم

اوزون مندن نییه دوندو؟

آغزی شکر،لب قندیم

اوزو ن مندن نییه دوندو؟

 

آیریلیق دان اؤلوم یئی دی

حسرتین قدیمی اگدی

نه دئدیم خطرینه دگدی

اوزون مندن نییه دوندو؟

 

عاشیق یوخدو قاداغا

مشتاق دی دیله-دوداغا

علعسگر سنه صاداغا

اوزون مندن نییه دوندو.

 

 

گؤزه للمه و شکایت نامه لر

 

بو داغلار منیم

 

یایدا یایلاغیم دی، قیشدا قیشلاغیم

یازدا سئیرانگاهیم بو داغلار منیم

کؤچوروب ائللرین پاییز آیلاری

گؤزوم گؤروب کؤنلوم بو داغ لارمنیم.

 

بیر یاقوت یاناقلی،یا سمن خاللیم

دهانی کوثرلیم،لب لری باللیم

ایله ایلقار وئریب لیلی مثالیم

اونچون مسکنیم دیر بو داغلار منیم.

 

کامیل اووچو ایتیرنده مارالی

کسیلر آرامی ،صبری، قرالی

علعسگرم دوشدوم یاردان آرالی

چکیلدی سینه مه بو داغلار منیم.

 

 

داغلار

 

باهار فصلی یاز آیلاری گلنده

سوسنلی،سونبوللی،لالالی داغلار

یوخسولو،اربابی،شاهی،گئدانی

توتماز بیر – بیریندن آرالی داغلار.

 

خسته اوچون تپه سیند قار اولور

هرجور چیچک آچیر لاله زار اولور

چشمه سیندن آ؛ب حیات جار اولور

داغیدیر محنتی ملالی داغلار.

 

یازین بیر آییدی چوخ یاخشی چاغین

کسیلمز چشمه ندن گؤزه ل ییغناغین

آختارما موتالین،یاغین،قایماغین

زنبور چیچگیندن بال آلی داغلار.

 

یایین اوّلینده دؤنورسن خانا

سون آیی بنزه رسن یئتگین بوستانا

پاییزین زمهری قویور وئرانا

داغیدیر اوستوندن جلالی داغلار.

 

گاه دان چیگسین تؤکر،گاه دومان ائیله ر

گاه گلیب گئده نی پشیمان ائیله ر

گاه دان غیظه گلیب ناحاق قان ائیله ر

دینشه مزحارامی ،حالالی داغلار.

 

آغ خلعت بورونر زرنشان گئیمه ز

هئچ کسی دیندیریب کئفینه دگمه ز

سردارا سؤز دئمه ز،شاها باش اگمه ز

قدرتدن سنگرلی،قالالی داغلار.

 

کؤچر ائل لر،دوشر سندن آرالی

فرقتیندن گول -نرگی سارالی

علعسگر مجنون تک یاردان یارالی

گزه رسنده دردلی،نالالی داغلار.

 

ائیله میشم

 

آلا گؤزلوم سندن آیری دوشه لی

هیجران غمیله کئف ائیله میشم

گونوم آه-وایینان کئچیب دونیادا

درد آلیب،غم ساتیب نفع ائیله میشم.

 

سن دن آیری شاداولمورام،گولموره م

جانیم دان بئز میشم اؤله بیلمیره م

نه مدّت دیر قوللوغونا گلمیره م

باغیشلا تقصیریم،سهو ائیله میشم.

 

حسرت قویما گؤزو- گؤزه آماندی

یاندی باغریم دوندو کؤزه آماندی

کئچن سؤزو چکمه اوزه آماندی

هذیان دانیشمیشام،لاف ائیله میشم.

 

انصاف دی می گ<له همدم خاراولا!؟

تولک طرلان اویناغیندا ساراؤلا!

علعسگر ایسته رکی،بیر بازار اولا

سئچمیشم گؤهری صاف ائیله میشم.

 

 

 

کامیل اووچو اؤلمه یینجه اوسانماز

 

 

کامیل اووچو اولمه یینجه اوسانماز

الدن قویماز بئله سرخوش مارالی

عشق اودونا یانان آشکارا یانماز

پنهان-پنهان منیم کیمی سارالی.

 

اؤلدورسه لر قورخوم یوخدو قانیم دان

یولوندا گئچمیشم شیرین جانیمدان

ترک اولدوم وطن دن،خانیمانیمدان

انصاف دئییل گزمه من دن آرالی.

 

آشیق علعسگرم سؤیله نیر آدیم

بو دور اوره گیم مطلب مرادیم

سنین ارین اؤلسون منیم آروادیم

ایکیمیزده قالان یاسلس،یارالی.

 

 

ساری کؤینک

 

 

جیلوه له نیب نه دورموسان قارشیمدا

آنام سنه قوربان آی ساری کؤینک

ملک سن چیخمیسان جنت باغیندان

هئچ کیم اولماز سنه تای ساری کؤینک.

 

دویماق اولمور شیوه سیندن ،نازیندان

فره ککلیک کیمی خوش آوازیندان

یئل ووردو اوربندین آچدی ازوندن

ائله بیلدیم چیخدی آی ساری کؤینک.

 

گؤزه لسن تعریفین دوشوب ماحالا

زر کمر یاراشیر قامت – دالا

لب غونچه دیش اینجی یاناغین لالا

چکیلیب قاش لارین یای ساری کؤینک.

 

گردنه یاراشیر گؤزه ل حامایل

گؤره نین عاغلینی ائیله ییب زایل

حسرتین چکن لر اولوبدو سائیل

ییغمیر قاپی لاردان پای ساری کؤینک.

 

طوطی دیللی سرو بویلو سالاطین

یوخدو مرحمتی بو سلطنتین

گؤنده ر گلسین علعسگرین خلعتین

ائیله مه امگین زای ساری کؤینک.

                                              


موضوعات مرتبط: آشیق علسگر

تاريخ : سه شنبه پانزدهم اسفند 1391 | 2:15 | نویسنده : موسی |

عالم ، عارف و شاعر بزرگ جهان تورک ، حاج عبدرالرحمن طیار قولونجو متخلص به دده کاتیب به سال 1304 در قولنجی(قولونجو) دیار شعر و آشیقهای آذربایجان ، واقع در غرب دریاچه اورمیه دیده به جهان گشود.تحصیلات ابتدایی خود را در قولونجی و اورمیه نزد علما و عارفان سپری کرد و سپس در سنین جوانی به ترکیه رفته و با بهره جستن از استادان بزرگ علم و عرفان ؛ اصول دین اسلام و شعر و شاعری را فرا گرفت. در 25 سالگی- سال1329- شعر گفتن را آغاز و طولی نکشید که شهرت او برای بسیاری از تورکهای آذربایجان شناخته و به عنوان منبع مهمی برای ادبیات و فرهنگ و تاریخ مردم تورک ومسائل دین و شریعت ، مورد احترام مردم ،عالمان ، بزرگان و ادبا قرار گرفت.ابتدا تخلص کاتیب را برگزید ولی در طی سفرهایی که به تورکیه داشت و در محافل و جلسات شعر و عرفان شرکت می کرد، بزرگان آن دیار لقب دده (پدر،بزرگ) را نیز به او اختصاص داده و بنابراین تخلص کاتیب به دده کاتیب تغییر یافت . چون تخصص اصلی شان در شعر آشیقی (عاشق) بود به عنوان پدر آشقهای آذربایجان معرفی شد. از  این دانشمند بزرگ تاکنون ۴ چهار کتاب به نامهای : عشق و عرفان(در قونیه ترکیه و به خط لاتین چاپ شده است) ، اینجی لی صدف ، اورمو گؤلو و گونوموز آیدین چاپ گردیده است ولی این کتابها تنها جزئی از اشعار بیش از 36000 بیت این شاعر بزرگوار می باشد که در روزهای نزدیک کتابهای دیگری نیز چاپ خواهد شد. دده کاتیب قولونجی در دوم اسفند ۱۳۸۷مصادف با روز جهانی زبان مادری،به جهان باقی پیوست . آرامگاه ایشان در زادگاه خود یعنی قولنجی(قولونجو) قرار دارد.

 

عؤمرون کاروانی

قادیر آللاه کؤچور عؤمرون کاروانی

منه گئدر-گلمز یوللار آغلاسین

بولبول اوچور ویران قالیر گولشنی

سوناسیز بوش قالان گؤللر آغلاسین

 

قلم غریب لیگی یازیب خاص منه

اوره ک دولو بوللو کدر پاس منه

گؤیده کی بولودلار توتسون یاس منه

شاققیلداییب آخان سئللر آغلاسین

 

اجل بوغازیمدا کسیر سسیمی

سؤزلریم دل لرده ائدیر بحثیمی

دوست کویوندان گلن صاباح نسیمی

قبریم اوستن اسن یئل لر آفلاسین

 

دده کاتیب گیلئیلی یم ائلیمدن

حق دئمیشم اینجی ییبلر دیلیمدن

انتظاریم یوخدور اؤز فامیلیمدن

قوی منه بیگانه ائل لر آغلاسین

 

دانیشاق

اسلام اوغلو گل من ایله برابر

انصاف ائیله اوردان-بوردان دانیشاق

جهلی- تعصبی آتاق کناره

دوغرو دئیه ک ، بیز شعوردان دانیشاق

 

هانکی الف فی کاف قووزادی جنجال

شور سالدی دیللرده اولدو قال ما قال

هانکی اون یئددی دی گلدی دال با دال

ظلمتی اؤتورک ، نوردان دانیشاق

 

عاریفلر حددیندن ائتمزلر عدول

حقیقت اولدوزو ائیله مز اوفول

آیت حجابه سبب نزول

هاردا نازل اولدو، اوردان دانیشاق

 

انکار حقیقت انکار خدا

حدیث مصطفی کلام خدا

کیمه بشارت دی معدن حیا

صدفی سندیراق دوردان دانیشاق

 

دده کاتیب حقیقته ماییل دی

معرفتین قاپیسیندا ساییل دی

واللیل سوره سی کیمه نازل دی؟

حقی دئیه ک یوخ کی زوردان دانیشاق

 

اؤرگدیر

قادیرآللاه یامان عصره قالمیشیق

قجله اؤرده گه اوزمک اؤرگه دیر

ایکی ایپی باغلایانمیر بیر-بیره

زرگره ، مروارید دوزمک اؤرگه دیر

 

اؤردک تک اؤزونو بنزه دیر قازا

ائوینه گئدنده آز قالیر آزا

اؤزو اؤز آدینی باجارمیر یازا

ادریس پیغمبره یازماق اؤرگه دیر

 

بئش تومن پول تاپیب ایتیریب یولون

مست اولوب تانیمیر ساغ ایله سولون

قازیب چیخاردانمیر بیر یاوشان کولون

فرهادا قایالار قازماق اؤرگه دیر

 

دده کاتیب دولوب صبرین چاناغی

یامان توتوب چاققاللارین اویناغی

بئش قدم گئدنده آزیر ایاغی

رستمه میداندا گزمک اؤرگدیر

 

گؤزلر

یاز صاباحی بیر گؤزه له اوغرادیم

سالدی اوره گیمی خیالا گؤزلر

سونا تک دولانیر عئشقین گؤلونده

ایسته ییر جانیمی آی آلا گؤزلر

 

کیرپیگی اوخ ووروب تؤکدو قانیمی

ایتیردیم حسابی قاتدیم سانیمی

باخیشی اود سالدی یاخدی جانیمی

کامان قاش آلتیندان پیالا گؤزلر

 

گولدو گول تؤکدو قاشدان-قاباقدان

گونش خجل اولدو لاله یاناقدان

اینجی لر گؤروندو غنچه دوداقدان

آز قالدی باغریمی اویالا گؤزلر

 

گؤزه ل گؤزدوم فرح لندیم اوجالدیم

بیر واخت من ده گؤزه ل لردن باج آلدیم

دده کاتیب حئییف اولسون قوجالدیم

یئتیردی عؤمرومو صد سالا گؤزلر

 

 

نئیلیرم؟

دئدیم اوغول یارالاما کؤنلومو

یارالادین  یاغلاماغی نئیلیرم؟

ایندی حؤرمت ائیله ، اؤلندن سونرا

قیرخ گون ساققال ساخلاماغی نئیلیرم ؟

 

اوغول اولدون بیر اوزومه گولمه دین

خسته دوشدوم باشیم اوسته گولمه دین

ساغلیغیمدا بیر قدریمی بیلمه دین

قبریم اوسته آغلاماغی نئیلیرم ؟

 

دورمادیم چالیشدیم صوبحدن آخشاما

سن تازا دون گئیدین من ییرتیق یاما

من اؤلدوم بورویون بئش آرشین خاما

اوچ آی قارا باغلاماغی نئیلیرم ؟

 

دده کاتیب اؤزون یورما هاوادیر

عملین جزاسین چکمه ک روادیر

گؤزل سؤزدور داغ سونونجو دوادیر

داغ اوستوندن داغلاماغی نئیلیرم ؟

 

یولومدان اولدوم

مدد آللاه آخ بو دردین الیندن

ایتیردیم جاده نی یولومدان اولدوم

بولبول ایدیم آمان خارین الیندن

قونچا  خزان اولدو گولومدن اولدوم

 

کیمسه منیم بو دردیمی بیلمه دی

چوخ آغلادیم گؤز یاشیمی سیلمه دی

گئتدی جاوانلیغیم اوزوم گولمه دی

داغیلدی سونالار، گؤلومدن اولدوم

 

شیدا بولبول اوخور قونار گول لره

جنون اولدوم سیرریم دوشدو دیل لره

بیر سلام یازارام بیزیم ائل لره

آیریلدیم اولوسدان ائلیمدن اولدوم

 

حسرت قالدیم آغلایانیم اولمادی

یارالاریم باغلایانیم اولمادی

دده کاتیب دانیشانیم اولمادی

باغلاندی دوداقلار دیلیمدن اولدوم

 

بؤلگو بؤله ن 

ده لی کؤنول بؤلگو بؤلن خوش بؤلوب

باشین چیخماز هر خرمنی سووورما

یارادان یارادیب تانیر بنده سین

قاریشما حیکمته عنادا دورما

 

داغ داغا یئتیشمز انسانلار چاتار

ییرتیجی بسله مه زحمتین باتار

قدیم سؤزدو چؤره ک وئره نی توتار

نانکورا نان وئرمه،سن اؤزون یورما

 

سن سویوقدا یازیق دئمه ایلانا

جانی قیزسا رحم ائیله مز انسانا

گؤردون اود ووروبلار افعی ایلانا

قوی آلیشسین او آتشه سو وورما

 

دده کاتیب دردیم یئتر علاجا

وارین اوسا یاردیم ائیله مؤحتاجا

آج قارین دویوران گئدر معراجا

دویسا قاپار هر آجی دا دویورما

 

قضا قلمی

یارادانین حیکمتینه چوخ شوکور

آیریلماز باشیمدان غوغالار منیم

قضا قلمینی چالاندا ازل

یازیلدی قسمتیم بلالار منیم

 

ائله آغلامیشام دیده قانام من

حقیم ناحق اولوب دل بوریانام من

یوواسیز قوشلار تک سر گردانام من

مجنون تک آدرسیم صحرالار منیم

 

قولدان توتدوم آیاغیمدان چکدیلر

تشکرون دفترینی بوکدولر

حق سؤز دانیشانین بئزین سؤکدولر

بوغازدا بوغولدو صدالار منیم

 

دده کاتیب بیر اؤزومم بیر آللاه

او نه وئرسه شوکور،الحمدلله

قسمت اولا لا اله الا الله

سون نفس دیلیمده دعالار منیم

 

 

نه بیلیر؟

انسان اوغلو یالانچیا یار اولما

یالانچی لار صداقتی نه بیلیر ؟

یا دوست توتما یادا دوستو اونوتما

دوستو ساتان شرافتی نه بیلیر؟

 

عاقل انسان گؤردویوندن قازانار

بوگونون دوشونر صاباحین قانار

حیا مانع اولار انسان اوتانار

حیاسیزلار قباحتی نه بیلیر؟

 

فیکیرسیز دانیشان نه گلدی دئیه ر

خلقی آلچاق بیلر اؤزونو اؤیر

قوی یه دیننمز عاجزی دؤیر

قورخاق تولکو شجاعتی نه بیلیر؟

 

دده کاتیب درده درماندان دانیش

بیر درد بیلن بیرده لقماندان دانیش

سن عدالت پیشه سولطان دان دانیش

بیرتیجی قورد عدالتی نه بیلیر؟

 

یاردیم ائیله یاردانیم

عدالت لر سست اولاندا           یاردیم ائیله یارادانیم

چوبان قوردا دوست اولاندا      یاردین ائیله یاردانیم

 

نانجیب لر توخ اولاندا             قاریشدیران چوخ اولاندا

باریشدیران یوخ اولاندا           یاردیم اویله یاردانیم

 

قونشو قونشویا باخاندا            جانین آتشه یاخاندا

آلچاق اوجایا چیخاندا              یاردیم ائیله یارادانیم

 

دده کاتیب نار آلاندا               ایش بیلن بئکار قالاندا

حق دانیشان خوار اولاندا        یاردیم ائیله باردانیم

 

بیل لنر

بئش گون گن دونیایا دئییب گووه نن

گوللر سولوب سورولاندا بیل لنر

چوخلار دئیه ر منیم بوغدام دنلی دیر

خرمن دؤیوب سورولاندا بیل لنر

 

ظالم لرین سونو یامانه دؤنر

بوی-بوخون بوکولوب کمانه دؤنر

شاهلارا قالمایان زمانه دؤنر

هر نه ییندن آیریلاندا بیل لنر

 

الوان سویوناندا گئیه نده خامی

مزارین داشیندا یازیلار نامی

قبر سیخیب پوزولاندا اندامی

زخمی مار تک قیوریلاندا بیل لنر

 

دده کاتب هئچ وقت حقدن قاچماییب

اجل دویونونو لقمان آچمادی

 بیر انسان کی یولو چؤلدن سئچمه دی

آتین قووب یورولاندا بیل لنر

 

قالین قافا

ده لی کؤنول سویوق دمیر دؤیمه ،سن

قالین قافا اؤیود آلماز تاققیلدار

گامیش دوغسا کیمسه سسین ائشیتمز

تویوق بیر یومورتا دوغسا قاققیلدار

 

قانع انسان هر وقت شاد خرام دی

حیاسیزا یولداش اولماق حرام دی

عالم انسان دلو قاب تک آرام دی

 بوش کوزه لر سو دولاندا پاققیلدار

 

دئمه لی سؤز چوخدو هئچ چاتماز باشا

هرزه دیل لر یانیب یاپیشسین داشا

 گوه زه لر نوبه وئرمز یولداشا

 گوشک آغیز گله توتماز لاققیلدار

 

دده کاتیب ائل غمیندن یاتانماز

عؤمور بویو حقی دئسه اوسانماز

چوخ گولنلر فکر ائله مز اوتانماز

اؤسکوره کچی اوجا گولر قاققیلدار

 

زامان چرخی

 

قادر آللاه شهروالر الیندن

زامان چرخی زهرله ییب بادهمی

انسانلیق متاعی دام میدانیندا

شاشقیندی کروانیم بولمام جاده می

 

وار اؤرتوبدور عیب لرین اوستونو

پول برکیدیب نجابتین پوستونو

جهل باغلاییبدی علمین دستینی

ائله بیل کی ، میله چکیر دیده می

 

دیلیم قیسا سؤزوم چوخدو ساییلماز

بختیم قارا گئییب یاتیب آییلماز

ایش دوشمه سه یاخچی یامان تانینماز

آلچاق-اوجا تانیتدیرار آدامی

 

دده کاتیب هر آتشه آلیشمام

ناموس دوشمانیله هئچ وقت باریشمام

قانان انسان منی دؤیسه آجیشمام

قانمیانلار یاندیریبلاتر دده می

 

آپارار

سئلگاهلاردا بوستان اکمه             گول واختیندا سئل آپارار

کیشی لیگین هیبتینی                    چوخ دانیشان دیل اپارار

 

معلول اولماز بلا علت                  غیرتسیزه جکمه غیرت

احسان اوسته قویسان منت             ثوابینی یئل آپارار

 

اثر قویار سؤزون دوزو                 سکسنی،دوخسانی،یوزو

دوستا خایین باخان گؤزو               سورمه باتار میل آپارار

 

دده کاتیب حقه اینان                     حق سؤزله رین ائیله بیان

قوجا کیشی آلسا جوان                  خرجی باتار ائل اپارار

 

 

گؤردوم

باهار چاغی چیخدیم یار اوولاغینا

یاشیل یایلالاری سارالی گؤردوم

یانیندئا کؤرپه نی امیر ممه سین

سورودن آیریلمیش مارالی گؤردوم

 

اووچونو گؤرنده او مارال چاشدی

کؤرپه نین دالینجا قاچدی نه قاچدی

کؤرپه نین آیاغی داشا دولاشدی

قان آخدی دیزیندن یارالی گؤدوم

 

اووچو ساقینمادی آه-نالادان

نه قضادان قورخدو نه ده بلادان

آتانی آییردی کؤپه بلادان

سالدی بیر-بیریندن آرالی گؤدوم

 

دده کاتیب مرددن جفا گؤرمه دیم

نامردین اوزوندن شفا گؤمه دیم

گزدیم انسانلاردان وفا گؤرمه دیم

گن دونیانی باشما دارالی گؤردوم

 

آللاه

اینسان اوغلو یوخسول لوغو وارلیغی

وئرن ده آللاه دیر آلان دا آللاه

عؤمره جاوانلیغی سوندا پیرلیگی

وئرن ده آللاه دیر آلان دا آللاه

 

یارادیب یئر-گؤیو ، آیی ، اولدوزو

             قارانلیق گئجه نین واردی گوندوزو

حکمت ائیله بؤلوب عالمه روزی

وئرن ده آللاه دیر آلان دا آللاه

 

توکل اللهی اولسا بیر کسین

اؤلونجه مننتین چکمز ناکسین

آلدیغین، وئردیگین هردم نفسین

وئرن ده آللاه دیر آلان دا آللاه

 

دده کاتیب دوغرو بیل یارادانی

یارادیب اونوتماز هئچ بیر اینسانی

سنده کی، منده کی او شیرین جانی

وئرن ده آللاه دیر آلان دا آللاه .

ایکی

انسان اوغلو آللاه اوچون دوست اولان

ایکی کؤنول ایکی جسد ایکی دیل

عاشیق له ره چوخ چتین دیر آیریلیق

ایکی لاله ایکی سوین ایکی هل

 

گؤزل کهلیک قایالاردا سس لنر

سینا عشقه گلر طور هوس لنر

آلیجی قوش اوجا اوچار حریص لنر

ایکی ترلان ایکی سونا ایکی گؤل

 

عشق اهلینین سیرری دوشر دیل لره

گؤز یاسلاری آخار دؤنر سئل لره

یاز آیلاری ژاله دوشر گول لره

ایکی بالاق ایکی دوداق ایکی گول

 

دده شاعر دوز قدّینی اگنده

قئیس تکین دونون قارا گئیه نده

سحر یئلی گولوستانه دگنده

ایکی یاندا ایکی شانه ایکی تئل .

 

خاص آل خاص

ده لی کؤنول خاص سؤزله ری خاص دانیش

خاص دیله گین خاص آللاهدان خاص آل خاص

خاص قئییس تک خاص داغلاردا خاص چالیش

خاص لیلادان خاص ایسته گین خاص آل خاص

 

خاص سس گلدی خاص ائشیتدی خاص سینا

خاص خائنین خاص خاص گردنی خاص سینا

خاص گوجونله خاص ایشله ری خاص سینا

خاص اوستاددان خاص درسینی خاص آل خاص

 

خاص گونونده خاص سؤزون دیء خاص ائیله

خاص سؤیله سن خاص آنلا سن خاص ائیله

خاص عاشیقسن خاص کناره خاص گوله

خاص ساقیدن خاص کاسه نی خاص آل خاص

 

دده شاعر خاص دانیشا خاص گوله

خاص آغلییا خاص گؤز یاشین خاص سیله

خاص آللاهین خاص آدینی خاص دیله

خاص دریادان خاص شکارین خاص آل خاص

 

آلدی درد منی

مدد آللاه مدد دردین الیندن

چوخدان مشتری ایدی آلدی درد منی

حسرت اولوب خیالینا یاندیغیم

جنون ائدیب چؤله سالدی درد منی

 

درد اهلی دیر دردلی لردن خبردار

درد چکنلر بیلر دردده نه لر وار

دردین بیر قیلینجی واردیر جوهردار

ووردو اوره گیمده بؤلدو درد منی

 

عؤمروم باهار ایدی قار آلدی منی

              بولبوب لاوچدو حئییف خار آلدی منی

فالیم قارا گلدی زار آلدی منی

توکنمز خیالا سالدی درد منی

 

کاتیب آه چکرسن فایدا بولانماز

عؤمور تمام اولسا کیمسه قالینماز

یئر سالیبدی بو درد مندن آلینماز

سکسان حالدان حالا سالدی درد منی

 

سئودیگیم

محبتین اویکوسوندا                 اویمامیش اومار سئودیگیم

ککلیک کیمی کایالاردا              چوخ گزمه کنار سئودیگیم

 

یادلار کیمی یانا باکاما                 باغریمی آتشه یاکما

کؤنلوم ائوین پوزوب ییکما         اولما کانی کار سئودیگیم

 

بن سئومیشم سنین آدین            عاشیق بیلر عشقین دادین

شو حاستا کؤنلوم مرادین           همت اویله وئر سئودیگیم

 

عاشکین دنیزیندن بویلا             مجنون جانین یاکدی لیلا

کاتیبام یاندیم  واویلا                  بیر حالیمی سور سئودیگیم    

 

یالان دیر

کؤنول نفسین اؤلدورمه میش ریاضت ده یالان دیر

حرام مالدان احسان اولماز سخاوت ده یالان دیر

بیر اینسانین اؤزنفسینده گر لیاقت اولماسا

دده-بابا سولطان اولسا نجابت ده یالان دیر

 

کیچیک لره تعلیم ائیله بؤیوک لره احترام

یوخسوللارین حالین یوخلا  دوشگونلره وئر سلام

یارادانا قوللوق ائله ، خلقه خدمت والسلام

اگر قصدین شهرت اولسا او خدمت ده یالان دیر

 

بیر آی اوروج ،بئش واخت ناماز، الده تسبیح سجاده

گئجه-گوندوز ذکر ائده سن حاجا گئدسن پیاده

شیطانا یوز داش آتاسان قوربان کسه سن میناده

کؤنلونده بیر رحم اولماسا عبادت ده یالان دیر

 

دده کاتیب دورما چالیش نه قدر وار اختیار

ایشله، قازان بویون اگمه،ایش دیر سنه افتیخار

گرچی زرق مقدردیر آما حرف آشکار

چالیشماسان روزی یئتمز او قسمت ده یالان دیر

 

فکری ناقص

دونیا بیر کؤلگه یه بنزر                 گون دؤننده زایل اولو

عقل-فکیری ناقص انسان                دونیایا چوخ مایل اولو

 

دونیا بیر یوخودور اینان                 یاتیب رؤیا گؤرور اینسان

عیش-عشرت،سفره الوان                آییلاندا باطل اولو

 

دونیا امتحان یئری دیر                   هر کسه مهمان یئری دیر

بیر گئجه کاروان یئری دیر             صاباح اولجاق راحل اولو

 

دده کاتیب اویما، آیین                     فرصت گئتمه میش آل پایین

اندازه بیل قاتما سایین                     انسان اوغلو عاقل اولو

 

کؤلگه سیز

ده لی کؤنول نئچه جمله ائیله بیان کؤلگه سیز

یارادان امانت وئریب جسدده جان کؤلگه سیز

کایناتی او یارادمیش معنویدن-ماددیدن

ایشیغین وئرمه میش جهانا شمس تابان کؤلگه سیز

 

عقل یئتمز حکمتینه سن بیر علم اللهه باخ

کؤلگه نوردان ایجاد اولار بوتون خلق اللهه باخ

منصور حلاج نه دئدی فناء فی اللهه باخ

نور حق ظاهر اولاندا اولار هریان کؤلگه سیز

 

ملائکه نوردان یارانیب جیسمه خلاف بیل یقین

عین عیان ، نطق بیان ، آب شفاف همچنین

مومن لرین کؤنلو آیدین آینه ی صاف همین

دریالاردا موج روان ، باد- طوفان کؤلگه سیز

 

دده کاتیب گز جهانی دققته آل هر یانی

ارض و سما ، کهکشانلار فکره سالیر انسانی

جبراییلا گه تدی رسولا حق یانیندان فرمانی

اوخونور اینسانلیق درسی حکم قرآن کؤلگه سیز

 

طوطی

بو گون عجب بیر قوش گؤردوم

آدین سوردوم همن طوطی

افسوس سنین مصاحبین

اولوب زاغ - زغن طوطی

 

عربجه بوبغادیر ایسمین

یارادان خوش چکیب رسمین

دیلین اینسان قوش دو جسمین

فارسی شکرشکن طوطی

 

طوطا مرغ هندوستانسان

استانبولدا پاپاغان سان

سن آزاد اهل اورمانسان

یوخ کی زیندان مسکن طوطی

 

دده کاتیب نه بحثده سن

نه غوغادا نه سسده سن

حاییف باغلی قفسده سن

نه سن آزاد نه من طوطی

 

 تاماشا

بئش گون یاز باهارا آلدانان اینسان

یازین گتسه قیشیندادیر تاماشا

مغرور اولوب قورولوقدا آت قووان

باتلاقلارا دوشنده دیر تاماشا

 

زامان دؤنر هر واخت بوگون اولانماز

قوجالیقا لقمان چاره بولانماز

سیندین کئچر قان داماردا دولانماز

آیاقلارین شیشنده دیر تاماشا

 

گوونمه گوجونه بوکولر بئلین

توکنر آیلارین قورتولار ایلین

تؤکولر دیشلرین دوز دئمز دیلین

پلتک ووروب چاشاندادیر تاماشا

 

دده کاتیب گولوسیتانین سولاندا

حق صاحیبی امانتی آلاندا

جانسیز جسد تورپاق آلتدا قالاندا

یئر قوردلاری دئشنده دیر تاماشا

 

لامی هئی

اوخودوم الیفی ائله دیم ازبر

درسیم اولدو الیف اوسته لامی هئی

ب بسم الله ت توکل ث ثنا

ج جمالین ح حیاتدی لامی هئی

 

خ خالیق یاراتدی قددیم دال اولدو

ذ ذبیح مناده عجب حال اولدو

ر رجیم  آدمه ز زوال اولدو

باش توتدو سیمایه دئدی لامی هئی

 

س سخاوت دؤرد ایچینده آدی وار

ش شفق آچیلدی صبح اولدوم بیدار

ص صلوات پیغمبره شفادار

ض ضلالت چکمز دئدی لامی هئی

 

ط طهارت هر کیتابدا ابتدا

ظ ظهور ایئله دی آیات خدا

ع نه لر گؤروندو عرش علادا

غین غنی حق اؤزودور لامی هئی

 

ف فکیر ائله قاف قلم یازدی  عیان

ک کلامدا لام اوخوندو لامکان

م محمد ن نوحا اولدو طوفان

و واللاهی لن ترانی لامی هئی

 

کاتیب امداد ایسته هئیدن هوالهو

ی تکین آخردا قالدیم آمان هو

حقی سئون نه غم چکر نه قیهو

لام الف لا ، اول آخر لامی هئی

 نوشته شده توسط |   نظر بدهید

باغلاما

 اوســتاد مـــحضریندن بــیر سوالیم وار               

نـه جــــانـسیزدیر گزر اینسان ایچینده

چـــوخ جـاوان دیر هر اینساندان عؤمرو چوخ           

 مــحبــتی پــیــر و جــوان ایچینده

 

ایســـته ســه یئریسین آیاغی چوخدو             

اون بئش ایل یئمه سه آج دگیل توخدو

میــثالی بـــیــر قــوشـدو مثالی یوخدو              

بـــیـر آنــی بـــوردادیــر بـــیر آنی چــینده

 

 اؤزو بـــیر لال قـوشدو گؤزه ل صداسی            

تـــنه سی بـیر حدده ن آرتـیق بوتاسـی

بولبول کیمی جه جه وورار شیداسی                

گـــزر یـــیرمی سگـــگیز میدان ایچــینــده

 

 عجایب بــیر قوشدو جـسدده جانسیز               

آغـــیــزیـندان قان تؤکر اندامی قانــــسیز

دده کــاتیـب تــیرین آتماز نیشانسیز                  

خــوش دانـیشانی وار عـــیرفان ایچیـــنده

 

 هاوالانما

 ایـــنسان اوغـــلو هاوالانـما               هـــاوالاردان ســالان اولــو

قــــاتــیب حیسابین ایتیرمه                 بیر گون حیساب آلان اولـو

 

مــعرفـــت یـــارار ایـــنـــسانا               شـــجــاعت مـــرد مـییدانا

ظولم ایــلن یـــاپـــیلان بیــنا                آخــــیر دوشـــر ویــران اولو

 

 اینـسان اوغلو تـانی ذاتیـن                 پـــوزولاجــاق یئددی قاتین

اؤلــچوسوز بیچن خیاطیـــن                 تـــیکــدیگی دون یالان اولو

 

دده کــاتـیب هانی خانلار؟                 دوغــــرو ایـنسان تــانییانلار

 پـــول ایــله ایـنسان اولانلار              پـــول قورتولسا حیوان اولو

 

                  زور دئیه ن

قــــادیر آلـــلاه بـــودور سنـده ن دیله گیم             

زور دئیه نین یوردو تــار-مار اولــسون

جـــهل-تــــعــصب لر گـــــئتسین کیــــنارا          

یــــئــریــــنده عـــدالت برقرار اولـسون

 

دوز جاده نی بوروق وئــــریـــب بــوکن لر             

ائــــل یـــولـونا خار خاشاک تـؤکـن لر

خلقین خوشلوغوندان سانجی چکـن لر               

عـــؤمـرو اوزون ، کؤنلو آه-زار اولــسون

 

یــالانـــجی شــاهیـــدین ، حقی دانـانین              

خلقین سیررین آچان بیر ده گــیدانـین

یــــولا داش تـؤکه نین ، یـــول دارالـدانین          

هر ایکی دونیادا یــئری دار اولـــــسون

 

دده کـــاتیب آند ایــــچره م قـــــــــــورآنا                

مـــن نــؤکـــره م حیــسابینین قـــانانا

آنــــلایــــان دوشـــــمنه مــــرد-مـــــــردانا               

نــــه قــدر من وارام او دا وار اولســون

 

 عشق مئیی

کـــؤنول ایــسته ســن عــاشق اولاسان          

عشقی بالهوسدن سئچمه ین بیلمز

عشقین شهری چوخ بؤیوک دور آزارسان       

چــوخ بــاغـــلی قـــاپیلار آچمایان بیلمز

 

عشــق بـــیر عـالم دیـر هر نه ده ن آیری          

یـــوز یـــولــلار آیـــریلار جــاده دن آیــری

عشـــقین مـــئیی بــــیزیم باده دن آیری           

دادیــــب او بــاده دن ایــچــمه ین بیلمز

 

عشــقین بــیر آتـی وار هـر کس مینـنمز          

هـــر کـــس ســـوار اولــسا داها یئننمز

عــاشــیق جــانین وئـــرر یـاردان دؤنـــمز         

عــــشقیــن گـؤیلرینده اوچمایان بیلمز

 

دده کـــاتــیب عــؤمــور کــئچر قالیـنماز           

فـــرهــاد اولــوب داشــا تئشه چالینماز

عـــشـق بـــیر گـــوهــردیـر اوجوز آلینـماز       

   بـــوتــون وارلـــیغیندان کئچمه ین بیلمز

 

 جمعه گون

ایــــسلام اوغــلو دالدالانما گل اوزه       

ذوق ائدر غونچه لر، گول لـــرجــمعه گون

آچــــیلیبدیر حقین رحمت قاپیسی             

گؤی گورولدور آخیر سئل لـــرجـمعه گون

 

 

تکبـیر سسی میناره دن سس لـنر          

کـــؤنـول شــــوقــا گلیب دل هـــوس لـنر

مسیحا هوس لنر طور نفـــس لـنر         

یاهـــو اوخــور او بــولبول لــــرجمعه گـون

 

جمعه بیر آغــاج دیر بـاری کال اولماز     

نیــــیت لر دوز اولـــسا قیل-قـــال اولــماز

انشـاءالله حیــساب گونو لال اولماز          

صلـــوات اوخــــوبان دبل لـر جـــمعه گون

 

جـمعه گـونـو کــوسولولر باریـــشاز     

مؤمـــن فساد سالماز صولحه چالــیشار

دده کـــاتیــب آتــش آلـیب آلیشار              

یاشاسین سؤز قانان ائل لر جمعه گـون

 

سوی تانیدیرما

 ایستیـرم ســـوی تــانیدیرام           تــورکی جــه دیر منیم دیلیم

 مــوســـلــمانام ایــمانـــلیام            آذربــایـــجان ائـــلــیم مـــنیم

 

اورمــــــولویام انـــــزل لی یم          دوشـــمـــن لـــرین انگلی یم

حـــلق لــــرین چـــنــگلی یم            چـــوخــودو فــند-فئلیم منیم

 

صفـــالی اوجــا داغـــلاریـــم            گـــؤزه ل مــیوه لی باغلاریم

مـــخصوصا بـــاهار چـاغلاریم          آچــــار غـــونچه گولوم منیم 

 

ایـــگـــــیـــدلــره آرخــــالانیم            نــهنگ تــک چـــالـــخالانـیم

ســــولاریـــندا یــــایـــخالانیم            گـــؤزه ل اورمــو گؤلوم منیم

 

شـــاعـــیرلریم ، اوزانـــلاریم           ســــؤنـــمز قـــاینار قازانلاریم

ووروب دوشـــمن پــوزانـلاریم           سـارسلمایان قــــولوم منیم

 

اساس سویوم اوغوز نسلی                دده قـــورقـــوت تک هـوسلی

آشیقلارین خوش نفــسلی                 میـــضراب چـالیر تئلیم منیم

 

اورمــــیه لــی ارســــلانـــــلار           تـــبــریـــزلی تــــک قهرمانلار

گـــئری دؤنــمز قوچ اوغــلانلار         دولوب ساغیم-سولوم منیم

 

 دده کـــاتــیب ائـله قــوربان              خـــوش دانیشان دیله قوربان

 یــــئــره گـــلــمز بئله قوربـان           حــــقه بــــاغـلی بئلیم منیم

 

بد زامان

قـــادیــر آلـلاه بـد زامــاندا یــاشادیق      

نـــابــلد بـلده یـــول نــــیشان وئریر

ایکــــیـندیدن سـونرا آخشاما یاخین        

بئش تومن تاپانلار پول نیشان وئریر

 

قیــلچیق آغزین اگیر باغدا سـونبوله        

شـــلقم شامامایا ، ایت بورنو گوله

حــسرت دیر باشیندا آلتی کـول تئله       

کئچل زولفعلی یه یول نیشان وئریر

 

بــــایــــقوش اؤیود وئـریر هزار دستانا        

شــیطان اؤزو لــعنت وئریر شیطانا

بئش گون درسه گئدیب او دا شـابانا       

یئددی دیـــل بیــلنه دیل نیشان وئریر

 

دده کاتیب قالــدیق عصرین سونونا         

ســـگگــــیزینه ، دوقــقوزونا ، اونونا

صــــــرافلار بــــویـــنونو چکیب قیـنینا        

پـــالاندور زرگـــره لعل نیشان وئریر

 

 بولبول

بـــاهار چاغی گول اوســـــتونده ذوق ائـــلر         

هـــــردن چـــهــچه وورار قــــــناره بـــــولبول

عزیزی یم ذوق ائلر/ دل دلیــــبره ذوق ائــلر         

   یار عاشقی یار یانیندا شوقا گلیب ذوق ائلر

گـــول بولـــبوله بـــولبول گــوله ذوق ائـــــلر        

    دؤنــــوب غــــضب لنر او خـــــاره بــــولـــــبول

 

 بولـــبول گوله غــــونچه گــوله ، گول گولــه           

 مـــن ســـــئورم گـــــول آچــــیلا گــــول گوله

عزیزی یم گول گوله/بولبول دئیه گول گــوله         

    قیش قالمایا باهار گله لاله بیته گــول گـوله

 قــــفس سیـــنا بــــولــبول اوچا گول گــوله         

    قــــالــــمایا زیـــــنـــدانـــدا آواره بـــــولـــبول

 

 عــــاشــق اولان مــــعشـــوقونون دریـــنده           

  غـــــواص اولارجــــومــــار قــــالار دریــــــنده

عـــزیزی یـــم دریــــنده/دریــــالاردا دریـــنده          

    اومودوم وار مرد اوغلانلار قالمایالار دریــنده

مــــرد اؤلـــر یــــاتـــــماز نـــــامـــرد دریــــنده          

   ســـن ده کــــؤنـــول وئــــرمه اغیارا بولبول

 

 دده کــــاتــیــب دئــــییر کاما یـئتمه دیم             

  دوســـــتدان کــــام آلمادیم کاما یئتمه دیم

 عزیزکامایئتمه دیم /عاشق کامایئتمه دیم           

    جفا چکدیم یار یولوندا آخیرکاما یئـتمه دیم

منده سنین کــــــیمی کــــاما یـــــئـــتمدیم             

  قـــــاچـــما مندن ، گــــــئتمه کناره بولبـول

قاچما مندن

یــــارادانــــا شــــکر و ثـــــــــنــــا              هـــــم یــــوخـــونا هم واریــــــنا

هــــر کس ایــــله یولداش اولدوم                لــــتش ووردو دیـــــــــواریــــــــنا

 

یا ریـــب بیر درد بئش اولماسـین                نانجیب لر خوش اولـــــــماسین

خـــوش گونلره توش اتولماسیـن                 لعـــــنت گــــلـسین اقــــراریـــنا

 

آشـــــنالاریـــــم آتـــــدی مــــنـی                 هــــر هــــاوا اویــــناتــــدی منی

زامـــــان اوجــــوز ســاتدی مـنی                دوشـــــدوم کـــــســـاد بــازارینا

 

دده کــــاتـیـب دیــــلر دیــــــلک                   زامــــــان قویمادی خوش گولک

بـــــلا پـــــایـــلایـــانــدا فــــلـــــک               مـــــــن یـــئتیـــردیم آمـــــبارینا

 

 سلام

بــــاهــار چـــاغی یـــوردوم آذربـــایـــجاندا               

یاغـــمور یاغیب آخــــان سئللره سلام

یــــاشیل یــــایلالاردا، یاشـــیل بــاغلاردا                 

الـــوان غـــونچه لره ، گـــــــوللره سلام

 

یاشـاسین یوردومون تـــــورک آشیقلاری            

تورکی شــاعیرلری تــــورک آشــیقلاری

تـــــویــلاردا،بــــایرامدا تـــــورک آشیلاری             

ســسینه ، ســــازینا ، تـئـــــللره سلام

 

ایفــــتیخار ائــــیلیرم بــــؤیــــوک تــــورانا                  

دوغـــــما وطـــــنــــیمه ، آذربـــایــــــجانا   

تـــــورک اوغــلویام هر واخت مرد- مردانا                

او تـــــورکی دانیـــــشان دیــــللره سلام

 

یئتمیش بابام کندلی من ده کـندلی یم                  

باشیم عرشه یئتسه من ده کندلی یم

آذربــــایجـــانلـــیام مــن ده کـــند لی یم                 

بــــو آذربـــایـــجــانلی ائــــللره ســـــلام

 

دده کــــاتــیب دیندیرسه لر جـوشارام                   

جوشغون سئل تک دالغا ووروب داشارام

کــــندده دوغـــــولموشام کندده یاشـارام                  

کـــــندده زحــــمت چــکن ائل لره سلام

 

                   یاخشی دیر

اینــــــسان اوغـــلو بـــیر اؤیــــود وئر دیلینه             

هـــر گــلن له آتـــیشـــماسان یاخشی دیر

دیـــــل ســـنین دیر ، فــرمان سنین الینده            

چیخما یولدان تئز چاشماسان یاخشی دیر

 

اؤزونـــــــدن بـــــؤیـــــوگون سؤزونو کسمه          

دانــــیشانـــدا تــــئز جـــوشلانیب تئز اسمه

یـــــــالان ســــؤزو ساخلا ، دئمه ، تلسمه           

هــــر نه قـــدر دانــــیشماسان یاخشی دیر

 

آجـــــــی دیــــل آرتـــــیرار دوشـــــمانــــین          

ســـــنین آجـــــی دیــــل آزالـــدار حؤرمتین

سنــین آجی دیل یاندیرار عؤمرون خرمنین           

آغـــزین یـــانار دانــیشماسان یاخشی دیر

 

دده کـــاتیب حقی دئیه ر سست اولـماز            

ار-اســـــلان قـــــوجــــالار اؤلر پست اولماز

آجی دیل دوشمن دیر سنه دوست اولـماز            

اؤلـــه نه تـــک بــاریشماسان یاخشی دیر

 

               بو داغلار

کؤنول قوشو ایستر گیریب دولانـسین            

کســــیب قــاباغیمی بو داغلار مــنیم

لــــیلاسیز مــجنون تک آواره قالــدیم             

ایندی مســکنیم دیر بـو داغــلار منیم

 

ایــــپـــین او ایـــتیب یامان دولاشـیب             

صبرین چاناقلارین دولــدوروب داشیب

دردیم آغیرلاشـــیب حددیــندن آشیب           

ایـــندی یـــوکوم اولـــوببو داغلار منیم

 

قیلینجیم کـوته لیب دوشوب کــسردن             

سـؤزوم قبول اولمــور دوشوب اثردن

آلله اؤزون ســــاخلا بــــونـدان بــتـردن            

ایـــچیمی یـــاندیری بو داغــلار مــنیم

 

دده کـاتــیب قیـــساتمیشام دیـلیـمی           

زامــــان چـــرخی بــاغلاییبدیر الـیمی

ائـــولادلاریـــم بـوکوب مـــنیم بئـلـیمی          

اؤلــــسم قاتیـلیم دیر بو داغلار مـنیم

 

 

دده كاتيب قولونجي نين شعير سيته سي

ها!

بئش گون گن دونیایا آلدانما کؤنول

بئش گون سونا چاتار دؤوره دؤنر ها

دئمه قامتیم دوز بئلیم گوجلودو

یوکون آغیرلانار بئلین سینار ها

 

اوجا اوچما دئمه من قانادلیام

اوجادا اوتوروب یئددی قاتلیام

پیاده یه گولمه دئمه آتلیام

نوبه چاتار دای بابانی مینر ها

 

دوغرولوق بوکونون آلتیندان قاچما

امانت کیمسه نین سیررینی آچما

اؤزوندن ضعیفه چوخ اسیب جوشما

قازان چوخ قایناسا دیبی یانار ها

 

دده کاتیب کیم کام آلیب جهاندان

عارف اولان عبرت آلار زاماندان

وار گونونده بهره گؤتور تواندان

اجل قوشو کؤکسون اوسته قونار ها

  

دوز انسان

یارادانین قدرتینه چوخ شکور

آدام یارانمیشیق دوز انسان بیزیک

موحدیک لا اله ال الله

محمد امتی، مسلمان بیزیک

 

تورک اوغلویوق دالدالانیب سینمیریک

دوشمان قارشیسیندان گئری دؤنمریک

بیر قیزقین آتشیک تئز-تئز سؤنمریک

قارتال اوچوشلویوق ار اسلان بیزیک

 

اساس تورک اوغلویوق ایچ اوغوز خانلی

قوچاق نبی بابک بایاندیر خانلی

دین وطن اوغروندا قورخماز ایمانلی

ساواش میدانیندا بیر قاپلان بیزیک

 

دونیا بویو وورولمامیش وورموشوق

سویوموزدا ثابت قدم دورموشوق

اون سگگیر امپراطورلوق قورموشوق

گئری دؤنمز بیر مرد میدان بیزیک

 

آذربایجانلی ییق بیلسین دونیالار

دنیزلر ، قارالار ، یئرلر ، هاوالار

گورولتو سالاریق قورخار دریالار

داغلار زیروسینده بیر دومان بسزیک

 

دده کاتیب دوغرو یولدان چیخماریق

هئچ کیمسه یه پیس گؤز ائیله باخماریق

دوغرو تورکوک یاخماسالار یاماریق

هر زامان مطیع القرآن بیزیک

 

ساویشماز

گئنه کؤنلوم دوشدو یار سئوداسینا

بلا هاردا اولسا مندن ساویشماز

من عاشقم ساویشماز

بلا مندن ساویشماز

بو عادت دیر عاشیق لرده آختارار بلا تاپار

عاشق لردن درد و بلا ساویشماز

هر طبیبه دردین آچماز دال با دال

 

عاشق اولان معشوقوندان یارالی

یار ووروبدور یارام واردیر یارالی

من عشقم یارالی

یار گئیینیب یارالی

شیدا بولبول ناله چکر خار الیندن آه و واه

یارالیام یارام باغلار یارالی

خنجر ووروب داها دئشمز دال با دال

 

شاعیر هردن تجنیس اوخور جیغالی

قابل خیاط دونو تیکر جیغالی

عاشق اوخور جیغالی

دیوان تجنیس جیغالی

قناره لر باهار چاغی بوداق اوسته فغاندا

یار زولفونو یارداراییب جیغالی

اؤزگه لره اوزون آچماز دال با دال

 

دده کاتیب سؤزون سؤیلر دلیندن

اول اوره گینده سونرا دیلیندن

عزیزیم دیلیندن

عاشق اوخور دیلیندن

دیل خطردی عاقل انسان خوش دانیشار خوش دئیه ر

خلقی سانجاماز اؤزون قورور دیلیندن

هر نه گلدی ها دانیشماز دال با دال

 

 آغلادی

قادر آللاه بو محنتدن بو غمد

یاندیم جسم ایچینده جانیم آغلادی

پروانه تک آلیشمیشام آتشه

قایناییب جسدده قانیم آغلادی

 

سگگیز سجده گاهیم بیر یانا دؤندو

بئش جسمیم اعضادا دیوانه دؤندو

قلبیم قانا گؤزوم عمانا دؤندو

ایکی عینیم بیر زبانیم آغلادی

 

اود آلیب آلیشدیم اوره کده ناریم

گئجه گوندوز بیر آللاهه بالواریم

بوتون اوچ یوز آلتمیش داماریم

دؤرد یوز قیرخ دؤرد استخوانیم آغلادی

 

کاتب بیر آللاهه واردی پناهیم

بایقو تک ویراندا کیم بیلیر آهیم

دنیزلر جمع اولسا چوخدو گوناهیم

یاد ائدینجه روح روانیم آغلادی

 

کوراوغلو

ایسترم مردلری تعریف ائیله یم

مردلرین سولطانی قوچ کوراوغلودو

شهرتی یاییلیب توتوب هر یانی

ایگیدلرین خانی قوچ کوراوغلودو

 

عؤمور بویو مردلیک ائیله ساواشدی

نامردی اؤلدوردو مرددن ساویشدی

شجاعت مولکونه دوغرو یول آشدی

شجاعتین کانی قوچ کوراوغلودو

 

صحبتینین آغیزلاردا دادی وار

آشیقلارین مجلیسینده یادی وار

تاریخده ن سیلینمز گئتمز آدی وار

ارکک لیک نیشانی قوچ کور اوغلودو

 

کور اوغلو تک ار اوغلانلار وار اولسون

نامردلرین کؤنلو آه و زار اولسون

کوراوغلویا پیس دئیه ن لر خار اولسون

نامردلر دوشمانی قوچ کوراوغلودو

 

کوراوغلو تورک ایدی بیر اوغوز خانی

تورک لره قازانییب شوکتی شانی

چاملی بئلده قالیر یوردو نشانی

دیل لرین نشانی قوچ کوراوغلودو

 

دده کاتیب حئیف مردلر کؤچ اولدو

حسرتیمیز آرتدی ایکی اوچ اولدو

قوچ دوغولدو قوچ یاشادی قوچ اولدو

اسلانلار اسلانی قوچ کوراوغلودو

 

نه عادت دیر؟

قادر آللاه نه عادت دیر زاماندا؟

یوخسو لون دوز سؤزون هئچ کس حاقلامیر

نه قوهوم نه قارداش نه ده قونشولار

ایل لر دؤنور بیر-بیرینی یوخلامیر

 

مؤمن قارداش هردن تویا گلنده

مین لیک سپیر تویچولاری گؤرنده

اون بئش تومن مستحققه وئرنده

سانجی توتور صبحه کیمی یوخلامیر

 

علم مجلسیندن دولانیر اوزاق

معنالی سؤزلرده اولوبدور قاچاق

معناسیز سؤزلره قوچ اوغلو قوچاق

انگی برکدی ها دانیشیر لاخلامیر

 

دده کاتب اگری یولدان قئییدر

فلک دییرماندی خاقی اویودر

بیر آتا بیر سورو اولاد بؤیودر

سگگیز اوغول بیر آتانی ساخلامیر

 

سئوه رم

عاشق اولدوم بیر دلبرین یولوندا

دل وئرمیشم من دلداری سئوه رم

آنلایانلار ایچدی ادب جامینی

او سببدن خوش گفتاری سئوه رم

 

بیر گونوم جاواندی بیر گونوم قوجا

بیر گونوم آلچاقدی بیر گونوم اوجا

یاردان غیریسینه ائتمم ایلتیجا

من عاشقم آنجاق یاری سئوه رم

 

انسان گرگ ناموسوندان اوتانا

لعنت گلسین دوستا یالان ساتانا

نامرد ائیله بیللاه گئتمم گولشانا

مرد ائله آتشی ناری سئوه رم

 

سیز بیر باخین بو زامانین گردینه

نامرد شریک اولمور مردین دردینه

من کاتیبام مایل اولدوم دؤردونه

هر کس بیلیر چهار یاری سئوه رم

 

بوکولموشم

غنی مولم غم چکمکدن                        یوکولموشم بوخچالاردا

کرکس لر ال بیر اولوبلار                      منه گولور زاغچالاردا

 

سیزیلدارام کاباب کیمی                          بیر سؤالسیز جواب کیمی

اوخونمایان کیتاب کیمی                          ترک اولموشام تاخچالاردا

 

آنادان دوغدوم دوغولو                           سؤزوم سینمده بوغولو

نئیلیرم اون بیر اوغولو                            تک قالمیشام کوخچالاردا

 


دده کاتیب یامان اولودوم                           بوی بوکولدو کامان اولدوم


سون عؤمرومده چوبان اولدوم                   تک یاتیرام باخچالاردا

 

یئمک لرین تزه سی       دئمک لریم مزه سی

صاباح چاغی بئش گؤزه له اوغرادیم

تپره نیر کؤکسونده نار گوله گوله

بیر قیزیل قونچادی یاز چیجگی دی

یاشیل بوداق اوسته یار گوله گوله

 

عاشق اولدوم سن گؤزه له گول گوله

قاش اوینادا کیپریک وورا گول گوله

بورون فیندیق دوداق گوله گول گوله

بیزه قوناق گله یار گوله گوله

 

بویون سرو هیندی یاناغین لاله

گؤزلرین گؤرندن ایستیر جان آلا

حسرتین کؤنلومده قالا ها قالا

سالدین اوره گیمه نار گوله گوله

 

دده کاتیب گئنه آرتدی حسرتین

گؤزه لدن آیریلماق چتین دیر چتین

دئدیم بیزه مئیلین بس محبتین

گولو مسنیب دئدی وار گوله گوله

 

عرفان عالمینده

عیرفان عالمینده اینسان ایچینده

هئچ زامان یاخشییا یامان دئمزلر

اخلاق دفترینده قرآن ایچینده

ریاکارا اهل قرآن دئمزلر

 

انسان اودور بوش دورماسین چالیشسین

عاشیق گرک عشق اودونا آلیشسین

بیر انسان کی هر نه گلدی دانیشسین

حیاسیزا اهل ایمان دئمزلر

 

انسانلارین وفالیسی یاخشی دیر

آینالارین شفافلیسی یاخشی دیر

اوغرونوندا اینصافلیسی یاخشی دیر

اینصافسیزا صاحب وجدان دئمزلر

 

دده کاتیب بو جمله یه خوش اینان

ایمانین خرمنین یاندیرار یالان

وارلیا دوست اولان یوخسولا دوشمان

هئچ قانوندا اونا اینسان دئمزلر

 

اؤلندن سونرا

کؤنول کیمیادیر عؤمرون باهاری

سولاجاق بو داقلار اؤلندن سونرا

فرصت گئتسه حسرت بره باغلاماز

بیرده دؤنمز ساغلار اؤلندن سونرا

 

دم غنیمت،چالیش قازان ساغ ایکن

آتشی سؤندورمه قازان داغ ایکن

دیء دانیش دیل دوداق داماق ساغ ایکن

باغلانار دوداقلار اؤلندن سونرا

 

آدام وار دادماییب دوستلوق شربتین

وقتی بیلمز الدن وئرر فرصتین

ساغلیغیندا بیلمز دوستون قیمتین

افسوس ائیلر آغلار اؤلندن سونرا

 

دده کاتیب هئچ قورتماز دیدهسین

کیم ساغالدار اوره گینین زده سین

اوغول واردیر هر گون دؤیر دده سین

اوچ آی قارا باغلار اؤلندن سونرا

 

اوغول اؤلومو

مدد سندن ای جان وئریب جان آلان

صبر ائیله ین مصیبته دایانار

هر آتشه بیر سو سپسن او سؤنر

قارداش اودو سؤنمز یانار ها یانار

 

اوغول اوره کدن دی یاخار اوره گی

قبول اولسون اوغولسوزون دیله گی

قارداشی اؤلنین یانار دیره گی

دیره کسیز خانه سی یانار ها یانار

 

اوغلو اؤلن آنا سیلمز گؤز یاشین

باجیسی قاردان آییرماز باشین

بیر ایگیت کی الدن وئرسین قارداشین

بئلی سینار ناله چکر ها یانار

 

کاتیب سئور اولوسونو ائلینی

تک لیک لال ائلییب دئیه ن دیلینی

اوغول دردی بوکر آتا بئلینی

قارداش اودو شعله چکر ها یانار

 

زمانه

قادیر آللاه بد زامانین الیندن

گونو گوندن ایشلر دوشور یامانا

آنلایانلار آغلیر قانمازلار گولور

گؤروم دگیشلنسین تئز بو زامانا

 

محبت آزالیب سویویوب قانلار

جسد لر یارالی ، سیزلاییر جانلار

شهرت اولوب عیبادتلر احسانلار

ایشیق گونلریمیز دؤنوب دومانا

 

بوتون ایشلریمیز اولوب اویونچاق

اوزلولر اوزده دیر دالدا اوتانجاق

گئچی لر قویونا دئییر تومانچاق

تومانچاقلار گولور کؤهنه تومانا

 

دده کاتیب بودور سؤزله رین دوزو

دوغرو نطفه لرین بیر اولار اوزو

قانماز دوستون ایکی یوزو، اوچ یوزو

قوربان اولسون بیر آنلیان دوشمانا

    

غفلت

 

اؤزون داده یئتیش یارادان آللاه

گوجدن دوشدوک قدرتیمیز قالمادی

مین دؤرد یور ایل شهرتیمیز واریدی

ذلیل اولدوق عزتیمیز قالمادی

 

دوستلاری اونوتدوق دوشمانی توتدوق

یولداشی بوراخدیق اویناشی توتدوق

بیرلیک آغاجینی کؤکدن قوروتدوق

دامارلاردا غیرتیمیز قالمادی

 

دامارلاردا ایستی قانلار آخاردی

قیلینجیمیز شیمشک کیمی چاخاردی

هر دؤرد طرف گوجوموزدن قورخاردی

هئچ زاد اولدوق هیبتیمیز قالمادی

 

دده کاتیب بیزی پوزدو بو غفلت

دیلده داد قالمادی آغیزدا لذت

خوش جمله دیر معلول اولماز بی علت

علت بودور وحدتیمیز قالمادی

 

اوچ ها اوچ

 

ده لی کؤنول چوخ آه و زار ائیله مه

 پروار ائله غمخانه دن اوچ ها اوچ

دردین اولسا آلچاقلارا سؤیله مه

بیر دردین آرتیرار ائیلر اوچ ها اوچ

 

مرد اوغلانلار هر زامانلار مرد اولو

یئمه نامرد لقمه سینی در اولو

قورد بالاسین هر نئیله ین قورد اولو

اصیل قوچدان قوچلوق اولار قوچ ها قوچ

 

خسیس لرین دویماز گؤزو دار اولار

الدن یاپیشانا مولا یار اولار

شورا یئرده بوستان اکمه خوار اولار

سعیین باتار توخمون اولار پوچ ها پوچ

 

دده کاتیب چاغیر شاه ذوالکرم

حقینه قانع اول چکمه درد-غم

پیس قونشونون قونشولوغون جهنم

یوکون یوکله جهنمدن کؤچ ها کؤچ

 

نه زامان گله جک؟

 

قادیر آللاه در وئریبسن                      در مان نه زامان گله جک؟

قطره لر قاتیب حالیمی                         عمان نه زامان گله جک؟

 

عمان دالغادا،سسده دیر                        کؤنول زیندان،قفسده دی

بوگون فرصت کرکسده دیر                     ترلان نه زامان گله جک؟

 

ترلان دوشوب توردا قالدی                     کلیم الله طوردا قالدی

سیف آیه سی هاردا قالدی                      فرمان نه زامان گله جک؟

 

قرمان گلسین گؤزوم در ده                     فاتح فتح خیبرده

دده کاتیب دولوب درده                           لقمان نه زامان گله جک؟

 

سن ده گول

 

ده لی کؤنول چوخ ائیله مه آه و زار

یاز آچیلیب گوللر گولور سن ده گول

صبح آچیلدی ظلمت اولودو تار و مار

سولار جوشوب سئللر گولور سن ده گول

 

بنؤوشه باش وئریب بویاندی لاله

ساقی لر الینده گزیر پیاله

رقیب لر گؤرونجه دوشدو خیاله

جهان شاددیر ائل لر گولور سن ده گول

 

سرو سایه سالیب قمر اولدو شق

عندلیب دیل آچیب اوخور هوالحق

مشاطه لر نوردان چکیبدیر بیدق

مشاطه گول،تئل لر گولور سن ده گول

 

دوستون باغچاسیندا بولبول غزلخوان

ارغنون عرشده اوخویور سبحان

کاتیب غصه لنمه الحکم قرآن

حقی دئیه ن دیل لر گولور سن ده گول

 

اویناسین

قادر الله گئدسین قیشین دومانی

                                      یئنی باهار گلسـیـن گــول لـر اویناســین

چیچکلنسین یوردوموزون هریانی

                                      یاغموریاغسین جوشقون سئللراویناسین

 

گوللربیزیم اولسون قازلاربیزیمکی

                                       سـؤزلــر بیــزیــم سازلــار بیــــزیمــــکی

ماراللار بیزیمکی نازلار بیزیــــمکی

                                       یایلا یاشیللانسین ائل لر اوینـــاســـــین

 

قدرت لنسین ایگیت لرین قوللاری

                                       گوجلنک قاپسـایاق سـاغی ســولـلاری

ووراق پوزاق آچاق باغلی یــوللاری

                                       جاده لر شن اولســون یوللار اویناســین

 

بیـربیـره دایانسین گوجلو چیگیـنلر

                                       قاراباغدان چیخســـین قودوز خائیـــن لر

باکیدا اوخونسون آشیق قادینــلار

                                       بارماق میضراب چالسین تئللر اويناسين

 

دده کاتیب قیساتمارام دیلیمـــی

                                      حقــه دوغــــرو باغـلامیشــام بئــلــیــمی

چوخ سئــورم آذربایجان ائلینـــــی

                                       آذربایجان تورکـــی دیللــر اوینــاســــــین

 

   سوردوم

عاریفلردن سوردوم دونیا احوالیـــن

                                               "آزاد قوشـا بـیـر قفسـدی" دئدیـلــر

عؤمرون اعتیبارین سوال ائیله دیــم

                                                گئدی گلمـز،بیر نفســدی دئدیـلـــر

 

دئدیم بیـرسرمایه،بیــرده سعـــادت

                                                 دئدیلــر،خوش اخلاق، بیرده قناعـت

دئدیم شوهرت ایچون اولسـاعیبادت

                                                "عاریف دئییــل بول هوسدیر"دئدیلــر

 

دئدیم دونیا مالی ،دئدیـــلر عیبــرت

                                                دئدیم بس جوانلیــق، دئدیلرفورصـت

دئدیم بس قوجالیـق،دئدیـلر حسرت

                                                  عؤمــرون پاییز یئلی اسدی دئدیلـر

 

دده کاتیب غم نهالیــــن غم اکـــــه

                                                  غم خرمنین،غم آنباریــن غم توکــــه

عؤمرون سوفرسینن بیر نئچـه تیکـه

                                                  یئدیم دویمامیشدان بسدی دئدیـلـر

اوغلویام

یـــارادانــا شــوکر ائـــــــــیلرم                من بیر موسلمان اوغلویام

فیکر ائتمه میش دانیشمارام               بیر دوغرو اینسان اوغلویام

ایلهام آلـمیشام قورآنـــــــدان                عیبرت آلـمیشام زامانـــدان

قورخمارام توز دان دومانــدان               دالقــــالی توفان اوغـــلویام

من بیر تـــورکم بوز قوردلـویام              اوغـــوز دده قـــورقودلویــام

بــیر قــیزقـین آتش اودلویــام                بــیر غیرتلی قان اوغلــویـام

دده کــاتیب ائـلیم تـــورکــــدو               دوغرو دوزگون یولوم تورکدو

خوش دانیشان دیلیم تورکـدو               مـــن آذربــایجان اوغـــلویام

 

سويوموز

کؤنول دیللر تانیدیرسین سؤیـــونـــو

                                           بیز تورک تورونویوق قوچ اوغلانلییــــق

بیرکؤکدن آیریلمیشیق اونبئش دال بوداق

                                            خزر  دنیزینـده   چئـــویـــره  یانلیـیـــق

 

تورک اوغلویوق بیز شاواشـا چیخاندا

                                            ییلدیریملارچارپیپ شیمشک شاخـاندا

دوشمن کؤکسوسونه سونگو تاخاندا

                                             قیزمیش قاپلان کیمی های كیرانلیــیــــق

 

بوتون تورکـــــلر بیــر بیــــره چاتــــــــار

                                             قازاق،قیرقیــــز،چرکـــز،تورکمـــن،تاتــــار

یوردومدا اوســـتون شاعـــیرلـــر یاتــار

                                              قاراباغ، ناخجیــــــوان ،داغیستانلیــیـــق

 

کیمسه گیزله دمز تـــورک آدی ایتمــز

                                             تاریخ لــر یازیسی سیلینــــمز گئدمــــــز

سؤزو قیسا کســک،چون سونا یئتمز

                                               اینسانلـــیق بیلن ،بیز اینـسانلییــــــــــق

 

سئوریک وطنی، دینــــی تانرینــــــــی

                                               کســیریک دوشمنــین تار تامـارینـــــــــی

آتشه یاکـــاریـــق ،بــوتــون واریــــــــنی

                                            شوکور موسلومانیــق، بیــز ایمانلییــــــق

 

موغـــولدان باشلامیش رومـــانا قـــــدر

                                           بولــــغار،صوفیـــــادان گیــرمـانا قــــــــدر

تورکـــــــیه،ایراقــــــــدان افقــــانا قـــــدر

                                               بورادادا  آذربایــــجانلیــــــیـــــــــق

 

اسکی ده ن تانییــور دونیــــالار بـیــــزی

                                           دنـــــــــیزلـــــــر قارالار هــــاوالار بیـــــزی

هئچ قـــــورخــودامـــاز هـاوالار بیــــــــزی

                                           گوجلو بیلک لی ییق ایستی قانلـییـــــق

 

دده کاتیب بیز ناموســـــو آتمـــاریـــــــق

                                             اؤلکـــــه میزی یابانجـی یا ساتمـاریــــــق

یوردوموزون بک چی سییق یاتماریــــــق

                                             چیـــلیــک قـــوللار ایلـــــه آرچالانلیــــیـــق

 

 تورک اوغلو -دده كاتب

 

 

Asil  Türk oğluyuz  iç oğuz  hanlı

 

"Koçak Nebi"," Babek"," Bayandır han"lı

 

Din vatan uğrunda korkmaz imanlı
 

Savaş meydanında bir kaplan biziz

 

 

Dünya boyu vurulmamış vurmuşuz

 

Soyumuzda biz yılmazca durmuşuz

 

Onsekiz imparatorluk kurmuşuz
 

Geri dönmez bir merd-i meydan biziz


 

Azerbaycanlıyız bilsin dünyalar
 

Denizler karalar yerler havalar

 

Gürültü salarız korkar deryalar
 

Dağlar zirvesinde bir duman biziz

 

 

Dede Katip doğru yoldan çıkmayız
 

Hiç kimseye fena gözle bakmayız
 

Doğru Türküz yakmasalar yakmayız

 

Her zaman Türklüğü koruyan biziz

 


موضوعات مرتبط: دده کاتیب

تاريخ : چهارشنبه دوم اسفند 1391 | 5:25 | نویسنده : موسی |
ریاست میزی  
ایندیه‌تک بیله بیلوردم خانم هرزه و هزیاندی ریاست میزی ایندی اوتوردوم گورورم آی جانم تخت سلیمان‌دی ریاست میزی        آخ نئجه راحت نئجه اگلشملی هر نئجه یورقون اوتوسا دینجلی چوخ یوموشاق سلقلی کیف سورملی لایق سلطان‌دی ریاست میزی تخت سلیمان‌دی ریاست میزی        میز نئجه میز اگلشنی جست ایدیر رند و خرابات و قوی دست ایدیر بی می و مینا آدامی مست ایدیر رتبه‌ی شایان‌دی ریاست میزی تخت سلیمان‌دی ریاست میزی       باخما کیچیک گورسنوری ظاهری تک بیر آدامدان چوخا یوخدور یری قوی الیوی آننوا باخ بیر چری بیر یکه میدان‌دی ریاست میزی تخت سلیمان‌دی ریاست میزی          میز نئجه میز نشعه‌ی ممتازی وار موشک و جت تک گویه پروازی وار باشدان آلور هوشی عجب گازی وار محفل رندان‌دی ریاست میزی تخت سلیمان‌دی ریاست میزی         ایلمه غم فخرایله شیش آی ماتان من رئیس اولدوم کفیمه یوخ چاتان صدر نشینم دگولم شارلاتان دردیمه درماندی ریاست میزی تخت سلیمان‌دی ریاست میزی        واردی عجب معجزه‌سی بو میزین کور ایدیر اوّل‌ده جلیسین گوزین نه جلو ایستور نه اوزنگی نه زین مین‌ملی مادیاند‌دی ریاست میزی تخت سلیمان‌دی ریاست میزی        دورسا حضوریمده اگر یوز نفر سایمارام ایشکدی بولار یا بشر یا بیر اوطاق کتلی یا بیر طویله خر بیزلره یکساندی ریاست میزی تخت سلیمان‌دی ریاست میزی         آخ نئجه میز وار نه گوزل نقشه‌سی اَل قول آچانمور سویورام هر کسی اُلدویرورم هر کیمی چخمور سسی مسلخ انساندی ریاست میزی تخت سلیمان‌دی ریاست میزی        سخت اولا قانون نئجه مثل دمیر من اونی الده ایده‌رم چون خمیر اولموشام ایندی ایله روشن ضمیر مکتب عرفاندی ریاست میزی تخت سلیمان‌دی ریاست میزی         میز نئجه میز جنگده ارابه‌دی دللری یاندیرماقا خوش تابه‌دی خون ضعیفان بیزه نوشابه‌دی باشدان ایاق قاندی ریاست میزی تخت سلیمان‌دی ریاست میزی        مؤمن اولا گبر اولا اسلام اولا یوخ منه فرقی چاتارام قول قولا دینی فدا ایلمیشم من پولا دینله دشماندی ریاست میزی تخت سلیمان‌دی ریاست میزی        بو مثلی خوش دیدی احمد کوسا ارمنی‌لیق یاخشیدی کبلای موسا لیک قیامتده پوخی چخماسا مسند شیطان‌دی ریاست میزی تخت سلیمان‌دی ریاست میزی        عصر بیزیم عرصه‌ی میدان بیزیم قصر بیزیم حوری و غلمان بیزیم نفس بیزیم نعمت الوان بیزیم معرض طغیان‌دی ریاست میزی تخت سلیمان‌دی ریاست میزی        ظالمی مظلوم ایلسم ایلرم حاکمی محکوم ایلسم ایلرم هر کسی مسموم ایلسم ایلرم مرکز بهتاندی ریاست میزی تخت سلیمان‌دی ریاست میزی       دائم الیمده ایکی مثقال قلم ایسته‌سم عالملری ووررام به هم پولدی پول اُستن یاغوری دم به دم گورملی دکاندی ریاست میزی تخت سلیمان‌دی ریاست میزی        ملتی مین مین سویورام دویمورام دولته دوقوز قویورام دویمورام گونده اوتوز رنگ بویورام دویمورام حیله‌ی الواندی ریاست میزی تخت سلیمان‌دی ریاست میزی         زال منم رستم دستان منم گیو منم سام نریمان منم اهرمنم خصم سلیمان منم مسکن دیواندی ریاست میزی تخت سلیمان‌دی ریاست میزی        دویمارام اصلاً بله سرمایه‌دن یوخدی سراغیم خبر و آیه‌دن سنماسین ای کاش بو میز پایه‌دن ثروت و ساماندی ریاست میزی تخت سلیمان‌دی ریاست میزی        بس دی کریمی سوزی قاتما سوزه سورمه آتون داشلقا قیتر دوزه چکمه داخی ملتی چوخدا اوزه یازمالی عنوان‌دی ریاست میزی تخت سلیمان‌دی ریاست میزی شاعیر: کریمی مراغه‌ای
  مینی ژوب   نه گوزل خوش یاراشیرمش سنه ای جان مینی ژوب حسنوه ویردی ترقی یوزه دوخسان مینی ژوب ایوون آباد اولا عالمده مُد ایجاد ایلین صبریمی طاقتمی ایلدی تالان مینی ژوب نه دوتور قول قیچی نه یول یرینده یخوری ایوون آباد ایلدون ایشلری آسان مینی ژوب پسته‌نین اوستی آچیلدی کیلوسی برمی تومن ایلدی آغ کلمین قیمتین ارزان مینی ژوب گتور ای ساقی می نابله مست ایله منی نازا قویما دورایاقه سنه قربان مینی ژوب گجه گوردوم یوخودا امر معاشیم دوزه‌لوب آلمشام قوینوما بیر شوخ بالا جیران مینی ژوب اویانوب گوردوم اولوب خطه‌ی بغداد خراب دیدیم ای وای سنه لعنت گله شیطان مینی ژوب بیزیم آروادداباخور قزلارا کم کم اویانور گینوب تازه بو بیمان قزی بیمان مینی ژوب گر چی ایجاد ایلیوبدور بو مدی خارجه‌لی واقعاً جای تعجبدی مسلمان مینی ژوب آدی زهرا ننه‌سی فاطمه احمد آتاسی اهل قرآنیدی بودلار قالوب عریان مینی ژوب ننه‌سی بیر قیزا ایلوردی نصیحت کی قیزیم یوزی قویلی اگیلوب سِیچمه بادمجان مینی ژوب چوخ گوزتله بو لباسین بالا امنیتی یوخ سنی بیردن گوره‌سن ایتدی پشیمان مینی ژوب عمله گلسه متاعون داخی گلمز عمله ایدور اوضاعوی بالمره پریشان مینی ژوب خیلی مشگلدی اوزین ساخلیا ات گورسه پشیک دوزه بیلمز گوره پول‌سوز سوبای اوغلان مینی ژوب قویروغا مشتری یوخ قصابین احوالنه باخ اوزماندان کی اولوب بیله فراوان مینی ژوب نه قدر مد گوروسن خارجه سوغاتیدی لیک بولارین جمله‌سی تک بیریانا بیریان مینی ژوب اللرون وار اولا خیاطه خانم اُلمیه‌سن همی دالدان یاراشیر همده قباقدان مینی ژوب هوسون اولسا گیداخ انزلی‌یه رامسره لب دریاده ایدر گور نجه طوفان مینی ژوب کیم خدایا گوره‌سن آچدی بو خلقین یوزینی نه حیا قویدی نه ناموس نه وجدان مینی ژوب آدین اسلام قویان خارجه تقلید ایلمز پوزوب اسلامی نه دین قویدی نه ایمان مینی ژوب یل اسنده گیدیری فوری گوبکدن یوخاری گزلین اسراری ایدیر ملته اعلان مینی ژوب دین و ملت اشاقا گیتدی اتکلر یوخاری تا گوراخ هاردا ویرر سئرینه پایان مینی ژوب اقتصاد اهلیدی ایرانلار اسراف ایلمز همی کم خرجیدی هم مفته هم ارزان مینی ژوب حیف اولا بو قوجالار مدلاری رسوا ایلدی قورومش بود قره ایرگنملی باخ یان مینی ژوب بیزیم ایشکده بیر آز قوشقونا تغییر ویروب دالی یانمش بودا ایستور اولا حیوان مینی ژوب خردالوب خردالوب آخر تومان اولدی پاچا بند قسالوب قسالوب ایتدی دونی دوران مینی ژوب ای کریمی مدووی سنده دگیش اول ژیگولی شعر و شاعر مینی ژوب دفتر دیوان مینی ژوب شاعیر: کریمی مراغه‌ای   ایها الناس ویرون رای منه   ایها الناس ویرون همتلن رای منه منی وادارایلیون شرکت ایدوم انجمنه شاعرم شعریله هر مطلبی تحریر ایده‌رم قاری‌یم آیه‌نی اوز شائنیمه تفسیر ایده‌رم سیل یخان ایولری بیر هفته‌ده تعمیر ایده‌رم لادیمز حکمیمه مستاجر اولا یا سکنه ایها الناس ویرون رای منه قویمارام شهریده بیر ذره کثافت اثری گرک آسفالت اولونا شهریمیزین کوچه‌لری گوره‌سوز اوندا که آیا سوزیمون وار کسری من فقط ماهه باش اگسم اگرم انجمه‌نه ایها الناس ویرون رای منه قویمارام شهریمیزین بودجه‌سی گیتسون هدره قویمارام ظلم اولا بیر مو قدری بیر نفره ییرم شام نهارا یاغ دوگی صبحانه کره اوزه‌رم باشنی هر کیم سولسه هل پسنه ایها الناس ویرون رای منه ایشی ترتیبه سالوم شهره ویروم نظم و نظام مد امروزیله تعمیر اولا مسجدله حمام ناقصاتی ایلیوم بیر ایلین عرضینده تمام هامی بیر دفعه دیسون احسن او رای حسنه ایها الناس ویرون رای منه نیه گورکان آلا قبرین بیرینه اللی تومن نیه دینمور بو جماعت ایشه یوخ بیر یتیشن بله اولسا قوجا دنیانی دوتار اولماز الن اُلی گر اوز باشنا اولسا تریخلار کفنه ایها الناس ویرون رای منه نه روا شایع اولا شهریده مشروب و زنا دولدورا تکیه و مسجدلری تذویر و ریا قویمارام رایج اولا بیر بله تنزیل و ربا خلق ایچینده گنه مرسوم اولی قرض‌الحسنه ایها الناس ویرون رای منه چوره‌گی میوه‌نی بازاردا فراوان ایده‌رم هویجین آغ کلمین قیمتین ارزان ایده‌رم اتی قصاب باها ساتسا اونی تاوان ایده‌رم باسارام ایگنه‌یین‌لر قوسار آتدان تبنه ایها الناس ویرون رای منه شاعرم منده قویون صنف رجاله قوشولوم کارت و پارت و پلوویله پولوم اولسون خوش اولوم سوخولوم باند ریاستلره غمدن قوتولوم نولی بش گون قویاسوز سرور اولام مرد و زنه ایها الناس ویرون رای منه قویمارام کتلیه آشپز قوخوموش کفته ویره بیری اصنافی سویوب جنسین آلا سفته ویره اوغلانا شوخ مه‌مه قزلار اُپوشی مفته ویره بوسه‌نین هر جوتی قاخسون گرک آتمیش تومنه ایها الناس ویرون رای منه منی شهر اهلی تانور من بو ایشین ماهری‌یم رئسا تک تکی موسا اولا من سامری‌یم نابلد کی دگولم شهریویزین شاعری‌یم یوخ خیانت نظریم دولته دینه وطنه ایها الناس ویرون رای منه سویرم منده چاتام منصبه آدیم یکله یاغلی مجانی پلولارییه قارنیم دیکله ساری رنگیم دورولا بو تیشی قیشلارکوکله یاخشیلیق دوره سیدی سن منه یان منده سنه ایها الناس ویرون رای منه من اگر رای آپارام خوش سیزون احوالیزه مرحبا طالعوزه شانسوزا اقبالویزا جد و جهدیله یتورم سیزی آمالویزه دده سوز سیز منه عورتلریویز مثل ننه ایها الناس ویرون رای منه حاضرم هر ایشوز اولسا دیمیون دال چاتارام بله فکر ایلمیون سیزلری گوزدن آتارام یری گورمز گوزوم اوندا باشیمی دوز دوتارام دیمرم گیچدی سودان ایشکیم ایندی منه نه ایها الناس ویرون رای منه گله لازمدی حمامدا سو پولی بش قرانا تا گیده سطح نظافت یوخاری خلق اویانا شهر حسرت قالا قیللی ... کیرلی دابانا یاسمن گونده ورا شانه او زلف سمنه ایها الناس ویرون رای منه نولی بش گونده کریمی اولا بیر جمعه آقا داراشا بوغلی پشیک تک بالا قیماقه یاغا بولیسوز هر ایشیویزده دوشرم من قباقا ملکم ایندی من اوندا دونرم اهریمنه ایها الناس ویرون رای منه کریمی مراغه‌ای   زبان حال امام حسین به قمر بنی هاشم   ویر خبر قارداش دایانسون بو غریبون کاروانی اندیرون یکسر بو یرده عترت آل عبانی کربلا چوخ باصفا دور کربلا کوی وفا دور شیعه‌نین ورد زبانی کربلا دور کربلا دور گرچی قربانگاه اصلی روز ازلدن منا دور بو یرون وار اختصاصی منبع فیض خدا دور طور سینا دور بو صحرا یا دیار کربلا دور دولدوروب صوت اناالحق بو دیار غم فزانی وار خلیلون افتخاری بیر فدا کسدی مناده من گرگ یتمیش ایکی قربان ویرم بو نینواده بو هوای عشقیله باشیم گزر نوک جداده زینبیم اَرِنی دینده سسلرم من لَن ترانی بو همان یردور که جدّیم ایلیوب اوّلده اعلان سویولون باغلار یوزیمه ظلم الیله آل سفیان اصغریم قنداق ایچینده اوخلانار عطشان ویرر جان سرخ رنگ ایلر بوغازیندن آخان قان آسمانی زینبه بولدورمه قارداش یتمشوخ کرب و بلایه گر ایشیدسه نینوا آدین گلر نی تک نوایه چون بولور گوگلی بویرده توش اولار تیر بلایه قولّارین باغلار اراذل اوج ایدر عرشه فغانی سینمه دشمن بو چولده داغی داغ اوستن چکللر سن کیمی قارداش غمینده قدیمی قارداش بوکللر حقی اثبات ایتماق اوسته قانمی ناحق توکللر خانه ویران ایلر اعدا خاندان مصطفانی بو همان یردی کی دویماز زینبیم آه و نوادن باشیمی لب تشنه آخر ذبح ایدر قاتل قفادن سینم اوسته سینه داغلار ساچ یولار زینب وفادن سولدورار باد مخالف بو صفالی گلستانی مایلم قالسون قوم اوسته قانلی نعشیم با حقارت ایلسون باشیم جداده، آیه‌ی کهفی تلاوت تا جزاده شامل اولسون حالمه اذن شفاعت تا چکم اوتدان کناره آغلیانی آغلادانی کربلا چوخ باصفا دور کربلا کوی وفا دور شیعه‌نین ورد زبانی کربلا دور کربلا دور استاد کریمی مراغه‌ای   سینه‌زنی ورود به کربلا   اولماقا آماج بلا گلورم کربلا خاکون ایدم لعل و طلا گلورم کربلا کعبه نی حیرتده قویوب حسناتون سنون وادی سینادی مگر عرفاتون سنون زمزمی شرمنده ایدر بو فراتون سنون سنده ایدم سعی و صفا گلورم کربلا هاردا منانون بو قدر شرف و شأنی وار اصغر شش ماهه کیمی قوزی قربانی وار هانسی خلیلین دیه گوروم، بله امکانی وار تشنه ذبیحاً به قفا گلورم کربلا سنده سپهرین گونی تک باتارام کربلا اصغری آلّام سینمه باتارام کربلا اوز قانیمی توپراقووا قاتارام کربلا تا اولاسان خاک شفا گلورم کربلا سنده امانت گمیسین سالاجاقلار گِله باب الحوائج بالاسی دوشه جاق مشگله سنده عشایر ساتاجاق سویی بیر جوت اله ویرماقا عباسی فدا گلورم کربلا سنده دمادم آخاجاق یوزومه گوز یاشیم اوغلوم الیمدن گیده‌جاق اُله جاق قارداشیم عزتّلن الدن اله دوشه جاقدیر باشیم اولماقا تسلیم قضا گلورم کربلا سنده رقیّم سولاجاق اولاجاقدیر یتیم سنده قورام بزم عزا گلورم کربلا سنده آخار زینبیمون  یوزه اشگ تری غارته زهرا قزینون گیده‌جاق معجری سینوی آچ باغریوا باس یارالی پیکری ساخلا منی صبح و مسا گلورم کربلا استاد کریمی مراغه‌ای زندگی‌نامه استاد کریمی     میرزا حسین کریمی مراغه‌ای شاعر معاصر آذربایجانی است. او متولد ۱۳10 در «روشت» از روستاهای مراغه است. کریمی ادامه دهنده سبک سنتی و کلاسیک شعر بود و غالباً در اشعار طنز رسم و رسوم زمان خود را به باد انتقاد گرفته است. اکثر اشعار او هر چند به ترکی آذربایجانی سرود شده‌اند ولی به علت مقید بودن به سبک قدیم و اوزان شعری با تعبیرات و اصطلاحات عربی و فارسی بسیاری آمیختگی دارند. زندگی: استاد کریمی مراغه‌ای سال 1310 هجری شمسی در یک خانواده کاملاً متدین و معتقد به اصول و مذهب تشییع و خاندان عصمت و طهارت چشم به دنیای پر آشوب گشود. دوران کودکی را در جمع خانواده باصفا و صمیمیّت خود سپری ساخت. پدر او مرحوم ذاکر مراغه‌ای با تحصیلات قدیمه، شاعریست با احساس که در بازار مراغه به کار شمع‌ریزی و بقالی مشغول بوده، و با اندک سرمایه‌ای چرخ سنگین زندگی را به چرخش انداخته بود. گرچه از لحاظ مالی امکانات چندانی نداشت ولی دارای مناعت طبع بود که در قبال هر کس و نا کسی سرخم نکرده و با اتکاء به عنایت پروردگار از یک محبوبیت و احترام همگانی برخوردار بوده است. ایشان در دوران حیات خویش آثاری بس گرانبها به یادگار گذاشته است که مقادیر زیادی از آثار وی هنوز چاپ نشده است. او در زمان حیات خود تربیت فرزند ارشد خویش حسین کریمی را زیر نظر گرفته و برای تعلیم و تربیت فرزند همت گذاشت.  تحصیلات، دوران کودکی، نوجوانی و جوانی:  کریمی تحصیلات اولیه خود را با فراگیری درس‌هایی از قرآن مجید آغاز و سپس برای اخذ معلومات کلاسیک وارد مدرسه شد و اوایل سال ۱۳۲۰هجری شمسی دست در دست پدر فاضلش قدم به عرصه بازار نهاد.  متاسفانه عدم سرمایه کافی نه تنها مانع ادامه تحصیلات آقای کریمی گردید بلکه مانع شد که پدر برای یگانه فرزندش محل کسبی دست و پا کند روی این اصل آقای کریمی بالاجبار برای تامین معاش خود به دستفروشی در بازار مراغه پرداخت و شب‌ها با تنی خسته و رنجور پای درس پدر نشست و به منظور فراگیری زبان فارسی و قرآن مجید و معلومات عربی و کسب مسائل دینی از پدر کسب فیض کرد تا اینکه توانست با استعداد خدادادی خود خوشه چین بوستان پربار پدر گردد و آشنایی کامل با اصول دینی پیدا کند.  کریمی روزها درحالی‌که در کنار کارگاه کوچک شمع‌ریزی و بقالی پدر بی‌وقفه کار می‌کرد و ساعات بیکاری پشت پیشخوان دست فروشی قرار می‌گرفت و کوی و برزن شهر را برای فروش اجناس خود زیر پا می‌گذاشت بی‌توجه به مشقت‌‌های طاقت‌فرسای زندگی ترانه‌های امید را در زیر زبان زمزمه و کلماتی را بهم متصل می‌کرد. رفته رفته بازی با الفاظ او را متوجه این واقعیت ساخت که کلمات را به‌رشته کشیده و از جابجائی حروف، کلمات موزونی را به‌وجود آورد. گاه می‌ایستاد و آنچه را که زمزمه می‌کرد روی ورق پاره‌هایی می‌نوشت. ولی دل و جرات آن را نداشت که نوشته‌ها و گفته‌هایش را در محضر استاد خود ذاکر ارائه دهد، چرا که می‌دانست پدر از چهره‌های ادب و شمع محفل ادیبان شهر می‌باشد. تا اینکه روزی از روزها مرحوم ذاکر مراغه‌ای در کنار بساط دست‌فروشی پسرش حسین کریمی چشمش به پاره کاغذی افتاد که روی آن حروف و کلماتی به نظم کشیده شده بود، حدس می‌زد پسرش با یک تعلیم و تربیت جزئی روزی و روزگاری در سلک شاعران قرار گیرد، ولی واقعیت این است که مرحوم ذاکر هرگز در دوران ۱۵سالگی پسرش نمی‌توانست این پیش‌بینی را داشته باشد و شاید در آن زمان این تصور نمی‌رفت که روزی اشتهار و شهرت دست پرورده‌اش فراگیر خواهد بود و باز نمی‌توانست پیش‌بینی کند که شاگرد مکتب آموز پدر روزی و روزگاری در مقام استادی محافل ادبی قرار خواهد گرفت و شمع جمع ارباب فضل و دانش و شعر و شاعری خواهد بود.  به‌هر تقدیر پدر دست فرزند خود را گرفت و به‌سوی گلستان و بوستان همیشه پربار شیخ اجل سعدی شیراز برد و این بار باب شعر و شاعری را رو در روی فرزند قرار داد و به تدریس فنون فصاحت و بلاغت و قواعد پیچیده شاعری پرداخت. حسین کریمی مراغه‌ای با دلی پر شور و احساس رقیق و دلی پرکینه از بازی زمان با چشمانی کینه توزانه به آنان‌که در پایمال کردن حقوق انسان‌ها وحشیانه همّت گماشته‌اند، نگریست. تضادهای ناروای حاکم بر جامعه را مورد بررسی قرار داد و آنان را در قالب اشعار خود گنجانید. گرچه استاد ذاکر از پیشرفت شاگرد خود خوشحال بود ولی عقیده و ایمانی که به خاندان عصمت داشت افکار فرزند را به‌سوی قتلگاه سالار شهیدان و ظلم و جنایت یزیدیان سوق داد. ناگفته نماند که مرحوم ذاکر هر هفته عزای حسینی را برپا می‌داشت و به همت این مرد وارسته مراغه‌ای هیئت شعرا و نوحه‌خوانان مراغه بنیان گذاشته شد و در آن زمان که مراغه فاقد انجمن ادبی بود، شعرا و ادبا در زیر بیرق عزای حسینی جمع می‌شدند و سرودهای خود را به مشتاقان عرضه می‌کردند و مورد نقد و بررسی و اصلاح قرار می‌گرفتند، و حسین کریمی نیز در این مجالس همراه پدر شرکت می‌جست و از آن بهره می‌برد.  حسین کریمی دستی به سر و صورت مغازه شمع‌ریزی پدر کشیده و در جوار آن به آب نبات‌پزی و سوجوق فروشی پرداخت تا اینکه در سال ۱۳۵۴ پدر را از دست داد و باز دکان پدری را ترک نگفت و همچنان جانشین پدر در دکان و در هیئت شعرا و نوحه‌خوانان بوده و زمام امور را با لیاقت و با تجربیاتی که از پدر اندوخته بود به‌دست گرفت. استاد کریمی علاوه بر آثار گران‌بهایی که به‌نام رنگارنگ تدوین کرده‌اند دارای آثار ارزشمند و سوزناکی در مراثی خاندان آل عصمت و طهارت در ۱۸ جلد به شرح ذیل می‌باشد: ۱۴ معصوم انتقام کربلا دریای اشک گلشن عزا بزم غم آتشکده کریمی غوغای انقلاب احرام عشق جلالت‌ها کتاب غم گلستان کریمی بوستان کریمی از کعبه تا کربلا، که تا به‌حال تجدید چاپ شده و در دسترس مشتاقان قرار گرفته است. خانواده استاد کریمی: استاد کریمی از ازدواج با همسر خویش دارای ۵ پسر و جمعاً ۱۱ نوه می‌باشد که همه پروانگان شمع وجود و مریدان درگاه پدرند و هنوز هم که هنوز است تعالیم مرحوم ذاکر در جمع خانواده کریمی حکم‌فرماست. استاد کریمی در حال حاضر مغازه پدر را براساس علاقه‌ای که به کتاب و اشاعه فرهنگ دارد به کتاب‌فروشی تبدیل کرده و در قسمتی از کتاب‌فروشی در جایگاه پدر با همان کیفیت و صمیمیت ابوی مرحومش پا برجاست؛ و کرسی کوچکی در انتهای مغازه و در کنار آن سماور نفتی با چند استکان قرار دارد که این مغازه را به مرکز تجمع شعرای مراغه‌ای تبدیل کرده است. در این مغازه ادبای مراغه دورادور استاد جمع شده و به رهنمودها و سخنانش گوش فرا می‌دهند و می‌توان گفت کلاسی است برای نو آموزان مکتب شاعری. روزهای جمعه هیئت شعرا و نوحه‌خوانان تحت رهبری و ارشاد استاد کریمی هر هفته در منزل یکی از شرکت کنندگان برگزار می‌گردد و علاوه بر آن در ایام مبارک ماه رمضان همه شب بعد از افطار در زیر پرچم هیئت مشتاقان جمع می‌شوند و روزهای محرم‌الحرام از اول تا پایان محرم همه روزه مراسم عزاداری ترتیب داده می‌شود که سخنان حکیمانه استاد رونق بخش این مجالس می‌باشد. دوران میان‌سالی و پیری: استاد کریمی با کبر سن تنی سالم و روحیه‌ای قوی و عزمی استوار و اراده‌ای آهنین دارد اغلب در سیر و سیاحت است و عقیده بر این دارد که انسان به‌خصوص شاعر همیشه باید سیر و سیاحت داشته باشد.روی این اصل سالی چند بار با دوستان به شهرها مسافرت می‌کند و هر بار سفرنامه‌های منظومی ره آورد این مسافرت‌هاست که در حال حاضر سفرنامه‌های کریمی در حدود ۳۰۰ صفحه وزیری آماده چاپ می‌باشد که در هر یک از ابیات سفرنامه‌ها دریایی از پند و اندرز گنجانیده شده است. سفرنامه‌های استاد کریمی همه و همه به شهد پند و اندرز آلوده به طنز می‌باشد اما سفرنامه زیارت شام و به‌خصوص اخیراً به مکه مکرمه به شیوه‌ی مذهبی- عرفانی تنظیم و تدوین گردیده است که نه تنها از نظر قدرت بیان بلکه از لحاظ رعایت اصول و قواعد شعری در نوع خود بی‌نظیر بوده و توانسته است عظمت اسلام و کنفرانس اسلامی را در یک تابلوی بسیار گویا مجسم سازد. با این‌حال متاسفانه این سفرنامه‌ها مانند دیگر آثار استاد همچنان بدون چاپ باقی مانده است. وی ضمن سرودن مراثی و ذکر مصیبت‌های حضرت حسین(ع) با علاقه‌ای که به طنز داشته راه طنز را برای اشعار خود برگزید، چرا که به‌خوبی تشخیص داده بود که تنها از راه طنز و فکاهی می‌تواند دردها و آلام جامعه را به گوش مسئولین امر برساند و باز متوجه شده بود که تنها می‌تواند مردم به خواب رفته و بی‌خبر از مظالم ظلم را با شیپور طنز بیدار سازد. روی این اصل سروده‌های خود را در سال ۱۳۳۸ هجری شمسی در قالب یک جلد رنگارنگ به قطع جیبی در سیصد صفحه به چاپ رسانید. هنور چند صباحی از طبع کتاب نگذشته بود که چاپ اول نایاب گردید و اشعار آمیخته به چاشنی طنز کریمی دیوار خانه‌ها را شکست و دست به‌دست مردم مشتاق شهرهای آذربایجان گردید و اشعارش دهن به دهن در کوچه و بازار پخش شد.استقبال مردم موجبات تشویق و ترغیب میرزا حسین کریمی مراغه‌ای برای چاپ دوم رنگارنگ و سرودن جلد دوم آن را فراهم ساخت، در سال ۱۳۳۹ جلد دوم رنگارنگ به چاپ رسید و در نتیجه جلد سوم آن را سال ۱۳۴۲به اتمام رساند. تشویق و حمایت و علاقه‌مندی مردم موجب شد که استاد کریمی اشعار طنز و غزلیات خود را در ۱۵ جلد تدوین و به‌چاپ رساند که به شرح زیر می‌باشد: جلد اول رنگارنگ چاپ اول ۱۳۳۸، ۲۳ بار تجدید چاپ شده است. جلد دوم رنگارنگ چاپ اول ۱۳۳۹، ۱۰ بار تجدید چاپ شده است. جلد سوم رنگارنگ چاپ اول ۱۳۴۲، ۱۰ بار تجدید چاپ شده است. جلد چهارم رنگارنگ چاپ اول ۱۳۴۵، ۱۰ بار تجدید چاپ شده است. جلد پنجم رنگارنگ چاپ اول ۱۳۴۷، ۱۰ بار تجدید چاپ شده است. جلد ششم رنگارنگ چاپ اول ۱۳۵۳، ۱۰ بار تجدید چاپ شده است. برگرفته از سایت ویکی‌پدیا با اندکی تلخیص   منی یاد ائت   ساقلئقئمدا منی یاد ائت اخوی من اولندن سورا جئرما یَخَوی ساقلئقئمدا منی دیندیر دیلیلن گلمه ترحیمیمه تاج و گولیلن ساقلئقئمدا الیوی چک باشیما یاخما بورنون زئلئغن باش داشیما تا وارام اوزمه الیمدن، الیوی نه قرا گی؛ نه اوزاد سقلووی قوی یانیئم من سنه سنده منه یان سن منه جان ده؛ دیگیم من سنه جان سالالما قبریمه شالوار؛ باقووئ دایاما بوگرومه س...ک؛ داش...اقووئ دیلیم اولسیدئ بوزاردئم تاقووی الیم اولسیدئ کسردیم آقووئ ساقلئقئمدا قولووی بوگنوما سال گاهی گاهی بو سولان گونلومی آل هئش گلیب قبریمه یاد ایتمه منی باشیما چالما غلط فاتیحه‌نی قالاما شمعیله سونقار گو...مه اولموشم؛ یاخمامئشام بال گو...مه کاش گورکان قویا قبریمه دلیک منیله دفن اولا بیر جانلی چلیک او آداملار کی گلیر فاتیحیه  ساقلئقئمدا منه چیخمازدئ ییگه اوزادئدیم کفن آتدان چلیگی زور وئریدیم گنلردی دلیگی بابا ساقلئقئدا منیم گول اؤزؤمه مشتری اول سوزؤمه هم اوزؤمه منی تشویق ائله طلعت لریله گونلومی شاد ائله دعوت لرله نه یالاندان چپی، قه قه لریله مرسی، احسن، یاشا، به‌به لریله ائل گرک قیمت اشعاری بیله نیه ایراندا گورک شاعیر اوله صنعت شعری چکیلر فیسادا دوشدی بازاری فیصاحت کاسادا بیر غزل کی گلیر عشقیله باشا کیم آلئر غزلی بیرده باشا سعدی، حافیظ، بابا طاهر، خیام سحرین ائتدی ناهار، ناهارسئز اخشاما کیمدی گیگدی اگنینه قیمتدی قبا سالمادئ چیگنینه بیر تازه عبا شهریارین ادی دیللرده گزیر تازه حیدر بابا اللرده گزیر بیر کیچیک ائوده گونون وئردی باشا قالدئ بیر مانقالئ بیر حوقا ماشا ای خدا وئر بیزه عقل و شعور شاعری ائلمیک زینده به گور استاد کریمی   شیطان‌نامه   خیر اولا شیطانی گوردوم گئجه خلقدن ایلوردی شکایت منه گیچدوق اوتوردوق ایکیمیز کافه ده حالتینی ایتدی حکایت منه سویلدی شاعر سنه وار خواهیشیم چوخ عرفائیله اولوب گردیشیم عفو ایله بیر دفعه دوشوبدور ایشیم من یازیقام ایله حمایت منه آخ نیه خلق ایلوری لعنت منه آدمی خلق ایتدی خدای کریم ایلمدیم سجده من اولدوم رجیم سوز اوزانیب ایندی اولوب بیر سیجیم دائم ایدیر حمله بو ملت منه آخ نیه خلق ایلوری لعنت منه منکه بولاردان جانیم ال چکمیشم شیطنتین بوخچاسینی بوکموشم بیرجه کیمین بالدیزینی سیکمیشم بیر بله ایلول‌له اذیت منه آخ نیه خلق ایلوری لعنت منه رشوه‌نی مین مین قاهاروب خان یسین نفع ربانی حاجی ترخان یسین تهمتینی بس نیه شیطان یسین داغدان آغیر گلدی بو منت منه آخ نیه خلق ایلوری لعنت منه آدمه من ایلمدیم سجده گر واریدی صلبنده سنون تک بشر ایندی اولوبدور هامی بیر پارچا شر قالدی یالاندان بو اهانت منه آخ نیه خلق ایلوری لعنت منه اوستادی خلق ایندی تاپولماز ناشی چیخمیا تا مکر و حیل‌دن باشی هر کس اولوبدور اوزی شیطان باشی هیچ ایشه ورمول‌له دخالت منه آخ نیه خلق ایلوری لعنت منه تابع نفس اول می‌سوز ای فکری خام مین جور اویوندان چیخی‌سوز صبح و شام مفته منی متهم ایلور عوام قویمامی‌سوز ذره جه فرصت منه آخ نیه خلق ایلوری لعنت منه کبلایی آرتوق آلیر اسگیک ساتور گونده ساری یاغه نباتی قاتور پیس پیس اوتانمور ایله قالخور یاتور لعن ایدیر از روی حماقت منه آخ نیه خلق ایلوری لعنت منه پیس بولوسوز گر منی ای زنجلب آخ نه دوشوب‌سوز دالیما داوطلب سیز کی تانیر سیز منی یاللعجب بس نیه ایلورسوز اطاعت منه آخ نیه خلق ایلوری لعنت منه من بابا پیغمبریدیم بیر زمان طاعت ایدردی منه جان ابن جان رتبه می آرتیردی خدای جهان ویردی اوز عرشینده سکونت منه آخ نیه خلق ایلوری لعنت منه گوی ده نه اجالیله اهل سما صف چکوب ایلردی منه اقتدا آخری بیر کلمه‌نین اوسته خدا ایلدی تنبیه و سیاست منه آخ نیه خلق ایلوری لعنت منه ایتدی تکبر منی خار و ذلیل چیخدی الیمدن او گوزل سلسبیل طولی چکوب سجده‌مین اوغلوم مین ایل حق اوزی ورمیشدی فضیلت منه آخ نیه خلق ایلوری لعنت منه سیز ایله بد ذات‌سوز ای بدخصال آدمی خلق ایتدی حق ذوالجلال اولدی وجودی منه وزر و وبال اولدی اونون خلقتی نقمت منه آخ نیه خلق ایلوری لعنت منه سجده‌نی من ایلمدیم آدمه سیز ایدی‌سوز سجده بنی آدمه آدیوز اسلامدی با این همه سیز نه بشرسوز گنه رحمت منه آخ نیه خلق ایلوری لعنت منه سیز ده هله یوخدی او شان و مقام خلقه انا الله دیورسوز ای عوام تخت ریاستدن اوتور صبح و شام اللشوب ایلیرسوز عداوت منه آخ نیه خلق ایلوری لعنت منه لاپ گده بیر یول یمی‌سوز غیرتی عصمتی حیثیتی شخصیتی بیر بیره قاتدوز کیشینی عورتی دگسین اوغول سیزدکی غیرت منه آخ نیه خلق ایلوری لعنت منه هاردا دیدیم من بو خانیم قیزلارا خوش بزنه وسمه چکه فر قویا مرثیه لرده گتوره مین ادا بوشلادا بسدور بو لجاجت منه آخ نیه خلق ایلوری لعنت منه آخ نه دوشوبسوز دالیما عمر و زید ایستمیرم من بابا سیز تک مرید آی گده لاپ سیز منی ایتدوز یزید سیزدن اوغول چیخمادی امت منه آخ نیه خلق ایلوری لعنت منه جامعه ده بللی دیور مسلک‌وز مذهب اسلامده یوخ مدرک‌وز یوز منی وطی ایلی‌سوز هر تک تک‌وز ایتمی‌سوز هر حیلده سبقت منه آخ نیه خلق ایلوری لعنت منه نفسیوه تنبیه ایله اوغلوم بالا من دیورم بانقانی آل قات بالا دوش قاباغا هر نه گلور قارمالا باس اوروجی ایله شماتت منه آخ نیه خلق ایلوری لعنت منه من هاچان ایتدیم بو قدر انقلاب هاردا قمار اوینادیم ایچدیم شراب مفتضح ایتدوز منی ای بی‌حجاب وردوز عجب بوللی خصارت منه آخ نیه خلق ایلوری لعنت منه گه منه ملعون دیوسوز گه شرور عکسیمی گه شل چکی‌سوز گاهی کور گاهی گورورسوز یوخودا مثل حور هیچ یاراشور گور بو شباهت منه آخ نیه خلق ایلوری لعنت منه تاپ او کریمی‌نی سحر ای پسر سویله بوگفتاری اونا سر بسر منع ایله‌سین خلقی او نیکو سیر ایلمسون لعن جماعت منه آخ نیه خلق ایلوری لعنت منه بعضی صفت‌لر گورورم آشکار هیچ بیری منده یوخیدی سیزده وار قانمامی‌سوز غیرت و ناموس و عار پیس پیس ایدیرسوز هله لعنت منه آخ نیه خلق ایلوری لعنت منه کریمی مراغه‌ای   قارقا بولبولون موکالیمسی   گؤردو بیر بولبولو قفسده اسیر قارقا بیر گون ائدیردی گلشنی سئیر بلکه آزاده پر چالوب دولانا اؤزونو هی وورور اویان بویانا ائشیگین عطرینی قفسدن آلیر بوشلییوب ایستراحتی چابالیر گلیر شوره، دل یاراسیندان باخیر سیملرین آراسیندان ای اولان شاه عشقه بنده عشق قارقا عرض ائتدی ای پرنده عشق سنی ارباب ائدوبدو زندانی ندی تقصیرون ای وفا کانی سنه جانا، روا دگول زیندان بو نظافت بو سس بو نوطقو بیان اَوولی‌ندن بئله اولوب مرسوم دیدی بولبول که ای پرنده شوم اولا آزاد کرکس و لشخوار قالا زینداندا عندلیب و هَزار قارقاروندان جهانیان منفور سن کی سرقتده اولموسان مشهور صابینی تاخجادان آلازلورسان چؤرگی دسمالیلا جازلورسان گردکان گورجگین قاپوپ اوچوسان پنیری سفره‌دن ووروب قاچیسان داراشیرسان، کی سنده یوخ امساک شانسووا چیخسا پاک یا ناپاک مسلکون مذهبون دگول معلوم طینت‌ون پست و نییت‌ون می شوم قفس غمده ساخلیوب دی منی سنی آزاد ائدوب بو چرخ دنی لیک اؤز باشیما بلادی دیلیم دوتولان دیللره صفادی دیلیم بودی جورموم کی خوش سخنرانم گئجه گوندوز اسیر زندانم قلم آتشینی قدرتی وار هرکسین نوطقو وار فصاحتی وار چئخا زنداندا عاقیبت جانی گرک اولسون همیشه زیندانی مجلسی لنگه وورما ایله تمام ای کریمی ندور بو طول کلام کریمی مراغه‌ای   زشت و زیبا   وئرمیشم طاقت و آرامیمی ای یار سنه عاشیقم، عاشیقم ای دیلبر عیار سنه سووه‌رم بزم اولا خلوت قویاسان من ائلیم دردیمی، محنتیمی، غصه‌می اظهار سنه گزه‌رم کوچه و دربندی دالونجا سوخارام پیچاغی قارنینا هر کس ائده آزار سنه ایستی وقتینده سویونسان سالارام تئز ایچینه کاسه‌نین بوز وئره‌رم شربت گلنار سنه گل اوتور قوزا قیچون گیدیریم ای یار عزیز هر نه سویسن جوراب و چکمه و شلوار سنه نیه اُوجُوندا سیخورسان، ازیسن، سیندیریسان نیلیوب آخ بو یازیخ قلب وفادار سنه سن یخیل بالش ناز اوسته اُوزان منده چالیم ضرب و قارمان و کمانچه، ویالون، تار سنه اَیمه، شاخ ساخلا یانوندا، باخوب، اوپ قوی گوزوه بو گوزل عکسی کی مندن قالور آثار سنه دوگمه سین آچ آرالا، ساخلا قویوم اورتاسینا آلمیشام ساک دولوسی، حیوا، لیمو، نار سنه عیبی یوخ اینجیمه، ویش ویش دئمه، قوی تئز چیخاردیم سیخسا باشماخ ایاقون، اولسا اگر دار سنه دئوز بیر آز بندین آچیم تا وئریم الان اَلیوه چتریوی وئرمیه زحمت، بو یاغیش قار سنه گله‌سن باغدا وئررم بیر الیوه اویناداسان قرمزی آلما، شمامه، گل بی‌خار سنه ال ایاخ چالما، چالیشما، نئجه توتسان کئچه جک دئمه خاطیر قویاجاخ چرخ جفاکار سنه احتراماً دایارام آغزوا تا سن سوراسان سولی قلیانی، کریمی دئیر اشعار سنه کریمی مراغه‌ای   حضرت‌رقیّه قتلگاهدا آتاسێنان ویداع ائده‌ره‌ک سؤیلر   سنیـن یانـۇنـدا گـؤر بابا، وۇرانـدا کـوفییان منـی گئدینجه شامه اؤلدۆره‌ر، یقین بۇ ساریبان منـی   هانی ازه‌لکی عیزّه‌تیم، نه گلدی آل-ی-هاشیمه؟ قالێب هایاندا اکبریم؟ وۇرۇللا قمچی باشیمه عمیم هانی؟ گلیب باخا گؤزیمده قانلێ یاشیمه گؤره سالێب نه حالته؟ بۇ گرده‌ن-ی-زمان منی   مگه‌ر یتیمه قێزلارێ سالار بۇ حاله روزگار نه وار باشێمدا معجریم، نه یۆزده بُرقَع-وْ-خمار جفای-ی-تازییانه دن وجودیم اوْلدۇ زخمدار ندیر گۆناهیم ائی بابا؟ وۇرۇر بۇ شامییان منی   ائدیبله غم خزینه‌سی، بۇ قلب-ی-پاره پاره‌می یاناندا خئیمه‌گاهیمیز، آلێبلا گوشواره‌می یوْخۇمدۇ بیر کسیم بابا، کسیبله راه-ی-چاره‌می سالێبلا آت قاباغێنا، ائدیبله باغرێ قان منی   یتیمه بیر قێزام بابا، اسیر-وْ-خواره‌م آغلارام گئدیبدی صبر-وْ-طاقه‌تیم، علیل-وْ-زاره‌م آغلارام گله‌ن وۇرار، گئده‌ن وۇرار، یوْخۇمدۇ چاره‌م آغلارام غریق-ی-سئیل-ی-اشک ائده‌ر، بۇ چشم-ی-خونفیشان منی   وۇرۇبدێ سیلی شئمر-ی-دون، بنؤوشه تک یانێب اۆزۆم اوْدۇر کی متّصل تؤکۆر، عذاره قانلێ گؤزیاشێم قوْلۇمۇ باغلایێب عدو، دؤنۆبدۆ شامه گۆندۆزۆم کسیر قوْلۇمۇ اینجیدیر، بۇ بند-ی-ریسمان منی   نقدری صبر ائدیم مگه‌ر، دیل آچمایێم شیکایه‌ته هله جفاسی دۆشمه‌نین، یئتیشمه‌ییب نهایه‌ته عیالیوی اسیر ائدیب، چکیلله هر ویلایه‌ته خرابه‌لرده اؤلدۆرۆر، بۇ مئحنه‌ت-ی-گیران منی   علاج یوْخدۇ دینمیره‌م، وۇراندا شئمر عیتابیله باشۇن دالێنجا شامه دک، گره‌ک گله‌م شیتابیله وئره‌م خرابه‌لرده جان، بۇ سوز-وْ-ائلتیهابیله غم-ی-فیراقون ائیله‌ییب، علیل-وْ-ناتوان منی   دوْیۇنجا آغلێیانمادێم، اۆره‌کده قالدێ حسره‌تیم دییار-ی-شامه عازیمه‌م، چتیندی بیر رجعتیم بۇیۇر دارێخماسێن بی‌بیم، یئتیشسه هر اذیتیم قاباغا وئرسین اللــه‌رین، وۇراندا ساریبان منی   بۇ اهل-ی-کینه آنلایێب کی من چوْخ ایستیره‌م سنی اوْدۇر سبب کی چکدیله‌ر، بۇ قتلگاهیده‌ن منی موزاحیم اوْلمایێم داخێ، مرخّص ائت رقیّه‌نی اگرچی سن‌سیز اؤلدۆرۆر، بۇ ناله-وْ-فغان منی   گله‌نده؛ قارداشێم منی سوار ائدیردی محمیله محبّت‌ ایله ائندیریب یئته‌نده هر منازیله اوْدۇر کی آختارێر گؤزۆم، کی بلکه اکبریم گله سوار ائده کجاوییه اوْ یار-ی-مئریبان منی   کریمی‌نین رقیّه‌ده‌ن حیمایه‌ت آرزوسی وار همین بۇ شئعره جاییزه شفاعه‌ت آرزوسی وار هوای-ی-شامی چوْخ سئویر، زییاره‌ت آرزوسی وار دئییر یئتیر اوْ قبره ائی، خودای-ی-لامکان منی     قوْشار: کریمی   کربلا زهراسی زینب   بۇ دیار-ی-غم‌فزادور، نئینوا صحراسی زینب حاضر اوْل هر ابتلایه، کربلاء زهراسی رینب   اگنیوه گئی غم لیباسین، باشه سال اکبر قاراسێن دۇت ابوالفضلین عزاسین، کربلا زهراسی زینب   باغلانان «قالو بلی» ده، عهدیمین پابستی‌یم من کاروان-ی-عئشق-ی-حقّه، رهبر-وْ-سردسته‌یم من «البلاء للولائی» جامینین سرمستی‌یم من دین-ی-ایسلامین حسین دیر، باش وئره‌ن یحییٰ‌سی زینب   سن منیم ایسته‌کلی باجێم، راز-ی-عئشقه مَحره‌میم‌سن هر اموراتیمده زینب سن شریک-ی-اعظم‌یم سن قتلگاه ایچره دۆشه‌نده، قان ایچینده همدمیم سن فخر ائله سن‌سن حسین‌ین سیرّ-ی-عاشوراسی زینب   بۇ مینای-ی-کربلایه یاخشێ قۇربانلار گتیردیم باغ-ی-دینه سۇ یئرینه، وئرمه‌گه قانلار گتیردیم عالم-ی-ایسلامه قوربان، وئرمه‌لی جانلار گتیردیم نهر-ی-علقمده یێخالار، قوْچ کیمی عبّاسی زینب   قتلگاه ایچره دۆشه‌نده، قانیمه غلطان یارالێ یۆز یارلێ، گؤز یارالێ، باش یارالێ، جان یارالێ من وئریم جان، سن ده سسله، جان یارالێ، جان یارالێ ذات-ی-حقّ اوْلسۇن، بۇ عئشقین آفرین گویاسی زینب   گئچمه‌سه‌ باشێم جیدایه، پرچم ایسلام اۇجالماز سن خیال ائتمه کی آخر، «مُنتقم» بۇ قانێ آلماز صاحب-ی-قان، ذات حقّ‌دیر، ائیله‌مه غم یئرده قالماز قائم-ی-آل-ی-محمّد دَندی، قان دعواسی زینب     قوْشار: کریمی مراغه‌ای   تشت قوْیما نوحه‌سی 2   باخ تشته شیعه، گل داده آغلا عطشان حسینی سال یاده آغلا   یاندێ بۇ آیدا دللَر سۇسۇزدان سوْلدۇ سارالدێ گۆللَر سۇسۇزدان جان وئردی آخر اصغر سۇسۇزدان چون اوْلمادێ سۇ سقّاده آغلا عطشان حسینی سال یاده آغلا   نازلێ سکینه الده سۇ جامێ عبّاسه گلدی، وئردی سلامی چون شه قێزێدێ وار ایحتیرامی یانێر سۇسۇزدان، شهزاده آغلا عطشان حسینی سال یاده آغلا   عبّاس اوْ طئفلین بیلدی خیالین گؤردۆ عطشده‌ن سوْلمۇش جمالین سیلدی گؤزینده‌ن اشک-ی-ملالین آغلار اوْ حاله سقّاده آغلار عطشان حسینی سال یاده آغلا   گئچدی قۇلۇندان اعداء یانێندا باشێن اۇجاتدێ زهراء یانێندا جان وئردی عطشان دریا یانێندا غرق اوْلدۇ قانلێ دریاده آغلا عطشان حسینی سال یاده آغلا   اکبر سۇسۇزدان اؤز قانێن ایچدی اصغر بوْغازێن اوْخ تئشنه بیچدی حدّینده‌ن امّا چوْخ ظۆلم گئچدی قان جوشه گلدی صحراده آغلا عطشان حسینی سال یاده آغلا   معناده تشتین شُغلی فغاندی سۇ تشت ایچینده بیر لخته قاندێ آل-ی-عبانین گۆلزاری یاندێ گلدی حَرملَر فریاده آغلا عطشان حسینی سال یاده آغلا   ای سۇ دؤنئیدۇن قانه حیاده‌ن قاتل حسین‌ین باشێن جفاده‌ن جان اۆسته کسدی عطشان قفاده‌ن آغلا بۇ ظۆلم-وْ-بیداده آغلا عطشان حسینی سال یاده آغلا      قوْشار: کریمی مراغه‌ای   تشت گذاری نوحه‌سی 1   گلدی محرّم، قدسیان آغلار حسینه سۇ تَشتینده ائیله‌ر فغان آغلار حسینه بۇ حسرته صاحیب زامان آغلار حسینه   باخ تشته سال یاده، سۇسۇز سقّانی شیعه یاد ائیله حال-ی-اصغر-ی-عطشانی شیعه سوْلدۇردۇ دۆشمن، نوگل-ی-لئیلانی شیعه قان آغلا! پئیغمبرده قان آغلار حسینه بۇ حسرته صاحیب زامان آغلار حسینه   ای سۇ نده‌ن شرم ائتمه‌دۇن آل-ی-عباده‌ن آخدۇن حسین‌ین قێزلارێ یاندێ جفاده‌ن قاتل، حسین باشێن سۇسۇز کسدی قفاده‌ن فکر ائتمه‌دۇن پیر-وْ-جاوان، آغلار حسینه بۇ حسرته صاحیب زامان آغلار حسینه   ای سۇ دؤنئیدۇن قانه سن کرب-وْ-بلاده اصغر چالاندا ال-آیاق، ایستی هواده اوْلدۇن گوارا لئشگه‌ر-ی-ابن-ی-زیاده ائتدۇن ربابی باغرێقان آغلار حسینه بۇ حسرته صاحیب زامان آغلار حسینه   باخدێ سنه قان آغلادێ عطشان رقیّه یاندێ سکینه ائیله‌دی افغان رقیّه عبّاسین ائتدی گؤزیاشێن آلقان رقیّه سقّا ائده‌ر اشگین روان آغلار حسینه بۇ حسرته صاحیب زامان آغلار حسینه   اشگیله دوْلدۇرسۇن گره‌ک شیعه بۇ تشتی دونیانێ آغلاتدێ حسین‌ین سرگذشتی دۇتمۇشدۇ شور-ی-العطش یکسر اوْ دشتی سۇ تشتیده ائیله‌ر فغان آغلار حسینه بۇ حسرته صاحیب زامان آغلار حسینه   تشتی گؤره‌نده، محنتیم اوْلدۇ زیاده بیر آیرێ تشتی چۆن سالێر بۇ تشت یاده گؤرره‌م حسین‌ین باشێنێ تشت-ی-طلاده عطشان دوْداقدا خئیزران آغلار حسینه بۇ حسرته صاحیب زامان آغلار حسینه   ای تشت اوْلۇرسان گه سر-ی-یحیی‌یه بستَر گاهی اوْلۇرسان مجتبیٰ قانیله احمر معصومه‌نی گاهی قوْیۇرسان بی‌برادر «زینب»له باهم هر زامان آغلار حسینه بۇ حسرته صاحیب زامان آغلار حسینه   قوْشار: کریمی مراغه‌ای   گینه ماه-ی-ماتم اوْلدۇ   گینه عالمی غم آلدێ، گینه ماه-ی-ماتم اوْلدۇ کی بۇ آیدا قدّ-ی-زینب، غم-وْ-غۆصصه‌ دن خم اوْلدۇ   علم-ی-عزا وۇرۇلدۇ، گینه فرشه طاق-ی-عرشه چکیلیبدی قاره گویا، باشاباش رواق-ی-عرشه گینه یا حسین شوعاری، یازێلێبدێ صاق-ی-عرشه شه-ی-دینه بزم-ی-ماتم، گینه عرش-ی-اعظم اوْلدۇ   بۇ آیێن مصیبت‌ینده‌ن، گۆن عزا دۇتۇب، آی آغلار فلک-وْ-مَلک دییه‌رلر، هامێ وای حسین وای آغلار دئییب اصغره آناسێ، گؤزۆ یاشلێ لای-لای آغلار اوْنۇن اوْخلانان بوْغازێ، هامێ شیعه‌یه غم اوْلدۇ   گینه نُه رواق اوْلۇبدۇ، مَلکوته بیت الحَزَن گینه تئکیه‌لر آچێلدێ، دؤشه‌نیب بساط-ی-شیون گینه شمع-ی-بزم-ی-ماتم، ائدیب آسمانی روشن هامێ تئکیه‌لرده برپا، گینه قاره پرچم اوْلدۇ   عَر‌صات-ی-محشر اوْلدۇ، بۇ آیێن اوْنۇندا برپا بالالار قالێب آناسێز، آنالار قالێبلا ثکلا هامێ گؤزده اشک-ی-حسرت، هامێ دیلده واحسینا آخان اشگ‌لر جماله، گۆلۆن اۆسته شبنم اوْلدۇ   بۇ آیێن اوْنۇندا توفان، قوْپۇب عرصه‌ی-ی-بلاده یێخێب اشقیاء حسینی، یۆزۆ اۆسته کربلاده آناسێ آچێبدێ باشێن، باباسێ گلیبدی داده دئدیله‌ر حسین بۇ عالم، بیزه اؤزگه عالم اوْلدۇ   بۇ آیێن اوْنۇندا قاچدێ، چؤله قوْرخۇدان اۇشاقلار دۆشۆب اسمه‌گه بدن‌لر، بؤلۆنۆبدۆ گۆل دوْداقلار نئچه گوشواره اۆسته، بوْیانێب قانا قۇلاقلار هامێ قلب قانه دؤندۆ، هامێ دیده پُر نم اوْلدۇ   بۇ آیێن اوْنۇندا بیر اوْخ، دگیب اصغره فلکده‌ن آیێرێب اوْ طفلی سۆتده‌ن، آچێب اَللَرین بله‌کده‌ن آناسێ دئدی دۆشئیدی، الۇن «حرمله» بیله‌کده‌ن نه بالاما سۇ تاپێلدێ، نه یارایا مرهم اوْلدۇ   دئدیم آغلاما عزیزیم، سۇ خیالین آت آماندێ سۇ کی اوْلمادێ ایچئیدۇن، بوْغازۇندا پارچالاندێ یۆزۆن اللرۇن لیباسۇن، بله‌گۇن قانا بوْیاندێ آناوۇن اوْغۇل اؤلۆنجه، هر آیێ محرّم اوْلدۇ   آقا یا حسین قاپۇندا، دئمیره‌م، «زهیر»‌م، «حرّ»‌م هله ذرّه قطره‌یم من، سنه وصلیم اوْلسا کرّم یۆزۆ قاره بیر ایته‌م من، یاتارام قاپۇندا هۆرره‌م بۇ شرفلی آستانه، دۆشه‌ن ایت مکرّم اوْلدۇ   قوْشار: کریمی مراغه‌ای
موضوعات مرتبط: کریم مراغه ای

تاريخ : چهارشنبه دوم اسفند 1391 | 4:29 | نویسنده : موسی |

دیدیم: ای غنچه دهن، کونلومی قان ائیله‌میسن!

دیدی: «بی‌جا یئره عشقمده فغان ائیله‌میسن»!

دیدیم: انصاف ائیله اینجیتمه منی عاشقینم...

دیدی: «گئت!،سرّیمی دنیایه عیان ائیله‌میسن»

دیدیم: آغلاتما منی سرو بویون شوقینده!

دیدی: «گوز یاشینی بیهوده روان ائیله‌میسن»

دیدیم: آخر گوزلیم، باغ و بهاریم سنسن

دیدی: «سن عمرینی حسرتله خزان ائیله‌میسن»

دیدیم: آز چکمه‌میشم گوزلرینین حسرتینی

دیدی: «اؤز کونلونی یئر سیز نگران ائیله‌میسن»

دیدیم: عشقینده اسیرم، منه بس خیری نه‌دیر؟

دیدی: «اولده بو سوداده زیان ائیله‌میسن»

دیدیم: عشق آتشی نیلر منه؟ قورخان ده‌گیلم

دیدی: «بیچاره یانارسان! نه گومان ائیله میسن»؟

دیدیم: ای گل! من ازلدن‌ده گوزه‌ل عاشقیم

دیدی: «سن روحینی عشق‌ائیله جوان ائیله‌میسن»

دیدیم: هر گون سر کوی‌ینده دولانماقدر ایشیم

دیدی: «واحد، نه گوزه‌ل یئرده مکان ائیله‌میسن»

علی آقا واحد




 

بولبولون ناله‌ی جـانسوزینه باعث گـول ایمیـش

گوله هم عاشیقِ سـرگشتـه اولان بـولبـول ایمیـش

من دئیردیم کی، او مه مهر و وفـا صـاحیبی‌دیـر

دئمه بس، مهر و وفـادن او اوزی غافیل ایمیـش

داشا تـأثیـر ائلـه‌دی آهیــم اودیـله یـاندی

بیر اثر ائتمه‌دی اول شوخه، نـه آهـن‌دل ایمیـش

پیرِ میخانه سـوزون شیـخ قبول ائیلـه‌دی دون

آدم اولادی‌دیر، حقّا کی، هلـه قـابـل ایمیـش

یوخدور عاشیق، دئدی اول مه، منه سندن غیری

گیزلی منـدن، دئمـه، بیگانه‌لـره مایل ایمیـش!

عشقه دل ویرمز ایدیم، بارِ غمیـن بیلسـه‌ایـدیـم

نه بیلیم، عشقدن عشّاقـه بـلا حـاصیـل ایمیـش؟

واحـدا، مشکـل ایشـه خلقـده صبـر اوسـا اگر

اولو تدریج ایله آسان، هـر ایـش مشکل ایمیـش

علی آقا واحد




 

عشقین تمام نشئه‌سی دیوانه لیکده‌دیر

میخانه‌نین ملاحتی مستانه لیکده‌دیر

جاهل‌لر ایله عارفین اولماز علاقه‌سی

حال اهلینین تکاملی فرزانه لیکده‌دیر

لعلین خیالی کونلومه دولسا، عجب ده‌گیل

گیزلین خزینه‌نین چوخی ویرانه لیکده‌دیر

یئتمز وفاسی آخره نامرد اولان‌لارین

شخصین بوتون دیانتی مردانه لیکده‌دیر

واحد! اگر چی صنعته قیمت وئریرسه خلق

شعرین ده قدر و قیمتی دردانه لیکده‌دیر

واحد




 

کونول غم چکمه یار آچمیش جمالیندن نقاب ایندی

خجالت‌دن اوزون تورپاغه سورتور آفتاب ایندی

او سرو نازنینین قامتی سانکی قیامت دیر

کی سالمیش خاطیر احبابه شوق انقلاب ایندی

طواف کوی جانان قصدین ائتمیش عشق چاووشی

بو یوزدن آذری اوغلو اولوبدور فیض‌یاب ایندی

همیشه اهل عشقی بی‌ریالیق نیک‌نام ائیلر

نولا، عالم قیلور اهل ریادن اجتناب ایندی

اومید وصلینه بیر نازنینه اعتماد ائتدیم

بو شیدا کونلومه هجرینده ائیلر مین عذاب ایندی

دم اورمش یوسف شادی زلیخای محبتدن

اولور معشوقه سیندن خسته عاشیق کامیاب ایندی

اول آهو گوزلونین گویا کی گورموش زلف پرچینین

قاچوب دشت خطاده گیزله‌نوبدیر مشکناب ایندی

مریده بنده‌ی پیر مغانم، عشق فیضیندن

نه ایسترسه‌م، اولور میخانه‌لرده مستجاب ایندی

من اول ساغرپرست و رند و عیاش کهن سالم

منه حرمت قیلوب تعظیم ائدر جام شراب ایندی

سیزینله بیز گوروش‌مگ آرزوسین چوخدان ائتمیش‌دیک

داریخما، فطرته یازسن‌ده، واحد، بیر جواب ایندی

علی آقا واحد




 

بیر نفر اهل وفا مین بی‌وفادن یاخشیدیر

بیر صداقت اهلی مین اهل ریادن یاخشیدیر

هانسی گول دیر حسنده سندن گوزه‌ل دیر، سئوگیلیم

هانسی بولبول عشقده من بینوادن یاخشیدیر

قاشلارین چرخین هلالیندن، اوزین خورشیددن

صورتین آیینه‌ی گیتی نمادن یاخشیدیر

بیر داها خالین گوزه‌ل‌لیک آرتیریر رخسارینه

بیر غلط سوزدیر دیمشلر، آغ قارادان یاخشیدیر

گوزلرین صحرای چین آهولریندن دل فریب

عنبرین گیسولرین مشک خطادن یاخشیدیر

صحتی بیمار، عشقین کعبه‌ی کوینده‌دیر

اهل درده خاک راهین توتیادن یاخشیدیر

مین بلا طوفانی، قوپسا، ذره گلمه‌ز عینیمه

رخنه گورمز هر بنا کیم ابتدادن یاخشیدیر

جاهله تبلیغ عرفان ایله‌ملک آسان ده‌گیل

دیده‌ی خفاش ایچون ظلمت ضیادن یاخشیدیر

واحد،انصافاً دیسین تبریزده دوستوم اعتماد

گنجلرده هانسی شاعر «بی‌ریادن» یاخشیدیر

علی آقا واحد




 

دیل بیلن سوز آنلایان بیر نازلی یار ایستر کونول

لاله‌دن، گول‌دن گوزه‌ل بیر نوبهار ایستر کونول

اعتبارین گورمه‌ینجه سئومه‌رم بیر دیلبری

نازنین مهپاره‌لردن اعتبار ایستر کونول

هر قارا زولفون اسیری اولمارام بوندان سورا

ایندی عالم اوزگه‌دیر، خوش روزگار ایستر کونول

اوینایوب، گولمه‌ک، دانیشماق، عیش و نوش ایامیدیر

بولبول شیدا کیمی مین لاله‌زار ایستر کونول

هر طرف گول‌دیر، چیچک‌دیر بئیله آزاد ئولکه‌میز

دائم اوز خوشبخت خلقین بختیار ایستیر کونول

بیز سووه‌ت خلقین حقیقتله سئوون عاشق‌لریک

خائنی، ادنانی یوردومدان کنار ایستر کونول!

بختور، واحد، او کس‌لر دیر بو خوش عالمده‌دیر

هر زمان بو شن حیاتی پایدار ایستر کونول!

علی آقا واحد




 

شراب اولا، من اولام، بیرده نازلی دلبر اولا

بیر ئوزگه عالمی واردر، اگر میسر اولا

صفای مجلس می مین، بهشتدن آرتقدر

بیر الده گل توتا جانان، بیر الده ساغر اولا

اولاندا مست، آچا زلفین نگار، نشئه سی وار

عمومه ذوق ویره بزم می معطر اولا

بساط باده ده حال اهلینین فداسی، اولوم

شرابی قال ایله ایچمه، اگر پیمبر اولا

اسیر زلفنم، ای شوخ، گل آجیقلانما

اسیره حرمت ایدرلر، اگرچی کافر اولا

نه لیلی سن کیمی اولمش، نه من کیمی مجنون

نه کاره در گلوپ اونلار بیزه برابر اولا

گوره‌نده، واحد، اوزون یاریمین اسیر کونلوم

نه نوع ساکت اولار؛ اود اولا، سمندر اولا

علی آقا واحد




 

گول منی سن ایسته سن عومروم هدر اولماز

صلح اولماسا، اولاد وطن بخته ور اولماز

آزاده لیقی، صولحی سئویلر بیزیم ائللر

بیر یئرده کی، صولح اولسا، او یئرده ضرر اولماز

اودلار وطنین نازلی گوزه للر بورویوبدور

ائللرده مثل وارکی، گوزل سیز شهر اولماز

آهیم اودو بلکه ائله سین قلبینه تاثیر

نیسان سویونو ایچمه یه داشدان گهر اولماز

هیجران گئجه سی، من چکنی چکمه سین اغیار

ظننیم جه قیامت گونو بوندان بتر اولماز

زولفون اوزونو توتسادا، گویچک لیگین آرتیر

ظلمت گئجه لر اولماسا آیدین سحر اولماز

واحد سنه، غم چکمه رقابت ائدن اولسا

مین گول قووشا بیر یئره، بحر خزر اولماز

علی آقا واحد




 

نام:  علی آقا

نام خانوادگی: اسکندر اوف

تخلص: واحد

تاریخ و محل تولد: 1895 میلادی، روستای ماساچیر در حومه باکو

تاریخ و محل وفات: 1965 میلادی، شهر باکو

علی آقا در یک خانواده روستائی زاده شد. بعد از چند سال تحصیل، مدرسه را ترک کرده و در شهر باکو برای امرار معاش به بقالی و سپس نجاری و خراطی مشغول شد. به دلیل استعداد و شوقی که به ادبیات داشت، روزنامه ها و نشریات مختلفی را که در باکو چاپ و منتشر می شدند مطالعه می کرد. اشعاری را که سروده بود برای دوستانش می خواند و بر اثر تشویق همین دوستان، مدتی را در نزد شاعر بزرگ باکو، عبدالخالق یوسف به فراگیری فنون شعر پرداخت. در جلسات ادبی که در منزل استادش برگزار می شد شرکت می کرد و از محضر ادبا و شعرائی چون آقاداداش منیری و صمد منصوری و عبدالخالق بهره می جست. اشعار خود را نیز در همین مجالس عرضه می کرد. تخلس واحد را نیز در همین مجلس ادبی به او دادند.

واحد در شعر و شاعری، در حدی بود که به وی{یادگار فضولی} می گفتند. اشعار او ورد زبان ها بود.   

بو فخر دیر منه واحد، کی خلق شاعری یَم           

بؤیوُک فضولی لرین خاک پای نیْن بیری یَم

 اوجالتدی عؤمروُموُ نَشو و نماسی اؤلکه میزین

نَه قَدَر وار بو جهان، هرگز اؤلمَرَم دئییرَم

«ترجمه» این برای من افتخاری است ای واحد که شاعر خلق هستم، یکی از خاک پاهای فضولی هستم، ترقی و پیشرفت کشورمان، عمر مرا طولانی کرد، می گویم هر قدر این جهان است، نمی میرم.

و به راستی که واحد در بین اقوام ترک زبان جهان همیشه زنده است، چرا که اشعارش را مردم ازبر هستند و هنرمندان دنیای موسیقی بر شعر های واحد آهنگ می سازند و خوانندگان ترک زبان اشعارش را می خوانند.

علی آقا واحد برای اولین بار یکی از اشعار خود را در روزنامه ی اقبال باکو به چاپ رساند و بعد از آن همه ناشرین مجلات و روزنامه ها طالب چاپ اشعار وی شدند.

واحد در جوانی عاشق دختری به نام زلفیه شد. ولی زلفیه علی جوان را با همه ی احساسات پرخروش و عواطفی که مختص انسان هائی با روحیات شاعرانه است تنها گذاشت. علی بعد از شکست در عشق زندگی را طور دیگر می دید. و برای بیان دنیای تجرد خود به سرودن شعر روی می آورد.

دیندیر مَدی ای دل سَنی جانان، عجب اولدی

ائتدین نَه قَدَر ناله و افغان، عجب اولدی

یوُز دفع دئدیم وصل تمناسینه دوُشمَه

یاندیْردی سنی محنت هجران، عجب اولدی 

«ترجمه» ای دل، جانان با تو حرف نزد عجیب شد، هر قدر ناله و افغان کردی عجیب شد، صدبار گفتم که تمنای وصل نباش، تو را رنج دوری سوزاند عجیب شد(عَجَب اولدی به معنی خوب شد هم بکار می رود). 

واحد به شهریار، شاعر بزرگ جنوب آذربایجان ارادتی خاص داشت و همیشه آرزوی دیدار وی را داشت ولی افسوس که سیاست های آن زمان مانع از تحقق آرزوی علی آقا واحد شد. واحد شخصی وطن دوست است.

اوُرَگیمده او قَدَر سئوگی واریْمدیْر وطنه

نئجه کی بولبول شیدا اولور عاشق، وطنه

«در دلم آنقدر مهر به وطن وجود دارد، همانطور که بلبل شیدا عاشق وطنش می شود»

دوران زندگی شاعر شاعر با تحولات و رخدادها و دگرگونی های مختلف سیاسی و اجتماعی سپری شده است. قسمت های شمالی ارس و نواحی قفقاز که در اثر بی لیاقتی های شاهان قاجار از دامن ایران جدا و به روسیه ی تزاری الحاق شده، در ایام جوانی شاعر، دستخوش تحولات اجتماعی و سیاسی غیر قابل پیش بینی می شود. انقلاب بلشویکی لنین به دیار واحد می رسد و حکومت دیکتاتوری کمونیسم با نام اتحاد جماهیر شوروی همه سرزمین های روسیه و قفقاز را تحت تسلط خود در می آورد. با آغاز جنگ جهانی دوم و خود نمائی های استالین سبب حمله ی ارتش آلمان به  شوروی و اشغال اراضی آن می شود. در چنین شرایطی جوانان جمهوری خود مختار آذربایجان... نیز به جبهه های جنگ با آلمان نازی اعزام می شوند. واحد هر روز خبر کشته شدن هم ولایتی های خود را می شنود و در تقبیح هیتلر چنین می گوید:

بیلدی عالم هیتلرین خائنلیگین، ادنا لیغیْن

یاغدیْریْر میلیونلا دونیا خلقی نفرت دوُشمنه

حاضیْریْق واحد، صداقتله وطن اوغروندا بیز

هر زمان گؤستَرمَگه  قطعی جسارت دوشمنه

«ترجمه» دنیا خیانت و پستی هیتلر را فهمید، میلیون ها خلق عالم نفرت خود را بر سر دشمن می ریزد، ای واحد، با صداقت در راه وطن ما حاضریم، هرزمانی جسارت خود را به دشمن نشان دهیم.

بعد از پایان جنگ استالین استبداد را به حدی رساند که هیچ کس جز به خواست حکومت مرکزی قادر به تفکر و بیان نبود و صاحبان فکر و قلم حق ابراز نظر در امور اجتماعی مخالف میل حکومت استالین  را نداشتند. در چنین اوضاع سیاسی علی آقا واحد در روزنامه ها و مجلات ترکی زبان فعالیت می کرد و چاپ اشعارش تضمینی برای فروش نشریه بود. و از آنجائیکه تعریف و تمجید از سیاست های حکومتی در رسانه ها، باعث ایجاد یک تفکر همگون با حاکمیت در جامعه می شود، علیهذا حکومت کمونیستی نیز سیاستی را در مدیریت رسانه ای پیش گرفته بود که تعریف و تمجید از استالین و خط فکری و سیاست های وی، به ابزاری برای ترقی و ارتقاء مقام و مال اندوزی برای دنیا طلبان شده بود و اکثر نویسندگان و ادبا قلم خود را در خدمت مجیز گویی به استالین و مداحی از حاکمیت کمونیستی به کار گرفته بودند. در چنین حالی واحد هرگز نخواست شعر خود را به دروغ و تملق آلوده کند و بر اثر همین رفتار کار خود را در مطبوعات از دست داد و علیرغم مراجعات مکرر ماموران حکومتی حاضر به همکاری و تعریف از حکومت کمونیستی و  استالین در نشریات نشد. یکی از کسانی که به دستور استالین  در جمع هیئات حاکمه ی باکو منصوب شده بود فردی به نام میر جعفر باقر اوف بود که به مرد خون آشام و جلاد معروف بود. وی چنان کرده بود که واحد تحت فشار مالی قرار گرفته و زندگی را به سختی می گذراند.

دولتیم سیم و زریم اولماسا «واحد» خوش دور

گنج طبعیم  دولودور گوهر اشعاریله   

«ترجمه» اگر ثروت و سیم و زرم نباشد، واحد خوش است، گنجینه ی طبع من از گوهر اشعار پُر است.

علی آقا واحد در هفتاد سالگی به سال 1965 میلادی چشم از جهان فرو بست. او تا آنجا مورد غضب عمال  حکومت کمونیستی شوروی قرار داشت که وقتی در اتاق مخروبه اش جان سپرد دوستداران و علاقمندانش از ترس مامورین حکومتی جنازه اش را مخفیانه به قبرستان انتقال دادند. چون خوف این را داشتند که به دلیل کینه ورزی اجازه ی دفن جنازه ی واحد را در باکو ندهند. جسم او رفت ولی روحش از این شاد بود که اشعارش در این جهان خواهند زیست تا ذوق های ادبی را سیراب کنند.

پرفسور بیگدلی در مرگ شاعر می نویسد:

خبر مرگ استاد غزل «واحد» را شنیدم و به خانه اش رفتم. جنازه اش در داخل یک تابوت چوبی قرار داشت که با یک جاجیم کهنه پوشانده شده بود. محل زندگی واحد یک اتاق تنگ و تاریک و محقر بود. بعد از دیدن جنازه اش و با تأثر و تأسف فراوان این شعر را برایش سرودم:

واحدی داخما دا یاتمیْـش گؤردوُم

گنجی ویرانه دَه باتمیْـش گؤردوُم

آیـیْن اؤرتموُشدوُ بولود چهرَه سینی

گوُنَشی مغربَه چاتمیْـش گؤردوُم

بو وفاسیْـز فَـلَـکین هرزَه ا َلین

یوسفی درهَمَه ساتمیـْش گؤردوُم

یئنَه باخدیْم، کیمی گؤردوُم هامیْ سیـْن

بیر دَرین ماتَـمَـه باتمیـْش گؤردوُم

گؤی گؤلوُ، خان آرازی، میل دوُزوُنـوُ

بـوُسـبـوُتـوُن شَـنلیگین آتمیـْش گؤردوُم

بیگدلی واحدیـمـیـز اؤلمـَز دی

شاعری، شعری یـاتـمـامـیـْش گؤردوُم

«ترجمه» واحد را در داخل دخمه در حال خواب دیدم، گنج را در ویرانه فرو رفته دیدم، چهره ی ماه را ابر پوشانده بود، آفتاب را به مغرب رسیده دیدم، دست هرزه ی این فلک بی وفا، یوسف را به دِرهَم فروخته دیدم، دوباره نگاه کردم هر کس را که دیدم، همه را، دریک ماتم عمیق فرو رفته دیدم، اهالی گؤی گؤل، خان آراز و میل دوزو(هر سه نام سه محله ی قدیمی شهر باکو هستنند)، همگی شادی خود را دور انداخته دیدم، بیگدلی واحد ما هرگز نمی میرد، شاعر و شعر را بیدار دیدم(یاتمامیش=نخوابیده– بیدار)

 

نمونه ای از شعرهای واحد:

ای گول، سنی آخر، بیلیرم اویره دن اولدو

سالدین منی هیجرانه، بو بیلمم، نه دن اولدو؟

دوزدوم نه قده ر زحمته، هر نازینی چکدیم

کونلوم غمی - عشقینله اسیرئ - محن اولدو

سن بویله وفاسیزدا دئییل دین، بیلیرم من

ظنیمجه، سنی بو ایشه تحریک ائدن اولدو

رسوایئ- جاهان ائیله دین آخر منی، گئتدین

ایندی منه بیگانه گلیب طعنه زن اولدو

بیر واخت پیشیمان اولاجاقسان بو عمل دن

سندن بو ایشین، بلکه حسابین چکه ن اولدو

گزدین، گوزلیم، غیرایله، من دردینی چکدیم

گلدی نه بلا باشیما، بو غصه دن اولدو

واحید او گولون وصلینه بیگانه یئتیشدی

دردین چکه ن عالمده بیر آنجاق حسن اولدو 

 

موسیقی نشئه سی مین سوگیلی جانانه دگر

اثر ناله نی عارف ایچون جانه دگر

موسیقی اهلینه انصاف ایله قیمت قویماق

لحن داود ایله مین تخت سلیمانه دگر

بیخبرلر نه بیلیر لهجه خواننده نه دیر

اهل حال اولسا، بو سؤز قدرده میلیانه دگر

پرده غم داغیلیر تاره دگنده مضراب

طره دلبره هردم نئجه کی شانه دگر

موسیقیله اولار هر خسته یه عالمده علاج

بو طبابت نئچه مین چاره لقمانه دگر

بیزه بو علم حرام اولموش ایدی کئچمیشده

یعنی شیطان ایشی دیر، رخنه سی ایمانه دگر

یاشاشین قرمزی شهرتلی وطن قانونی

بوسخاوت نئچه مین حاتم دورانه دگر

قیلدی هر یئرده بنا موسیقی مکتب لرینی

نغمه نین فایده سی ایندی هر انسانه دگر

خلقیمیز موسیقی علمین اوخویور مین لر جه

ئولکه میزچون بو شرف مهر درخشانه دگر

موسیقیله منی دفن ایله سه لر واحد اگر

قبریمین تورپاغی مین روضه رضوانه دگر 

 

سالدی هیجران اودونا اول بت مه پاره منی

ائیله دی زولفوتک هیجرینده گونو قاره منی

درد طغیانیمه بیجا یئره زحمت چکمه

تاری شاهددی طبیب اؤلدورو بو یاره منی

قیلدی کونلوم قوشونو حلقه زولفونده اسیر

وار خیالی چکه منصور کیمی داره منی

سرکویوندا وطن قیلمیش ایدیم دیلدارین

اوزدو وصلیندن الیم ائیله دی آواره منی

من تک عالمده غم و درده گرفتار اولسون

کیم کی حسرت قویوب اول مهوش دلداره منی

سن بو حسنیله زلیخای جهانسان ای مه

نولا عشقین چکه یوسف کیمی بازاره منی

واحدا زولف نیگاریم اینجه لدی تنیم

کیم گؤرو بنزه دیر اول زولفده بیر تاره منی 

 

منبع: به نقل از وبلاگ azarsas.blogfa.com با اندکی ویرایش و خلاصه گویی




 

سالدی هیجران اودونا اول بت مه پاره منی

ائیله دی زولفوتک هیجرینده گونو قاره منی

درد طغیانیمه بیجا یئره زحمت چکمه

تاری شاهددی طبیب اؤلدورو بو یاره منی

قیلدی کونلوم قوشونو حلقه زولفونده اسیر

وار خیالی چکه منصور کیمی داره منی

سرکویوندا وطن قیلمیش ایدیم دیلدارین

اوزدو وصلیندن الیم ائیله دی آواره منی

من تک عالمده غم و درده گرفتار اولسون

کیم کی حسرت قویوب اول مهوش دلداره منی

سن بو حسنیله زلیخای جهانسان ای مه

نولا عشقین چکه یوسف کیمی بازاره منی

واحدا زولف نیگاریم اینجه لدی تنیم

کیم گؤرو بنزه دیر اول زولفده بیر تاره منی

شاعیر: علی آقا واحد




 

ای گول، سنی آخر، بیلیرم اویره دن اولدو
سالدین منی هیجرانه، بو بیلمم، نه دن اولدو؟
دوزدوم نه قده ر زحمته، هر نازینی چکدیم
کونلوم غمی- عشقینله اسیرئ- محن اولدو
سن بویله وفاسیزدا دئییل دین، بیلیرم من
ظنیمجه، سنی بو ایشه تحریک ائدن اولدو
رسوایئ- جاهان ائیله دین آخر منی، گئتدین
ایندی منه بیگانه گلیب طعنه زن اولدو
بیر واخت پیشیمان اولاجاقسان بو عمل دن
سندن بو ایشین، بلکه حسابین چکه ن اولدو
گزدین، گوزلیم، غیرایله، من دردینی چکدیم
گلدی نه بلا باشیما، بو غصه دن اولدو
واحید او گولون وصلینه بیگانه یئتیشدی
دردین چکه ن عالمده بیر آنجاق حسن اولدو

شاعیر: علی آقا واحد




 

ایسته رم من او گولی اؤز گول خندانیم اولا

اودا ئوز کونلونی وئرسین منه جانانیم اولا

تک جانانیله بیر یئرده گونوم خوش گئچسین

آرزو ایله مه رم باغ گلستانیم اولا

قیمییان جانینه عاشق دگیل اؤز یاری ایچون

من فدا ایلیه رم یاریمه مین جانیم اولا

گونده مین یول ائده رم جانیمی قوربان او گؤله

اودا بیر یول دولانیب باشیمه قوربانیم اولا

بو پری چهره لرین بیرجه گؤزل لیک لری وار

سومه رم هئچ بیرین الده اگر امکانیم اولا

نیله ییم کؤنلومه بیر قویماده آسوده اولام

گؤروم ای کاش کی ویران دل سوزانیم اولا

واحد هر شوخه ایناندیم سا وفاسیز چئخدی

بو گؤزل لرله منیم حشرده دیوانیم اولا

شاعیر: علی آقا واحد




 

گؤزللر ایچره سن ای ماهپاره بیرد نه سن

گؤزل لرین گؤزو سن، زلفی قاره بیرد نه سن

گؤل اؤزلی نازلی صنم لر دوشر قدم لرینه

بو چشم مست ایله قیلسان اشاره بیرد نه سن

سن اولماسان منی هجران غمی هلاک ائیلر

شکسته کونلومه عالمده چاره بیرد نه سن

زمانه اهلینه مشهورسان گؤزل لیکده

بو سر گیزلی دگیل، آشکاره بیرد نه سن

او ذوقی دولت دنیایه وئرمه رم هردم

من فقیره ده قیلسان اشاره بیرد نه سن

گؤزل حیاتینی واحد فنایه صرف ائتمه

سنی زمانه یئتیرمز دوباره بیرد نه سن

 


موضوعات مرتبط: علی آقا واحد غزللر

تاريخ : چهارشنبه دوم اسفند 1391 | 4:20 | نویسنده : موسی |

اتگینی چیرمیه رک

سامور چایدان کچنده سن

خفیف- خفیف اسه ن کولک

ئوپدی سنین گل اوزوندن ...

کونول دئدی: دایان بیر آز

او دلبیرین سیرینه دال

دئدیم تورا یاخین دورماز

اوچی گورموش اورکک مارال

آچدی خیال یلکنینی

سامور چایین باش بندینه

اورک دئدی: باغلار منی

او گوزلرین کمندینه

گلیب چخدین سن ساحله

آیاغینی ئوپدی چمن

نه من گلدیم، نه سن دیله

بودا کچدی عمریمیزدن ...

سن عمرینین گنج یاشیندا

آددیمینی سایا- سایا

گلیب کچدین داغ باشیندا

توستولنن بیر کومایا

اورک قالدی یانا- یانا

ایلک گوروشدن آیریلدیق بیز

سن او یانا، من بویانا

قالدی آیاق ایزلریمیز ...

صمد وورغون 1939




 

یارین نوباریسان بیزیم دیاردا

قیوریم تئللرینی سانا، بنفشه!

من سنی سئومیشم بیر ایلک بهاردا

کونلومی وئرمیشم سانا، بنفشه!

سنسن ازل گوندن منیم سرداشیم

گوزوندن آیریلسین آخار گوز یاشیم

گووده مین اوستونده دورماییر باشیم

بوراندا بوینونی یانا، بنفشه!

چیخمیشام سیرینه می لی، مزه لی

حیراندر حسننه ائللر گوزه لی

کونلوم اویلاغینی یاخین گزه لی

چوخلاری کوسندی مانا، بنفشه!

اوزونده گوردیگیم نه انتظار دیر؟

قلبینده واقفین سری می واردیر؟

گل اوندان سوز آچما، ایندی بهاردیر

باغریمی دوندرمه قانا، بنفشه!

بوینونی کج بورما گل ایننن بئله

من سنه سوز قوشوم، سن منی دینله

وورغونون شعریله، سنین حسننله

طبیعت گله جک جانا، بنفشه!

صمد وورغون 1937




 

دئمه سوسدی ربابیمین تئللری

هر پرده ده بیر نواسی وار اونون

خبر وئرین، سئویندیرین ائللری

ایندی بئله یوز هاواسی وار اونون

 

منیم شعریم اولاد اولدی توپراغا

حیات وئردی هر سارالمیش یاپراغا

نفسیمدن داغلار قالخدی آیاغا

بو یئرلرده مین صداسی وار اونون

 

ترلان طبعیم هاوالانیب اوچسادا

شیمشک اولوب، بولوتلاردان گئچسه ده

فضالاردان سیزه صحبت ائتسه ده

وطن آدلی اوز یوواسی وار اونون

 

سئودیم قیزیل بایراغینی ای سحر!

خوشبخت اولور بو دنیادا سئونلر

حیات دئدی یاراتدیغیم هر سحر

ائللر بیلیر نه معناسی وار اونون

 

سینه مده دیر وطنیمین حق سسی

سازیمدادیر آزادلیغین نغمه سی

سعادتدیر اونون عشقی، هوسی

احتشاملی بیر دنیاسی وار اونون

 

اودلار یوردی، عهدیمیز وار ازلدن

بو ایلغاردان نه من دوندوم نه ده سن

آنا قلبین بیر عماندیر، ای وطن!

"وورغون" کیمی بیر غواصی وار اونون

صمد وورغون




 

عاشق باغرینا باس صدفلی سازی

مین جوابلی بیر سئوالدان دانیشاق

میدان قوراق، صحبت آچاق، ساز توتاق،

گل یاناقلی، قوشاخالدان دانیشاق

 

قوی سوز آلیم بیر گناهسیز دوداقدان

دشمن باخیب حسد چکسین اوزاقدان

یار بزه نیب چخان زمان اوطاقدان

یاشینداکی گللی شالدان دانیشاق

 

وورغون دئیه ر، بیر دردبیلن یار اولسون

زلفی بولوت، آغ سینه سی قار اولسون

یاخشی گونده، یامان گونده وار اولسون

قدر بیلن احل حالدان دانیشاق

صمد وورغون 1937




 

سنبلوم، سنبلوم، ساری سنبلوم!

آدینا سوز قوشوم باری، سنبولم!

ائللر حسرتی در بو امری وئرن،

شیرین گئجه لرده یوخوما گیردن

یاشیل تارلامیزین منظره سی در

خرمن اوستونده کی آنا سسیدر

 

سنبلوم، سنبلوم، ساری سنبلوم!

کونلومین قوناغی، یاری سنبلوم!

قاباقدان آل گییب گلنده بهار،

ائللر سنی آنار، سنی سلاملار

گوز اوسته یئرین وار بیزیم وطنده

بویوک بیر ئولکه نین گوزی وار سنده

 

سنبلوم، سنبلوم، ساری سنبلوم!

سنمی سن چیچگم، سنمی سن گلوم؟!

قالدیرسین باشینی گوگلره ساری

گنیش خرمنلرده درز تایلاری

باخدیقجا دشمنین گوزی قارالسین،

خزان یارپاغی تک اوزی سارالسین...!

 




 
 

بیر جوجوق ایدیم یئره گومدیلار سنی

حیاتا قانادسیز آتدیلار منی

باخ نئجه پوزولوب عمرین گلشنی

حیات سن سیز منه زنداندیر آنا!

قوینوندا بسله نر گوزل دیلکلر

لاییقدیر سجده یه سنه ملکلر

نرده سن، گوزلریم هپ سنی بکلر

باخ اولادین ناسیل گریاندیر آنا!

سن بیر گونش ایدین، دوغدوندا باتدین

یازیق اولادینی غملره آتدین

بیر جواب وئر، هانکی مرادا چاتدین

تورپاقلاردا نئچه زماندیر آنا!؟

بیر آه چکسم سنسیز قوپمازمی طوفان؟

عزیزیم آنا جان، گوزوم آنا جان

یوموق گوزلرینی آچ دابیر اویان

ایندی زمان باشقا زماندیر آنا!

ییخیلیب پایینه اولمک ایسته رم

آنالیق مهرینی گورمک ایسته رم

سنی گورمک ایچون اولمک ایسته رم

تسللیم آه ایله فغاندیر آنا!

صمد وورغون




 

اوستوندن کاروان یئریمز

سیخدیر دومانلارین داغلار

یایدا- قیشدا هئچ اریمز

قوزئی لرده قارین، داغلار

 

او قیز یالدان تک آشاندا

ساچ کمره دولاشاندا

آتدان دوشوب یول آشاندا

من اولوم زوارین داغلار

 

لاچین لارین گویدن انمز

قایالارین باخار دینمز

یامان گونده اوزون دونمز

پوزولماز ایلغارین داغلار

 

اوچی گزر اوغرون- اوغرون

ماراللارین دوشر یورغون

قوناق گلیب سیزه «وورغون»

سئویلسین گلزارین داغلار!

 صمد وورغون




 

یئنه نه دورورسان پهلوان کیمی

چیرماییب قولونو مردانه، داغلار!

کونول یئنه بحر بی پایان کیمی

سسله نیر چالخانا- چالخانا داغلار!

 

من چوخ ایسته ردیم کی، سنین هئچ زامان

اورتمه سین او دلبر حسنینی دومان

ائلین ضرریندن منفعت اومان

بویانسین دئمیشم، آل قانا داغلار

 

زیرونده کی سویود گویلره چاتیر

کولگه سینده یورغون یولچولار یاتیر

مارالین، جئیرانین مین شیوه ساتیر

سئویندیر بو یئرده یانانا داغلار

 

چوخ گوزل اولورسان ائللر کوچنده

سویوندان گلینلر، قیزلار ایچنده

قی ووروب ترلانین یئل تک کئچنده

بیر ولوله دوشر هر یانه داغلار

صمد وورغون




 

بینه لری چادر- چادر

چوخ گزمیشم اوزوم داغلار

قدرتینی سیزدن آلدی

منیم سازیم، سوزوم داغلار

 

مارال گزه ر آستا- آستا

انیب گلر چشمه اوسته

گوزوم یولدا، کونلوم سسده

دئین نئجه دوزوم داغلار؟

 

هر اوبانین بیر یایلاغی

هر ترلانین اوز اویلاغی

دولایلاردا بهار چاغی

بیر دویونجا گزیم داغلار

 

قایالاری باش- باشا دیر

گونئی لری تاماشادیر

گودک عمری چوخ یاشادیر

جانیم داغلار، گوزو داغلار

 

بیر قوناغام بو دونیادا

بیر گون عمروم گئدر بادا

«وورغون» ودا سالار یادا

دوز ایلغارلی بیزیم داغلار

صمد وورغون




 

وورغون 

خطه ی معارف پرور آذربایجان؛ از دیر باز شعرا و ادبای نام آوری را در دامان خود تربیت کرده و به دنیای ادبیات و هنر تقدیم کرده است. در این خاک پاک با مفاخر و ستارگان تابناکی منجمله خیابانی ها؛ پسیان ها؛ علامه طباطبائی ها؛ ثقه الاسلام ها؛ شهریارها؛ خاقانی ها؛ نظامی ها و... آشنا شده ایم که همانندشان در صدر تاریخ بسیار نادر بوده اند. این بار نیز قصد داریم  از صمد وورغون این شاعر غنایی و "وورغون" آذربایجان سخن به میان آوریم.

صمد وکیل اوف متخلص به وورغون؛ یکی از پیشگامان و پرچمداران شعر معاصر و نیز از افتخارات آذربایجان می باشد که در سال 1285 شمسی در روستای صلاحلی از توابع شهر قازاخ؛ جمهوری آذربایجان چشم به جهان گشود. وی ایام طفولیت را در دامنه های سر سبز مشرف بر کرانه ی مصفای رود کر که روزگاری شاهد قهرمانی ها و از خود گذشتکی های نیاکانش؛ جهت حراست از مرز بوم خود بوده سپری کرد.

اولین شعر صمد وورغون که در هجده سالگی سروده شد دیری نپائید که محبوبیت خاصی در میان شعرا و ادبا و شعر دوستان کسب کرد و به دنبال همین افتخار مجموعه اشعارش به حلیه ی طبع آراسته شد و چندی نگذشت که نسخه هایش دست به دست گشته و در کمترین زمان نایاب گردید.

وورغون این شاعر غنایی آذربایجان از معدود شاعرانی بود که وطن و خلق خود را حقیقی و صمیمی دوست می داشت و در عین حال یکی از انقلابی ترین شعرای معاصر بود که بیشتر اشعارش ورد زبان خاص و عام بوده و پاره ای از شعرهایش به مثل ها و ترانه ها و گنجینه پربار و عظیم فولکلور راه یافته که نمونه های بارزی از آنها را شاهدیم.

اگر هر شاعری از خود طرز سبکی به یادگار می گذارد و همچنین طرز سخنی دارد می بینیم طرز سخن وورغون مخصوص خود اوست. چرا که اکثر شعرا که به استقبال شعرهایش رفته اند با شکست مواجه شده اند و به جایگاه شعری او نتوانسته اند راه یابند چرا که او جایگاه ویژه ای داشت و هم طراز شعرا و نویسندگان بزرگ آذربایجان به سان جعفر جبارلی؛ حسین جاوید؛ محمد سعید اردوبادی؛ میکائیل مشفق؛ عبدالله شایق؛ سلیمان رستم و علی آقا واحد بود.

صمد وورغون علاوه بر پیشه ی شاعری؛ نمایشنامه و درام نویس بزرگی بود که در تاریخ تئاتر آذربایجان نقش به سزائی را داراست. از معروف ترین نمایشنامه های به اجرا در آمده اش می توان "واقف" را نام بردکه در سال 1937 به روی صحنه رفت و شرح حماسه های شاعر بلند آوازه آذربایجان یعنی ملاپناه واقف در مقابل خون خواری چون آقا محمد خان قاجار بود؛ پس از آن "خانلار"؛ "فرهاد و شیرین"؛ انسالن و ده ها منظومه جاودان دیگر.

از مجموعه اشعار  چاپ شده صمد وورغون به کتاب های زیر می توان اشاره کرد:

موغان- این کتاب در سال 1949 چاپ گردیده

آی گون(ماه وخورشید)

زمانین بایراقلاری(بیرق های زمانه) چاپ سال 1954

دونیانین خریطه سی(نقشه جهان) چاپ سال 1951

شاعیرین آندی( قسم شاعر)

فنر(فانوس)

کونول دفتری(دفتر دل)

شعرلر(شعرها)

آزاد ایلهام(الهام آزاد)

یادا سال منی(یاد آر مرا)

آذربایجان- آذربایجان

قهرمانلیق داستانلاری(داستانهای قهرمانی)

استالینگراد قهرمانلاری(قهرمان های استالینگراد)

استقبال ترانه سی(ترانه استقبال) و...

وورغون در ترجمه آثار دیگران به زبان ترکی فعالیتی چشمگیر داشت. چنانکه لیلی و مجنون حکیم نظامی گنجوی را به طرز زیبائی ترجمه کرده یا فنر و اولوم(فانوس و مرگ) اثر ماکسیم گورکی ادیب برجسته روسی یا یئوکئنا اونیکین اثر الکساندر پوشکین و نیز قسمتی از منظومه روستا وئلی با نام پلنگ دریسی گئیمیش پهلوان (پهلوانی که پوست پلنگ پوشیده بود) که هر کدام در نوع خود بی نظیر می باشند. او بارها از سوی شخصیت های بین المللی مورد تجلیل قرار گرفته که در این میان ادیب بزرگ و برجسته فرانسوی لوئی آراگون در موردش چنین گفته... وورغون از افتخارات ادبیات است. منه بئله سویله دیلر(به من چنین گفتند) یکی از منظومه های او است که در جنگ وطن جبهه از زبان یک سرباز آذربایجانی که در واپسین لحظات زندگی بود الهام گرفته و نوشته شده است که در نوع خود کم نظیر است...

اشعار وورغون چنان قلب ها را تسخیر کرده بود که هر زمان و هر جا ورد زبان مردم بود. مثلا می گوید... سربازی مجروح شده در نبرد با دشمن در واپسین لحظات حیات به دکتر معالج خود چنین می گوید آقای دکتر به زنده ماندنم امیدوار نیستم؛ می دانم که خواهم مرد؛ ولی تقاضا می کنم لحظه ای اجازه دهید تا شعری از شاعر دلخواهم صمد وورغون را برایتان بخوانم و سپس اشعار زیر را زمزمه می کند:

ائل بیلیر کی سن منیم سن

یوردوم یووام مسکنیم سن

آنا دوغما وطنیم سن

آیریلار می کونول جاندان؟

آذربایجان- آذربایجان

برگردان به فارسی:

ای مهربان مهد امید آخر تویی ماوای من

هم مسکنم هم لانه ام کاشانه ی زیبای من

رکن حیات من تویی یعنی تویی مام وطن

هرگز نگیرد قلب من دوری ز جسم و روح و جان

مهد من آذربایجان؛ مهد من آذربایجان

پس از اتمام شعر فوق چشمان کبود خود را بر روی هم می نهد و دکتر معالج خود را در ماتم می گذارد. شعرهای صمد وورغون به چندین زبان زنده دنیا ترجمه شده و با استقبال شعر دوستان مواجه گردیده است. با آن که شهرت و آوازه شاعر در سنین جوانی مرزها را در هم شکسته و شهره آفاق گشته بود.

چنانکه ذکر گردید اشعار وورغون به چندین زبان زنده ترجمه شده که یکی از آنها در سال 1976 به مناسبت هفتادمین سال تولد این شاعر؛ پاره ای از اشعار غنائی اش به اهتمام احمد شفائی و با مقدمه پروفسور حمید محمد زاده "غریب تبریزی" به حلیه طبع آراسته شد. مترجم در ترجمه اشعار سلیقه و امانت ادبی را تا حد امکان مراعات نموده و ترجمه زیبائی را تحویل خواننده فارسی زبان کرده است مثلا شعر معروف گوله؛ گوله شاعر را ببینید چه زیبا ترجمه کرده:

دلبر به فراز کوه آمد

یک روز به صبح زود خندان؛ خندان

با دست چپش به سینه ی راست سپس

گل نصب نمود زود خندان؛ خندان

یا یکی از غزلهای معروفش را چنین ترجمه کرده بنگرید:

نخواهد بود بی می یا مزه جانی و جانانی

نباشد هر کسی را عشق جولانگاه و میدانی

بپرس از عارفان تا آن که دانی شعر و صنعت چیست؟

ندارد شاعر از آنچه شده واقع پشیمانی...

اینکه به ترجمه ی یک بند از ترانه معروف صمد وورغون با نام مغان نگاه می کنیم:

هان تو صیاد کرم کن مگذر زین صحرا

دختر دشت عزیز است مگیرش از ما

تو مشو باعث اندوه و کدر در دل ها

غرقه در خون تن خویش تو منما آهو

به مغان است چه زیبنده و رعنا آهو

او در زندگی نیم قرنی و مستعجل خود راه صد ساله پیموده و نام خود را با حروفی زرین بر لوح ادبیات حک نمود و بالاخره در سال 1335 قلب این شاعر بزرگ برای ابد از تپیدن به عشق مردمش ایستاد و مریدان ادبی خود را در ماتمی بس سترگ و عمیق فرو برد. فقدان صمد وورغون نه تنها ترک زبانان؛ بلکه اغلب ملل دنیا را نیز که با آثارش آشنایی داشتند سوگوار و ماتم زده کرد.

آری طومار زندگی آن بزرگ مرد بدین سان بسته شد و شاعر مبارز با خاک هماغوش گردید. یادش را گرامی داشته و جهت حسن ختام ترجمه یکی از غزلهایش را به عنوان تبرک به اتفاق می خوانیم. امید که مورد قبول افتد.

نامه ها بنویس ای دل بهر عشق یک نگار

خانه ی جان ترک کن در عشق یک سیر و گذار

کیست آن نقاش کو آراست گیتی را چنین

در چمن بشکفته صدها گل به عشق نو بهار

بلبل شیدا بیا با هم به بزم گل رویم

تو به عشق گل غز لخوان باش و من در عشق یار

بی جهت مجنون به عالم شهره شد با شور خویش

کیست نامردی که از جان نگذرد در عشق یار ؟

روز و دوران بگذرد... این است حکم زندگی

نی نواز و می بیار اینک به عشق روزگار

همچو پروانه در آتش سوزد اولاد بشر

بر سرش سودای حرف حق و عدل و اعتبار

هست "وورغون" را دلی؛  الهامی و خوش عالمی

بر سرش سودای مهد و مهر و الفت یک دیار




 

بیر آیری شعر آذربایجانین عزیز شاعری صمد وورغون دان کی عزیز اوخویانلارا تقدیم ایدیرم: 

 

یادیما دوشدی

باشینا دوندیگیم گل اوزلی صونا!

عمریمین ایلک چاغی یادیما دوشدی

شاعرلر وطنی، بیزیم طرفلر

طرلانین اویلاغی یادیما دوشدی

اوخویون قلبیمی داستان ایچینده

اورک دوگونمزمی آستان ایچینده؟

پاییزین فصلنده، بوستان ایچینده؟

شامامانین تاغی یادیما دوشدی

توکولدی کاغذه سینه مین سوزی

او آنا یوردومون اوجاغی، گوزی

جیرانین دوروشو، دورنانین گوزی

ککلیگین آیاغی یادیما دوشدی

هانی آت سوردیگیم بوراندا، قاردا

گزدیم عاشق کیمی مین بیر دیاردا

گولوب اوینادیغیم طویدا، ماغاردا

قیزلارین قولباغی یادیما دوشدی

گوگلره باش چکیر گویه زن داغی

آخشام آچیق اولور آیین قاباغی

بیزیم گلینلرین بایرام قاباغی

فسه لی یایماغی یادیما دوشدی

سن بیزیم ائللرین روحینا بیرباخ!

بیزدن اینجیمه میشن بیر عزیز قوناق

نشانلی قیزلارین گوروشدن قاباق

تئلینی سایماغی یادیما دوشدی

وورغونون خیالی گزدی آرانی

گوزومده اوینادی داغین بورانی

قیشین بوز قاتیغی، یایین آیرانی

پاییزین قایماغی یادیما دوشدی

صمد وورغون- 1936 ایجی میلادی ایلینده




 

بهار نه خوش گلیر، روحا داد وئریر

خیاله، دویغویا قول- قاناد وئریر

وارالسون شعریمیز، شاعرلریمیز!

هر گله، چیچکه تزه آد وئریر

چیخیر داغ دوشونه کورپه قوزولار

طرلانین سسینی عکس ائدیر سولار

سحر یوخوسوندان آییلدیر منی

سینه مه سیغمایان بویوک دویغولار

کونول دینج دورماییر، اویناییر ینه

ارلدن عاشقم حیات شعرینه

ایلک دفعه اوغلومین الیندن توتوب

چیخمیشام سحرین طرلان سیرینه

ئولومه جان وئرمه، ئولسن بهاردا

کونول مقدسدر، قالماسین داردا

بهارین عشقیله چیخیر یووادان

بالاسی دالیندا قاریشقالاردا

یاشیل کوینگینی گیینیر مئشه

یاخاما قوش کیمی قونور بنفشه

قوی مندن درس آلسین قوجا طبیعت

اودا کونلوم کیمی گولسون همیشه

بهار نه خوش گلیر، روحا داد وئریر

خیاله، دویغویه قول- قاناد وئریر

وارالسون شعریمیز، شاعرلریمیز!

هر گله، چیچکه تزه آد وئریر

صمد وورغون- 1937 ایجی میلادی ایلینده سویله میشلر




 

چوخ کچمیشم بو داغلاردان

دورنا گوزلی بولاقلاردان

ائشیتمیشم اوزاقلاردان

ساکت آخان آرازلاری

سینامیشام دوستی، یاری ... 

ائل بیلیرکی، سن منیمسن

یوردوم، یووام، مسکنیمسن

آنام، دوغما وطنیمسن!

آیریلارمی کونول جاندان؟

آذربایجان، آذربایجان! 

من بیر اوشاق، سن بیر آنا،

اودور کی، باغلیام سانا

هانکی سمته، هانکی یانا

هی اوچسام دا یووام سنسن،

ائلیم، گونوم، اوبام سنسن! 

فقط سندن گن دوشنده،

آیریلیق مندن دوشنده،

ساچلاریما دن دوشنده،

بوغار آیلار، ایللر منی،

قیناماسین ائللر منی 

داغلارینین باشی قاردیر،

آغ ئورپگین بولوتلار دیر،

بویوک بیر کچمیشین واردیر،

بیلینمه ییر یاشین سنین

نه لر چکمیش باشین سنین 

دوشدون اوغورسوز دیللره،

نحس آیلارا، نحس ایللره،

نسل لردن نسل لره

کچن بیر شهرتین واردیر

اوغلون، قیزین بختیاردیر ... 

هی باخیرام بو دوزلره،

آلاگوزلی گونددوزلره،

قارا خاللی آغ اوزلره،

کونول ایستر شعر یازا،

گنجله شیرم یازا- یازا ... 

بیر طرفین بحر خزر،

یاشیل باش صونالار گزر،

خیالیم دولانار گزر،

گاه موغانی، گاه ائلداری،

منزل اوزاق، عمر یاری! 

سیرا داغلار، گن دره لر،

اورک آچان منظره لر،

جیران قاچار، جویور مه لر،

نه چوخدور اویلاغین سنین!

آرانین، یایلاغین سنین! 

کچ بو داغدان، بو آراندان،

آستارادان، لنکراندان،

آفریقادان، هندوستاندان

قوناق گلیر بیزه قوشلار،

ظلم الیندن قورتولموشلار ... 

بویرلرده لیمون ساری،

اگیر، سالیر بوداقلاری

داغلارینین دوم آغ قاری

یارانمیشدر قارلی قیشدان،

بیر سنگردیر یارانیشدان 

لنکرانین گلی رنگ- رنگ،

یوردوموزین قیزلاری تک،

دمله چایی، توک ویر گورک،

آنامین دلبر گلینی!

یادلارا آچما الینی! 

ساری سنبل بیزیم چورک،

پامبوغمیز چیچک- چیچک،

هر اوزومدن بیر شیره چک

سحر- سحر آج قارینا

قوت اولسون قوللارینا 

مین قازاخدا کوهلن آتا،

یالمانینا یاتا- یاتا

آت قان تره باتا- باتا

گوگ یایلاقلار بئلینه قالخ،

کپز داغدان گوگ گوله باخ! 

ای آزادگون، آزاد انسان،

دویونجا ایچ بو بهاردان!

بیزیم خاللی خالچالاردان

سر چنارلار کولگه سنه

آلقیش گونش ئولکه سنه! 

کونلوک کچیر قاراباغدان،

گاه بو داغدان، گاه اوداغدان،

آخشام اوستو قوی اوزاقدان

هوالانسین خانین سسی،

قارا باغین شکسته سی 

گوزل وطن، معنان درین،

بشیگیسن گوزللرین!

عاشق دییه ر سرین- سرین،

سن گونشین قوجاغیسان،

شعر، صنعت اوجاغیسان 

ئولمز کونول، ئولمز اثر،

نظامی لر، فضولی لر!

الین قلم، سینه ن دفتر،

دی گلسین هرنه یین واردیر،

دییلن سوز یادگاردیر 

بیر دون بیزیم باکی یه باخ،

ساحللری چراغ- چراغ،

بوروقلارین هایقیراراق

نعره سالیر بوز چوللره،

ایشیقلانیر هر داغ، دره 

نازلاندیقجا سرین کولک،

ساحللره سینه گرک،

بیزیم باکی- بیزیم اورک!

ایشیقدادیر قوت سوزی،

سحرلرین اولکر گوزی 

گوزل وطن! اوگون کی، سن

آل بایراقلی بیر سحردن

الهام آلدین، یاراندیم من

گولور تورپاق، گولور انسان

قوجا شرقین قاپیسی سان! 

دینله منی، گوزل وطن!

بیرسوز گلیر اورگیمدن:

خلقیمیزین عشقیله سن

گوله جکسن هر بیز زمان،

آذربایجان، آذربایجان! 

 


موضوعات مرتبط: صمد وورغون

تاريخ : چهارشنبه دوم اسفند 1391 | 4:15 | نویسنده : موسی |

شهریارا تو به شمشیر قلم در همه آفاق

به خدا ملک دلی نیست که تسخیر نکردی

سید محمد بهجت تبریزی، متخلّص به شهریار در سال 1285 ه.ش در شهر تبریز به دنیا آمد. دوران کودکی او مصادف با انقلاب تبریز(مشروطیّت) بود. پدرش که از وکلای معروف تبریز بود، برای آن‌که خانواده‌اش از صدمات جنگ به دور باشند شهریار را به روستایی دور در قره چمن فرستاد. بعد از آرام شدن تبریز شهریار بار دیگر به تبریز بازگشت و تحصیلات خود را پی گرفت. بعد از اتمام تحصیلات دبیرستان در رشته پزشکی به تحصیل پرداخت. امّا یک سال قبل از اتمام تحصیلاتش به دنبال یک ماجرای شورانگیز عشقی پزشکی را رها و به شعر و ادبیّات و شاعری روی آورد و اگر خود وی در این ضمینه ضرر کرده باشد، شعر و ادبیات ما ثمره‌ی زیادی برده است. شهریار به جای آن که طبیب بیمار و علیل باشد، طبیب روح‌های خسته و دل‌های آرزومند شد. شهریار با ادبیّات عرب و فرانسه آشنایی کامل داشت. شهریار در طول زندگی خود خدمات زیادی به ادب ایران کرده، به‌طوری‌که سال روز وفات او، که بیست و هفت شهریور می‌باشد، روز ملی شعر و ادب نامیده شده است. شهریار در سال هزار و سیصد و شصت و هفت درگذشت. روحش شاد و یادش گرامی!

آثار شهریار:

سه جلد دیوان فارسی، یک جلد دیوان ترکی. دیوان اشعار او شامل غزلیّات، قصاید، قطعات و رباعی و مثنویّات و دوبیتی است.

در شعر نو نیز شهریار آثار ارزنده‌ای دارد، مانند: سلام به اینشتین و وای وای مادرم.

قسمت عمده‌ی شعر ترکی شهریار اختصاص به شاهکار ادبی او، حیدربابایه سلام، دارد. این شعر به اکثر زبان‌های دنیا ترجمه شده و از این حیث بی‌نظیر است.

ذیلاً یکی از شعرهای استاد به‌نام «شب و علی» که واقعاً زیباست را می خوانید:

شب و علی

علی آن شیر خدا شاه عرب

الفتی داشته با این دل شب

شب ز اسرار علی آگاه است

دل شب محرم سرّالله است

شب علی دید به نزدیکی دید

گرچه او نیز به تاریکی دید

شب شنفته‌ست مناجات علی

جوشش چشمه‌ی عشق ازلی

شاه را دیده به نوشینی خواب

روی بر سینه دیوار خراب

قلعه‌بانی که به قصر افلاک

سر دهد ناله زندانی خاک

اشک‌باری که چو شمع بی‌زار

می‌فشاند زر و می‌گرید زار

دردمندی که چو لب بگشاید

در و دیوار به زنهار آید

کلماتی چو در آویزه‌ی گوش

مسجد کوفه هنوزش مدهوش

فجر تا سینه‌ی آفاق شکافت

چشم بیدار علی خفته نیافت

روزه‌داری که به مهر اسحار

بشکند نان جوینش افطار

ناشناسی که به تاریکی شب

می‌برد شام یتیمان عرب

پادشاهی که به شب برقع‌پوش

می‌کشد بار گدایان بر دوش

تا نشد پردگی آن سرّ جلی

نشد افشا که علی بود و علی

شاه بازی که به بال و پر راز

می‌کند در ابدیت پرواز

شهسواری که به برق شمشیر

در دل شب بشکافد دل شیر

عشق بازی که هم آغوش خطر

خفت در خواب‌گه پیغمبر

آن دم صبح قیامت تاثیر

حلقه در شد از او دامن گیر

دست در دامن مولا زد در

که علی بگذر و از ما مگذر

شال شه وا شد و دامن به گرو

زینبش دست به دامن که مرو

شال می‌بست و ندایی مبهم

که کمربند شهادت محکم

پیشوایی که ز شوق دیدار

می‌کند قاتل خود را بیدار

ماه محراب عبودیّت حق

سر به محراب عبادت منشق

می‌زند پس لب او کاسه‌ی شیر

می‌کند چشم اشارت به اسیر

چه اسیری که همان قاتل اوست

تو خدایی مگر ای دشمن دوست

در جهانی همه شور و همه شر

ها علیٌّ بشرٌ کیف بشر

کفن از گریه‌ی غسّال خجل

پیرهن از رخ وصّال خجل

شبروان مست ولای تو علی

جان عالم به فدای تو علی




طبقه بندی: استاد شهریار

 

تاریم منیم

سیزلاییر احوالیما صبحه قدر تاریم منیم

تکجه تاریم دیر قارا گونلرده غم‌خواریم منیم

چوخ وفالی دوستلاریم واردیر، یامان گون گلجه‌یین

تاردان اوزگه قالماییر یار وفاداریم منیم

یئر توتوب غمخانه ده، قیلدیم فراموش عالمی

من تارین غمخواری اولدوم، تار غم‌خواریم منیم

گوزلریمه هر تبسم سانجیلیر نئشتر کیمی

کیپریگی خنجردی، آه، اول بی وفا یاریم منیم

آسمان آلدی کناریمدان آی اوزلو یاریمی

یاش توکر اولدوز کیمی بو چشم خون‌باریم منیم

ای بو غملی کونلومون تاب و توانی، سویله بیر

عهد و پیمانین نه اولدو، نولدو ایلغاریم منیم

شهریارم گر چی من سوز مولکونون سلطانی‌یم

گوز یاشیمدان باشقا یوخدور در شهواریم منیم

استاد محمدحسین شهریار

 

پروانه وشمع

 

برق اولمادی، قیزیم گئجه یاندیردی لاله‌نی

پروانه‌نین، اودم ده باخیردیم اداسینه

گؤردوم طواف کعبه ده یاندیقجا یالواریر

سؤیلور: «دؤزوم نه قدر بو عشقین جفاسینه؟

یا بو حجاب شیشه‌نی قالدیرکی ساورولوم

یا سوندوروب بو فتنه‌نی، باتما عزاسینه!»

باخدیم کی شمع سؤیله دی: «ای عشقه مدعی !

عاشق هاچان اولوب یئته اؤز مدعا سینه؟

بیر یار مه لقادی بیزی بئیله یاندیران

صبر ائیله یاندیران دا چاتار اؤز جزاسینه»

اما بو عشقی آتشی عرشی‌دی، جاندا دیر

قوی یاندیریب خودینی یئتیرسین خدا سینه

محمدحسین شهریار



یار قاصدی

سن یاریمین قاصیدی سن

اگلش سنه چاى دئمیشم

خیالینى گوندره‌یب دیر

بس کى من آخ- واى دئمیشم

آخ! گئجه‌لر یاتمامیشام

من سنه لاى- لاى دئمیشم

سن یاتالى، من گؤزومه

اولدوزلاری سای دئمیشم

هر کس سنه اولدوز دئیه

اؤزوم سنه آى دئمیشم

سندن سونرا، حیاته من

شیرین دیسه، زاى دئمیشم

هر گوزه‌لدن بیرگول آلیب

سن گؤزه‌له پاى دئمیشم

سنین گون تک باتماغیوى

آی باتانا تای دنمیشم

ایندى یایا قیش دئییرم

سابق قیشا یاى دئمیشم

گاه طویووی یاده سالیب

من ده لى، ناى- نای دئمیشم

سونرا یئنه یاسه باتیب

آغلاری های هاى دئمیشم

اتک دولو دریا کیمى

گؤز یاشیما، چاى دئمیشم

عمره سوره‌ن من قره گون

آخ دئمیشم، وای دئمیشم

استاد شهریار

 


 

پیام به انشتن

انشتن یک سلام ناشناس البته  می‌بخشی،

دوان در سایه روشن‌های یک مهتاب خلیایی

نسیم شرق می‌آید، شکنج طرّه‌ها افشان

فشرده زیر بازو شاخه‌های نرگس و مریم

از آن‌هایی که در سعیدیه‌ی شیراز می‌رویند

زچین و موج دریاها و پیچ و تاب جنگل‌ها

دوان می‌آید و صبح سحر خواهد به سر کوبید

در خلوت سرای قصر سلطان ریاضی را.

***

درون کاخ استغنا، فراز تخت اندیشه

سر از زانوی استغراق خود بردار

به این مهمان که بی‌هنگام و ناخوانده است، دربگشا

اجازت ده که با دست لطیف خویش بنوازد،

به نرمی چین پیشانی افکار بلندت را

به آن ابریشم اندیشه‌هایت شانه خواهد زد

نبوغ شعر مشرق نیز با آیین درویشی

به کف جام شرابی از سبوی حافظ و خیام

به دنبال نسیم از در رسیده می‌زند زانو

که بوسد دست پیر حکمت دانای مغرب را

***

انشتن آفرین بر تو،

خلاء با سرعت نوری که داری، در نوردیدی

زمان در جاودان پی شد، مکان در لامکان طی شد

حیات جاودان کز درک بیرون بود پیدا شد

بهشت روح علوی هم که دین می‌گفت جز این نیست

تو با هم آشتی دادی جهان دین و دانش را

انشتن ناز شست تو!

نشان دادی که جرم و جسم چیزی جز انرژی نیست

اتم تا می‌شکافد جزو جمع عالم بالاست

به چشم موشکاف اهل عرفان و تصوّف نیز

جهان ما حباب روی چین آب را ماند

من ناخوانده دفتر هم که طفل مکتب عشقم،

جهان جسم، موجی از جهان روح می‌دانم

اصالت نیست در مادّه

***

انشتن صد هزار احسنت و لیکن صد هزار افسوس

حریف از کشف و الهام تو دارد بمب می‌سازد

انشتن، اژدهای جنگ...!

جهنم کام وحشتناک خود را باز خواهد کرد

دگر پیمانه‌ی عمر جهان لبریز خواهد شد

دگر عشق و محبت از طبیعت قهر خواهد کرد

چه می‌گویم!

مگر مهر و وفا محکوم اضمحلال خواهد بود؟

مگر آه سحرخیزان سوی گردون نخواهد شد؟

مگر یک مادر از دل «وای فرزندم» نخواهد گفت؟

***

انشتن بغض دارم در گلو دستم به دامانت

نبوغ خود به کام التیام زخم انسان کن

سر این ناجوانمردان سنگین دل به راه آور

نژاد و کیش و ملّیت یکی کن ای بزرگ استاد

زمین، یک پایتختِ امپراطوریِ وجدان کن

تفوق در جهان قائل مشو جز علم و تقوا را

***

انشتن نامی از ایران ِ ویران هم شنیدستی؟

حکیما، محترم می‌دار مهد ابن سینا را

به این وحشی تمدّن گوشزد کن حرمت ما را

انشتن پا فراتر نه جهان عقل هم طی کن

کنار هم ببین موسی و عیسی و محمّد را

کلید عشق را بردار و حلّ این معمّا کن

و گر شد از زبان علم این قفل کهن واکن

انشتن بازهم بالا

خدا را نیز پیدا کن

استاد شهریار


 

ناز ائیله میسن

چوخلار انجیکدی کی، سن اونلارا ناز ایله میسن

من ده اینجیک کی، منیم نازیمی آز ایلمه میسن

ائتمیسن نازی بو ویرانه کؤنولده سلطان      

ائوین آباد اولا، درویشه نیاز ایله میسن

هر باخیشدا چالیبان کیپریگی مضراب کیمی

بیر قولاق وئر بو سینیق قلبی نه ساز ایله میسن؟

باشدان آچ یایلیغی افشان ایله سوسن- سنبل

سن بیزیم بایراممیزسان قیشی یاز ایله میسن

سن گون اول، قوی غم میز داغدا قار اولسون، اریسین

منیم آنجاق ایشیمی سوز و گداز ایله میسن

من بو معناده غزل یازمالی حالیم یوخدی

سن جوجوق تک قوجانی فرفره باز، ایله میسن

کاکلی باشدا بوروب باغلامیسان تاج کیمی

او قیزیل ساچدان اونا، گوللی قوتاز ایله میسن

سینه بیر دشت مغان دیر، قوزی یان- یانه یاتیب

منیم آغلار گوزومی اوردا آراز ایله میسن

بو گوزللیک کی جهاندا سنه وئرمیش تانری

هر قدر ناز ائله سن ایله، کی آز ایله میسن

من بو سوز یله آتدین، آرالاندین بیلیرم

آرانی بیر پارا نامردیله ساز ایله میسن

دستماز ایله دیگین چشمه،مسیحا قانی دیر

بیلمیرم هانسی کلیساده نماز ایله میسن؟

من«عشیران» اوخوسام، پنجه«عراق» اوسته گزه ر

گوزلیم، «ترک» اولالی، ترک «حجاز» ایله میسن

تازا شاعر، بوده نیز هر نه باخیرسان دیبی یوخ

چوخ اوزاتسان بوغازی، اوردهگی قاز ایله میسن

بسکه زلف و خط خالین قوپالاغین گؤتدون

زلفعلی نین باشینی آزقالا داز ایله میسن

گل! منیم ایسته دیگیم کعبه ییخیلماز، اوجالار

باشدادا کژ گئده سن، دیبده تراز ایله میسن

خط و خالیندن آلیب مشقیمی قرآن یازارام

بو حقیقت له منی، اهل مجاز ایله میسن

منی، دان اولدوزی، سن یاخشی تانیرسان که سحر

افقی خلوت ائدیب رازو نیاز ایله میسن

«شهریار»ین داغیلیب، داغدا داشا دالدالانیب

ئوزون انصاف ایله، محمودی ایاز ایله میسن

استاد شهریار

 


دریا ائله دیم

ترکی بیر چشمه ایسه، من اونی دریا ائله دیم

بیر سویرق معرکه نی محشر کبرا ائله دیم

بیر ایشیلتیدی سها اولدوزی تک گورسنمز

گوز یاشیلما من اونی عقد ثریا ائله دیم

امیدیم وار که بو دریا هله اقیانوس اولا

اونا ضامن بو زمینه که مهیا ائله دیم

عرفانا چاتماسا شعر و ادب ابقا اولماز

من ده عرفانه چاتیب شعریمی ابقا ائله دیم

ابدیتله یاناشدیم دوغولا حافظه تای

شیرازین شاهچراغین تبریزه اهدا ائله دیم

ترکی نین جانینی آلمیشدی حیاسیز طاغوت

من حیات آلدیم اونا، حق ایچون احیا ائله دیم

(فیض روح القدس) اولدی مددیم حافظ تک

من ده حافظ کیمی اعجاز مسیحا ائله دیم

قمه قداره لر آغزیندا دیل اولمیشدی سوگوش

من سه وینج ائتدیم اونی، خنجری خرما ائله دیم

ایندی گویلرده گوزل صفله صفا ایله گزیر

منجلابلاردا اوزن اردگی دورنا ائله دیم

باخ که(حیدر بابا)افسانه تک اولموش بیر قاف

من کیچیک بیر داغی سر منزل عنقا ائله دیم

بوردا(روشن ضمیرین)ده هنرین یاد ائده لیم

من اون دا قلمین طوطی گویا ائله دیم

نه تک ایراندا منیم ولوله سالمیش قلمیم

باخ که ترکیه ده، قافقازدا نه غوغا ائله دیم

باخ که تهراندا نه شاعرلری شیدا ائله دیم

هم(سهندیه) سهندین داغین ائتدی باش اوجا

هممن ئوز قارداشیمین حقینی ایفا ائله دیم

آجی دیللرده شیرین ترکی اولوردی حنظل

من شیرین دیللره قاتدیم اونی حلوا ائله دیم

هر نه قالمیشدی کئچنلردن اونا بال پتگی

اریدیب موملو بالین شهد مصفا ائله دیم

ترکی، واللاه، آنالار اوخشاغی، لایلای دیلی دیر

دردیمی من بو دوا ایله مداوا ائله دیم

شهریار، حیف ساووخدیر بو دگیرمان هله ده

دارتماغا یوخدی دنی، من ده مدارا ائله دیم

استاد شهریار

 

 

مجنون

«مجنون ایله من مکتب عشق ایچره اوخوردیق

من مصحفی ختم ائتدیم او (واللیل) ده قالدی»*

بیر گون ده ائشیدیک که دوشوب چوللره مجنون

(واللیل) اولوب وردی، جوانکن ده قوجالدی

بیر گون ده خبر گلدی که واللیلیسی ایله

جان وئردی، جهان ایچره یامان ولوله سالدی

* بیت اول قدیمی و استاد شهریار دو بیت جهت تکمیل اضافه نموده اند.



 

خان ننه

خان ننه، هایاندا قالدین

بئله باشیوا دولانیم

نئجه من سنی ایتیردیم!

دا سنین تایین تاپیلماز

سن أولن گون، عمه گلدی

منی گتدی آیری کنده

من اوشاق، نه آنلیایدیم؟

باشیمی قاتیب اوشاقلار

نئچه گون من اوردا قالدیم

قاییدیب گلنده،باخدیم

یئریوی ییغیشدیریبلار

نه أوزون، و نه یئرین وار

«هانی خان ننه م؟» سوروشدوم

دئدیلرکه:خان ننه نی

آپاریبلا کربلایه

که شفاسین اوردان آلسین

سفری اوزون سفردیر

بیر ایکی ایل چکرگلینجه

نئجه آغلارام، یانیخلی

نئچه گون ائله چیغیردیم

که سسیم، سینم توتولدی

او، من اولماسام یانیندا

أوزی هئچ یئره گدنمز

بو سفر نولوبدی، من سیز

أوزی، تک قویوب گئدیبدی؟

هامیدان آجیخ ائدرکن

هامییا آجیخلی باخدیم

سونرا باشلادیم که: من ده

گئدیرم اونون دالینجا

دئدیلر: سنین کی تئزدیر

امامین مزاری اوسته-

اوشاقی آپارماق اولماز

سن اوخی، قرآنی تئز چیخ

سن اونی چیخینجا بلکه

گله خان ننه سفردن

تله سیک راوانلاماقدا

اوخویوب قرآنی چیخدیم

که یازیم سنه: گل ایندی

داها چیخمیشام قرآنی

منه سوقت آل گلنده

آما هر کاغاز یازاندا

آقامین گؤزی دولاردی

سنده کی گلیب چیخمادین

نئچه ایل بو انتظارلا

گونی، هفته نی سایاردیم

تا یاواش یاواش گؤز آچدیم

آنلادیم که، سن أولوبسن!

بیله بیلمیه هنوزدا

اوره گیمده بیر ایتیک وار

گؤزوم آختارار همیشه

نه یاماندی بو ایتیک لر

خان ننه جانیم، نولِیدی

سنی بیرده من تاپایدیم

او آیاقلار اوسته، بیرده

دؤشه نیب بیر آغلایایدیم

قولی حلقه سالمیش ایپ تک

او آیاغی باغلیایدیم

که داها گئدنمیه ایدین

گئجه لر یاتاندا، سن ده

منی قوینووا آلاردین

نئجه باغریوا باساردین

قولون اوسته گاه سالاردین

آخی دنیا نی آتارکن

ایکیمیز شیرین یاتاردیق

یوخودا(لولئی)آتارکن

سنی من بلشدیرَردیم

گئجه لی، سو قیزدیراردین

أوزیوی تمیزلیهردین

گنه ده منی أوپردین

هئچ منه آجیخلامازدین

ساواشان منه کیم اولسون

سن منه هاوار دوراردین

منی، سن آنام دؤینده

قاپیب آرادان چیخاردین

ائله ایستیلیک او ایستک

داها کیمسه ده اولورمی؟

اوره گیم دئییر کی: یوق- یوق

او ده رین صفالی ایستک

منیم او عزیزلیگیم تک

سنیله گئدیب، توکندی

خان ننه، أزون دیئیردین

که: سنه بهشت ده، آلله

وئرجک نه ایستیورسن

بو سؤزون یادیندا قالسین

منه قولینی وئریب سن

ائله بیر گونوم اولورسا

بیلیسن نه ایسته رم من؟

سؤزیمه درست قولاخ وئر:

(سن ایلن اوشاخلیق عهدین)

خان ننه آمان، نولِیدی

بیر اوشاخلیغی تاپایدیم

بیر ده من سنه چاتایدیم

سنیلن قوجاقلاشایدیم

سنیلن بیر آغلاشایدیم

یئنیدن اوشاق اولورکن

قوجاغوندا بیر یاتایدیم

ائلر بیر بهشت اولورسا

داها من ئوز آللاهمیمدان

باشقا بیر شئ ایستمزدیم

استاد شهریار، تبریز، فروردین 1355



 


موضوعات مرتبط: استاد شهریار (حیدر بابا)

تاريخ : چهارشنبه دوم اسفند 1391 | 3:58 | نویسنده : موسی |